Foaki atu 'e Tonga pa'anga 'e taha kilu ke tokoni ki Vanuatu
21 Ma'asi, 2023. Kuo foaki atu 'e he Pule'anga Tonga 'a e pa'anga Tonga 'e taha kilu ($100,000 TOP) ke tokoni ki he fakaakeake 'a Vanuatu mei he ongo Saikolone mahanga na'a na 'ahia 'a e fonua 'i he ngaahi uuie kuo maliu atu.
Kuo toe fakaha foki mei he Pule'anga na'e toe foaki atu foki 'e he Pule'anga mo e tokoni ki he'etau fanau ako 'oku nau lolotonga ako 'i Vanuatu 'i he Va'a Lao 'a e 'Univesiti 'o e Pasifiki Tonga (USP) 'a ia koe tokoni fakaseniti 'eni ki he fanau.
'Oku 'ikai foki koha me'a fo'ou 'eni 'a fetokoni'aki mo e feongo'i'aki 'a e ngaahi tukui motu 'o e Pasifiki 'i he taimi 'oku hoko ai 'a e ngaahi fakatamaki faka-natula pehe ni.
Na'e fakahoko mai foki 'e Vanuatu 'enau tokoni ki he fakatamaki Hunga Tonga Hunga Ha'apai 'i he ta'u 2022 pea koe feongo'i'aki mo e tauhi vaa 'eni 'oku mahu'inga 'i he tauhi e ngaahi fekau'aki 'i he tukui motu 'o e Pasifiki.
