Huufi ‘e he Tama Tu’i Tupou VI ‘a e Falemahaki Niu'ui Featured
Ko e Tama Tu'i Tupou VI 'i he lolotnga 'a e katoanga Huufi Falemahaki Niu'ui
8 Novema 2019. Na’e Huufi ‘E He'ene 'Afio Tupou VI ‘a e Falemahaki Niu'ui ‘aneafi ‘aho 7 ‘o Novema 2017 hili ia ha’ane maumau lahi ‘i he to mai 'a e saikolone fakatalopiki ko Ian ‘i he ta’u 2014.
Ko e Falemahaki Niu'ui 'i Ha'apai hili 'a e Saikolone ko Ian 'i he 2014
Ko e tokoni foki ‘eni ‘a e Pangike Langa Fakalakalaka ‘a ‘Esia (Asian Development Bank) fakataha mo e ngaahi fonua mo e ngahai kautaha tokoni pea koe toe langa ko’eni na’e hiki ia ki he feitu’u ‘oku toe ma’olunga ange pea koe konga ia ‘o e tali ki he feliuliuaki ‘a e ‘ea mo hono ngaahi pole.
Na’e fakahoko foki ‘a ‘ouau huufi ko’eni ‘e he Tama Tu’i fakataha pea kau mai kiai mo e pule fakavahenga ‘a e Pangike ‘a ‘Esia Masayuki Tachiiri ‘a ia na'a ne 'i Tonga ni ke fakafofonga'i 'a e pangike 'i he katoanga ni.
Na’e me’a foki ‘a e Minisita Mo’ui Dr. Amelia Afuha'amango Tu'ipulotu ‘o pehe koe hiki ko’eni ki he feitu’u ‘oku toe ma’olunga ange ‘oku ne fakamahino mai ‘a e tu’unga ‘oku ‘i ai ‘a e fonua makatu’unga ‘i he feliuliuaki ‘a e ‘ea (Climate Change) pea 'oku toe malu ange 'a e feitu'u fo'ou ko'eni.
