Fakaava faka’ofisiale Konifelenisi hono 4 Ngaahi Fonua Langalanga Hake Iiki ange
28 Me 2024. Na'e fakaava he pongipongi he 'aho ni 'i St John kolomu'a 'o Antigua mo Barbuda 'a e Konifelenisi hono 4 ‘a e Ngaahi Fonua Langalanga Hake Iiki ange (The fourth International Conference on Small Island Developing States (SIDS4) ).
Ko e fakataha ko'eni 'oku fakahoko ia mei he 'aho 27 ki he 30 Me 2024 ‘a ia 'oku fakahoko 'eni ki he ‘Otu Kalipiane.
Ko e taumu'a foki 'o e Konifelenisi Tko'eni koe "Charting the Course Towards Resilient Prosperity” pe koe Tofa ha Halafononga ki ha Tu’umalie ‘oku Matu’uekina.
'Oku taki atu 'e he 'Eiki Palemia 'o Tonga Hon. Hu'akavameiliku 'a e timi 'a Tonga ki he fakataha lahi ni pea 'oku kau atu kiai mo e 'Eiki Minisita MEIDECC Hon. Fekita 'Utoikamanu pehe ki he 'Eiki Minisita Ki he Fefakatau'aki moe Langa Fakalakalaka Faka'ikonomika pehe ki he Takimamata Hon. Dr. Viliami Uasike Latu pehe ki he ngaue ngaue mei eh ngaahi Potungaue 'a e Pule'anga.
Ko e fakataha mahu'inga foki 'eni pea 'oku 'ohake ai 'a e ngaahi kaveinga mahu'inga fekau'aki Feliuliuaki 'a e 'Ea, ma'olunga ange 'a e tahi pehe ki he tu'u lavea ngofua 'a e ngahai fonua iiki ange ki he fakatamaki fakaenatula.
'Oku kau foki hono talanga'i heni 'a e founga ki hono tokonia 'a e langa fakalakala 'a e ngaahi fonua iiki ange.
