Hoko atu e fakataputapui ki Sune Featured
19 'Epeleli, 2020. Kuo fakaloloa atu 'e he Pule'anga Tonga 'a e fakataputapui 'i he feinga faka'ehi'ehi mei he COVID-19 ke toki ngata mei he 'a e 12 Sune 2020.
Ko e fakataputapui ko'eni 'oku fakangalokuloku pe 'a e konga 'o e fakataputapui fakalotofonua 'o hange koe taimi 'oku faka'ata ke fai ai e fefononga'aki holo 'i he po'uli mo e ngaahi tafa'ki kehe pe tukukehe ange 'a e ta'ofi 'a e kau'afonua 'e toki 'ata pe ha'ane mahino 'a e tu'unga 'o e COVID-19.
'I he'ene pehe leva 'oku kei ta'ofi ke tu'uta mai ha folau pasese ki Tonga ni tukukehe ange 'a e ngaahi folau 'oku fakangofua 'i ha 'uhinga ange hange ko hano fakaa'u mai ha tokoni ka 'oku 'i he ma'u mafai pe 'a e fakangofua koia.
'Oku kei kaniseli pe 'a e ngaahi fepuna'aki fakavaha'a-Pule'anga lolotonga ia 'oku te'eki ke 'i ai ha taha 'i he fonua kuo lipooti mai kuo ma'u 'e he mahaki ni.
