Tu'u fakataha mo 'Aositelelia ke Tau’i ‘a e COVID-19 ‘i he Pasifiki ^Featured

 ‘Oku mahu’inga ‘a e Halafononga koeni 'i hono fakapapau’i ‘a e ngaue ‘oku fai ki he kakai ‘o e pasifiki mo e naunau fakafaito’o ‘oku ngaue’aki, lolotonga ‘etau ngaue fakataha ke fakasi’isi’i ‘a e ngaahi uesia mei he COVID-19.

‘I hono tali lelei ‘e he sea ‘o e fakataha’anga ‘a e kau Minisita ki Muli ‘o e pasifiki, Hon.Simon Kofe, ‘a e tokoni ‘a ‘Aositelelia, na’ane pehee ‘e malava heni ke fakapapau’I ‘oku tuku atu ‘ehe Halafononga ki he ngaahi ngaue ki he kakai ‘o e pasifiki ‘a e ngaue moe naunau fakafaito’o ‘oku fu’u fiema’u felave’i mo e COVID-19. ‘I he ngaue koia ‘oku tokanga ‘a ‘Aositelelia ke a’usia ‘a e ngaahi me’a mahu’inga ‘i hono va fengaue’aki mo e pasifiki.

‘E foaki ‘e ‘Aositelelia ha AUD $5.5 million ki he Polokalama fakamamani lahi ki he me’atokoni (World Food Programme) ke tokoni ki hono leva’i ‘a e COVID-19 ‘I he pasifiki.

‘Oku kau ai ‘a e AUD $4m ki he fefolau’aki vakapuna and ngaue fakalosika ki he Halafononga ki he ngaahi ngaue ki he kakai ‘o e pasifiki (Pacific Humanitarian Pathway), ko hono fakahoko atu ‘a e ngaahi ngaue mo ‘oatu ‘a e naunau fakafaito’o ‘oku matu’aki fiema’u vivili , ko e teunga malu’i ki he kau ngaue pe PPE (Personal Protective Equipment) mo hono vakai’I ‘a e uesia ‘e he COVID-19 ‘a e tu’unga malu ‘a e me’atokoni ‘i he Pasifiki.

‘I he me’a ‘a e Minisita ki muli ‘a ‘Aositelelia, Hon.Marise Payne na’ane pehee koe’uhi ‘oku memipa ‘a ‘Aositelelia ‘i he fakataha’anga ‘a e kau taki ‘o e pasifiki, ‘oku fakahoko ‘eia hono fatongia ‘i hono ngaue’i ‘a e halafononga koeni kau ai hono fokotu’u ‘a e ngaahi founga ngaue ki he uta moe kau kau pasese ke fakasi’isi’i ha mafola ‘ae COVID-19.

Na’e pehee ‘ehe Minisita ki he Pasifiki mo e fakalakalaka fakavaha’apule’anga, Hon Alex Hawke koe talu mei he kamata ‘a e mafola fakamamani lahi ‘a e COVID-19 moe ngaue fakataha ‘a ‘Aositelelia mo hono famili Pasifiki ke tau’i ‘a e faingata’a koeni. Na’a ne pehee, “’Oku ‘uhinga ‘a e pa’anga tokoni koeni, koe hoangaue mo e fakataha’anga e kau taki ‘oe pasifiki, ‘oku mau lava ‘o tokoni ke ola lelei hono a’utaki e ngaahi naunau mahu’inga ki he ngaahi fonua Pasifiki lolotonga ia ‘oku kei hokohoko atu hono tau’i ‘a e faingata’a ni.

‘Oku to e tukupa ‘a ‘Aositelelia ke foaki mo e toe AUD $3.5 million ‘i he konga hono 2 ‘oe palani ‘a e Kautaha Mo’ui ‘a Mamani ke tokonia e Pasifiki felave’i mo e COVID-19 (WHO COVID-19 Pacific Health Sector Support Plan (phase II) ‘i hono tuku atu ‘a e ngaahi fale’i mo e ngaahi naunau ki he mo’ui felave’i mo e vailasi ni.

Na’e fakaha ‘e he Sekelitali Seniale ‘o e Forum Secretariat, Dame Meg Taylor, ‘oku nau tali lelei ‘ae poupou malohi ‘a Aositelelia ki he ngaue ‘a e Pasifiki felave’I mo e COVID-19 pea ‘oku fai ‘a e ngaue fakataha ke tuku atu ‘a e ngaahi ngaue ‘oku taau pea ola lelei ‘i he Halafononga ki he ngaahi ngaue ki he kakai ‘o e Pasifiki, pea ke fakapapau’I ko e le’o ‘oe Pasifiki ‘oku ‘i he uhouhonga ‘o ‘etau ngaue ki hono taliteke’i ‘a e COVID-19.

Koe faingata’a eni ne ‘ikai ‘amanaki ha taha kiai ka ‘oku hoko ia ke fakamanamana ki he mo’ui, fiefia mo e malu ‘a e kakai kotoa ‘i he Pasifiki. Koe ngaue fakataha te tau lava ai ‘o ikuna’i fakataha ‘a e taimi faingata’a ni.