Fakahoko e Fili Si'i he 'aho 3 'o Novema Featured
12 'Aokosi 2022. Kuo fakamahino mei he 'Ofisi 'o e 'Eiki Sea 'o e Fale Alea 'o Tonga 'e fakahoko 'a e fili si'i 'i he 'aho 3 'o Novema 2022 ke fili ha fetongi 'o e kau Fakafofonga na'e fakahifo kinautolu mei he'enau hoko koe kau Fakafofonga 'o e Fale Alea 'o Tonga.
Na'e fakahu atu foki 'e he 'Eiki Sea 'o e Fale Alea 'i he 'aho 10 'o 'Aokosi ki he Komisoni Fili 'a e kole ke fakahoko ha fili si'i (writ of election) ke fetongi 'a e sea 'o Tongatapu 4 'a ia na'e fakafofonga mai 'e Tatafu Moeaki, Tongatapu 6 'a ia na'e fakafofonga mai 'e Poasi Tei pea mo Tongatapu 7 'a ia na'e fakafofonga mai 'e Sione Sangster Saulala.
Ko e kole ko'eni na'e fakahoko pe ia he 'aho na'e fakahifo ai 'a e kau Fakafofonga ko'eni mei honau sea 'i he Fale Alea 'o Tonga.
