Laka hake he toko 100 na'e foki mai ki Tonga ni he 'aho ni Featured
4 Fepueli, 2021. Na'e tu'uta 'i he Mala'evakapuna Fua'amotu ha kau pasese 'e toko 98 mei Nu'usila 'i he ho'ata 'o e 'aho ni.
Ko e kau pasese ko'eni fakatatau ki he fakamatala mei he Potungaue MEIDECC 'oku kau ai 'a e ni'ihi na'a nau folau atu 'i he polokalama toli fo'i'akau.
Na'e toe tu'uta foki 'i he houa efiafi 'a e Lulutai mo e kau pasese 'e toko hongofulu tupu 'a ia koe folau mai ia mei Fisi.
Ko e kau pasese katoa ko'eni 'e fakahoko honau kolonitini 'i he Hotele Tano'a.
Na'e malava ai pe ke folaiu atu 'a e ni'ihi 'o hotau kakai 'i he vakapuna ko'eni na'e tu'uta mai mei Nu'usila.
'Oku lolotonga fakahoko foki mo e fokotu'utu'u ke fakahoko mo e folau mei Pilisipeini, 'Aositelelia 'i he 'aho Tu'apulelulu kaha'u mo e kau pasese ia 'e toko 120.
Ko e konga pe foki 'eni 'a e ngaahi fokotu'utu'u 'a e Pule'anga ki hono fakafoki mai hotau kakai 'oku nau kei fihia 'i he ngaahi fonua muli makatu'unga 'i he panatemika covid-19
