Pekia Palesiteni Siasi Fakatahataha NZ Faifekau 'Ilomaisini Lea Featured
Palesiteni Siasi Fakatahataha NZ Faifekau 'Ilomaisini Lea
16 Fepueli, 2019. Ko e taa ia 'oku ongo pea uhu ki he Siasi Fakatahataha 'o e Kainga Tonga 'i Nu'usila 'a e ui ma'oni'oni 'a e 'Otua ki he Palesiteni 'o e Fungavaka ni Faifekau 'Ilomaisini Lea.
Na'e pekia 'a e Tangata'eiki Palesiteni 'o e Siasi ni 'i he pongipongi Falaite ko hono 14 Fepueli 'o 'Aokalani Nu'usila pe.
Na'e fakahoko ha faka'eke'eke 'a e ongoongo ni ki he Sea 'o e Poate Talasiti Pule 'a e Siasi Fakatahataha 'o e Kainga Tonga 'i Nu'usila Wlilliam Clive Edwards pea na'e fakaha 'e Edwards 'ene 'ohovale lahi 'i he ongoongo ko'eni pea koe mole lahi ia ki he Siasi.
'I he fakamatala 'a Edwards na'a ne ma'u 'a e ongoongo ni 'i he 'aho Falaite pea 'oku te'eki ke maau 'a e fokotu'utu'u 'a e Siasi ki ha 'aho 'e fakahoko ai 'a e me'afaka'eiki 'o e Tangata'eiki Palesiteni.
Ko Faifekau 'Ilomaisini Lea mei he Kilikilitefua mei Makave Vava'u pea kuo laka he ta'u 'e 10 'ene 'i he Lakanga Palesiteni 'o e Siasi.
Ko e Sekelitali Seniale foki 'a e Siasi ni ko Faifekau Kiopeti Mahina.
