Hoko atu 'a Dr. Tu'ipulotu Katoanga 'i he lakanga Palesteni Siasi 'o Tonga
14 Me 2024. Kuo toe fili 'e he Konifelenisi 'a e Siasi 'o Tonga 'a Faifekau Dr. Tu'ipulotu Lofitu Kātoanga kene hoko atu he lakanga koe Palesiteni 'o e Siasi 'o Tonga.
Na'e fokotu'u 'a e toko 3 foki ke Kanititeiti ki he fili Palesitení ai ia ko Rev. Dr. Tu'ipulotu Lofitu Kātoanga ne fili ki ai e toko 189, fili 'a e toko 55 kia Faifekau Sione To'a Tonga'onevai pea ko Faifekau Sione Fataua na'e fili kiai 'a e toko 8.
Kuo a'u 'eni ki he ta'u hokohoko 'e 12 'a e 'i he lakangá Palesiteni 'a Faifekau Dr. Kātoanga talu mei he ta'u 2012 'o fetongi 'a Faifekau. Dr. Tevita Feke Mafi.
Na'e fetongi 'e Faifekau Dr. Kātoanga 'a Faiofekau Dr. Mafi ko e Palesiteni Mālōlō 'a e siasi ka 'oku ne lolotonga hoko ko e Talēkita Pule ia 'a e Potungāue 'Evangeliō 'a e Siasí.
Na'e toe hoko atu pe 'a Faifekau Mosese Uēleni 'i he lakanga Sekelitali Lahí.
'Oku hokohoko atu ai pe 'a e Konifelenisi 'a e Siasi 'o Tonga 'a ia 'e toki kakato ki he faka'osinga 'o e uike.
