Vaha'a 'o e Fika Fakaheliaki/ Faka'aati mo e Fika Fakafika/ Fakasaienisi ^Featured

17 comments

• 
  Tavake-fai`ana Tuesday, 20 February 2018 15:15 Comment Link

  Te u to e fakamaaloo atu ai pe ki he kau heloo he Saienisi mo e ‘Aati hono ke i nofoaki ‘etau kaitunu vauvau ifo mo vovo ni.
  
  ‘Ikai te u to e ‘ilo pe ‘e fefee’i nai mo ke i ngali poto koaa ke toutou tali ‘a e fehu’i tatau pe kuo ‘osi hono tali tatu’olahi kimu’aa he kuo hange ‘eni ia ha taufetuli ‘a ha pusi mo hono hiku.
  
  Kole atu kapau ‘oku ‘i ai ha helo ‘oku takaofi he taalafuu ‘o e fakakaukau ke tokoni mai mu’a ki hono fakama’ala’ala ki a Hausia ‘a e tu’u ‘a e faifika he Saienisi mo e ‘Aati he funga `o e ‘Iaii kuo `osi tatu’olahi hono fai mo toutou tukuatu ki mu’aa.

  Report
• 
  Hausia Tuesday, 20 February 2018 00:07 Comment Link

  Manako ma'u pe ke fa'a fanongo ki he polokalama letio (A3Z) 'ae 'apiako 'Atenisi he taimi koee 'i hono fa'a fakahoko mai 'e Futa Helu (kuo ne pekia) peau malie'ia ma'u pe he to'onga e talanoa he na'e mahino na'e 'ikai script ha me'a ka koe talanoa tali fehu'i 'a Futa ki he ngaahi fehu'i fakaako, politikale mo ha fa'ahinga me'a pe 'oku fakahoko atu 'ehe tokotaha fehu'i.
  
  Fielau he ko hono mala'e he koe fasi tanunu atu e ngaahi fehu'i kehekehe kia Futa, na'ane kei tali lelei pe. Tali mahino mo faingofua pea ongo tonu ma'u pe (make sense). Lahi e ngaahi fehu'i he filosofia ka na'e lava ma'u 'e Futa 'o 'omai ha fakataataa mahino mo simple mei he 'iai ke make sense ma'u pe 'a 'ene tali.
  
  Efiafi 'e taha, 'eke atu e fehu'i pea koe fehu'i fakaako filosofia 'eni, pea ki'i longo 'a Futa. Pea ki'i ma'uloloa atu 'ae longo 'ae Palofesa. Faifai, pea ne toki tali mai 'aki 'eni - "Na'e 'ikai tama fai ha teuteu ki he fehu'i ko'eni kae feefee ke tuku mai mu'a ha ki'i taimi keu toe sio kiai ka ta toki talanoa kiai he polokalama hoko".
  
  Ongo fakaoli 'ae 'ikai 'ilo 'ehe Palofesa ha tali ke fai mai. He na'e taku koe poto lahi he 'iai moe 'iai. Ka ko hono mo'oni koe tali 'eni 'ae Poto, 'ae tokotaha na'e 'iai pea 'iai he mala'e 'oe ako , filosofia moe ngaahi 'esitela - "ke tuku mai mu'a ha ki'i taimi ke toe fai ha fekumi". No shame in saying I don't know.
  
  Ka koe tokolahi foki ia he ngaahi situation pehe ni (tau pehee pe koe kau Salateni - Charlatans) , 'oku nau maa tokua he pehee 'oku 'ikai ke nau 'ilo e tali. Te nau siokita kae 'ikai ke nau sio ki he 'iai. Pea te nau tali mai ka 'oku nau 'ilo lelei pe 'oku 'ikai ko ha tali ia ki he fehu'i. 'O anga feefee?
  
  Te nau taki atu e talanoa ki ha topiki fakaako filosofia kehe pea ngaue'aki e ngaahi lea fakaako mamafa mo complicate ke tala kitu'a mai 'a 'ene 'iai toku kuo 'iai mo 'iai. Ka koe pango 'ikai ofiofi e tali ia ki he fehu'i. Ka 'oku ongo malie tokua ki he fanongo.
  
  'Oku kei tu'u moe lau pe 'ae fehu'i ki he pehee " .... 1/2 as an entity PLUS 1/2 as an entity must be equal to 2 as an entity." Ke 'omai ha tali ke fakamo'oni'i 'aki 'ae lau ko'eni - to prove. That's all bro! Malo pe hono fao atu e talanoa ki he ngaahi me'a kehe ka koe fehu'i ko'eni 'oku short, simple and very clear.
  
  Pea kapau 'oku 'ikai lava ke 'omai, 'oku 'ikai ha no kovi ke pehee mai - "Tuku mai ha ki'i taimi". Koe toe tanunu mai 'ae fakamatala he ngaahi me'a kehe ke tala kitu'a ai ho'o 'ilo me'a mo ho'o 'iai, 'oku malo 'aupito pe ia ka 'oku 'ikai koe fehu'i ia. Sai 'aupito pe tunu vauvau moe pekepeke moe to talo kae tali pe fehu'i kataki fakamolemole.
  
  Malo, Hausia.

  Report
• 
  Tavake-fai`ana Monday, 19 February 2018 21:29 Comment Link

  Te u toutou fakamaloo atu ai pe ki he kau Helo ‘a e mala’e ‘o e Ako, Saienisi mo e ‘Aati mo hono ke i toloaki ‘a e mataafi (mo e avaafi) mo tafunaki ‘a e talafu ‘o e ako mo e fekumi ki he ‘iloo mo e potoo mo ke i tu’uholoaki mo nofoaki ‘etau ki’i kaitunu vauvau ifo ni.
  
  ‘Oku ‘oatu ‘eku fakamalo loto hounga pea mo makehe ki a Hausia ki si’ono toutou ua’i mo hunuaki mai ‘etau tofunangaa he kuo kamata ke to e lalafu ke mo’ui lelei ‘a e mataafi (moe avaafi) ke kalala lelei hono toutou fokihi mo filihi ai ‘a e kaveinga mahu’inga ni.
  
  Kuo kamata ke tatala mai e ngaahi matamata (moe avaava) kupenga na`a ne ke i ‘ufi’ufi’akaua ‘a e talanga mo e fakakakikihi ‘a e kau laufika mo e faifika ‘a e Saienisi (science) pea mo e ‘Aati (art) ‘i hono fakatatau mo fefakahoanaki ‘i he funga ‘o e ‘Iai (reality).
  
  Tala ‘e ee, ko ia pe ‘oku tonuu. Tala ‘e ee ko ia pe ‘oku pasikaa. ‘O na fakataumu’a pe he sio-kita ka e ‘ikai (ko e sio-ki-tu’a) ke `omai ke nofo taha ‘a e sio-kita (way of seeing [reality]) mo e ‘Iai (way of being [reality]) ‘oku fai ki ai ‘a e sioo. Ko e fehu’i tefitoo leva, pe ‘oku tatau nai ‘a e sio-‘ae-kita mo e ‘Iai (reality) tau’ataina pe ‘iate ia pe, pea ‘o kapau ko ia mo mo’oni pea tali ia, pea ka ‘oku ‘ikai, pea ‘oku loi pea to e hoko atu ‘ae fekumii.
  
  ‘Oku kamata ke tekeutua mai ‘o hange ko Kao mo Tofua ta ko e ongo me’angaue pe ‘a e fika saianisii pea moe fika `aati ia, ‘o hange kuo toutou taukave mo lave ki ai ‘a Hufanga kimu’a ‘i hono tokonaki mai `a e kaveinga ‘etau kaitunu vauvau ni.
  
  ‘Oku toki vakili hake ‘a e mo’oni kuo ‘u’ufii ta ko e fa`u pe ‘a e ongo me’angaue ko e fika saienisi mo e fika ‘aati (‘o hange pe ko e leaa, komipiuta, telesikope, hele, motoka mo e akoo) ‘e he tangata ke nau lava `o makupusi ‘a e fihitu`u mo e fepakitu’u ‘o e ‘Iai (reality). Ne u ‘osi toutou fakamahino mo fakamanatu atu ‘a e ngaahi polopalema mo e fakatu’utamaki lahi ‘e tu’utu’unuku ki ai ko e tupu mei hono feto’oaki ‘e he fakakaukau mo e fakangaue ‘a e `Iai (reality) tau’ataina pe ‘iate ia, moe me`angaue (tool) ke fakatatau`aki `a e sio-‘ae-kita mo e `Iai (reality).
  
  Kuo ‘osi toutounga fa’u mo pulusi tohi ‘a Hufanga mo taalanga’i ‘a e fihitu’u o e tatau, mo e potupotutatau ‘o e ‘Iai (reality) he funga ‘o e maauu ‘i hono liliu mei he tuukunga ‘o e ta’etatau, potupotukehekehe mo e palakuu he funga ‘o e felekeu mo e tokehekehe. ‘Oku toutou vaka mai heni e ngaahi ngeia ‘o e ‘Iai (reality), ‘a ia `oku tau lave fakamomenitale ai he ngaahi vaha’a ta kehekehe kotoa pe ‘i he’etau sio pe ki he kita mo e feinga ma’u pe ke toli’a ‘a e kita ka e ‘ikai ko e ma’u ‘e he kita ‘a e ‘ilo ‘o e mo’oni ‘a e ‘Iai (reality) tau’ataina pe ‘iate ia.
  
  Te u kole keu aofangatuku ‘aki ‘etau kaitunu vavau mo pekepeke ifo ‘oku tau fai ni hono to e fakaamanatu ma’u atu ‘a e fakatata faka’uhinga mahino mo faingofua he va ‘o e pa’anga (currency) mo e fo`i ma (reality), ‘aki ‘a e fakakaukau fakafilosofia ko e me’angaue (tool) ko e (pa’anga) ko e fa’u pe ‘e he tangata ke fakamahu'inga 'aki 'a e me'a ko e fo’i ma 'i Natula (reality) (ko e ngaohi 'e he 'Otua).
  
  ‘O hange pe ko e lea akonaki malie 'a Sisu `i he tohi matoutoluu, 'e mahu’inga malie ange ki he puaka ka si ki ai ha fo’i ma he te ne kai ‘e ia ‘i hano li ki ai ha lau’i pa’anga (pe ko e mata’itofee he’ene tala fakatata loloto mo maliee) he ‘ikai ke ne kai 'e ia he 'oku namunoa he ko e ngaohi 'e he tangata, ka te ne toufofo 'e ia 'a e ma he ‘oku namukakala mo ifo vovo he ko e ngaahi ‘e he ‘Otua (mo Natula).
  
  Na’e mahino lelei ‘a e fakakaukau fakafilosofia ni ki a 'Ulukalala (Feletoa) he 1806 hono lapasi 'a e vaka Poata Pilinisi ‘o tohi ‘e he kauvaka Palangii ‘a e hingoa ‘o ‘Ulukala he lau’ipepa ‘o lau mai ‘e Toki Ukamea (William Mariner) mo pehe "’Ulukalala" ka e tali atu ia, “‘O fefe ia he ko 'Ulukalala au ka e ‘ikai ko e lau’ipepa!”
  
  Na’e to e mahino lelei ‘eni ki he fa’a lahi ‘i Vava’u he taimi na’e ki’I hongehonge ai ‘a e fonuaa, na’e fakatau ‘ufi he fakafaletolo `o e falekoloa BP (Burns Phillip) ‘i Neiafu, pea fakatau ai ‘e he tangata ‘ene kato ‘ufi ‘e taha (1) na’e fa’o ai ‘a e fo’i ‘ufi ‘e nima (5) ki he silini ‘e 4 (he lau pa’anga kalauni sovaleni) pea ne talaange ki he fa’aa, “‘Oku fu’u mamafa,” ka e tali atu 'e he fa’a, "Sai 'omai ‘eku kato ‘ufi ka ke ‘alu ‘o kai ho’o lau’i silinii!"
  
  Leveleva e malanga kae tatau moe `ofa atu fau
  PS: Kapau `oku ke fiu he toutou kai tunu vauvau mo pekepekee, pea fakaha mai ke tau afe ‘o fe’auhi to-talo mo tau-niu ‘o hangee ko ho’o faka’amu mo fokotu’uu.

  Report
• 
  Hausia Sunday, 18 February 2018 17:56 Comment Link

  Kataki fakamolemole na'e 'ikai ke fai ha ngaue'aki ia ho hingoa. 'I he 'iai, na'e 'uhinga e hingoa ia ki he 'emau ki'i motu'a totalo (ngoue talo) heni ko Tavake pea mo'emau ki'i finemotu'a masiva ko Fai'ana. 'Oua teke tokanga koe ki he hingoa he 'oku 'ikai 'iai hano mahu'inga 'o 'ona. Koe kakano e faka'uhinga (argument) koe me'a ia 'oku mahu'inga.
  
  Fanongo 'a Fai'ana ki he pehee 'e Tavake: "a. 1/2 as a quantity PLUS 1/2 as a quantity is equal to 1 as an entity; b. 1 as an entity PLUS 1 as an entity is equal to 2 as an entity. If we take this to be true then, 1/2 as an entity PLUS 1/2 as an entity must be equal to 2 as an entity."
  
  Mo'utafu'ua lahi 'a Fai'ana he 'oku ongo fai kehe ka 'ihe taimi tatau 'oku 'iai hono lelei lahi he 'e lava pe ia kete tanaki e 1/3 moe 2/3 'o ma'u 3 kapau 'oku te loto kita ke pehee 'ete 'iai. Ma'a lahi atu.
  
  Ka 'ihe taimi tatau kei confuse pe 'a Fai'ana mo 'eke kia Tavake ke ne toe fakamatala'i fakalelei mai ange pe 'e lava fefee ke "1/2 as entity plus 1/2 as entity must be equal to 2 as entity".
  
  Pea 'oku kei si'i tali atu pe si'i Fai'ana. 'Asinga ai ko Tavake ia ko hono faiva e to talo he koe me'a ia 'oku ma'u ai 'ene mo'ui pea 'oku pehe ni e me'a 'oku lahi ai 'ene tupu hono fakatau 'ene talo. Tene 'uluaki tofi'i e fo'i talo na'e taha (1 entity) ke ma'u 'ae me'a (entity) 'e ua pea 'i he'ene lava ke lilu me'a na'e entity 1 ki he entity 2, 'oku toe lahi ange ai 'ene tupu.
  
  Fu'u lahi 'ene silini pea kuo hoko mai ai pe talanoa ki he currency. Kae si'i kei tali pe si'i Fai'ana ke fai mu'a mo 'oange ha 'uhinga lelei. Ka he'ikai foki ke toe 'omai ia, he 'oku kehe atu pe 'ae 'iai ia 'a Tavake. Pea koe lolotonga ni, lele ai leva he to talo he 'oku lelei faka'ikonomika.
  
  Hausia.

  Report
• 
  Tavake-fai`ana Thursday, 15 February 2018 16:10 Comment Link

  Malo mu`a hono kei tafunaki `etau kaitunu vauvau ni. To e fakamalo atu ai pe ki he kau helo ‘o e mala’ee ka e hoko atu ‘etau taalave.
  
  Fakamalo atu ki a Hausia mo e ngaahi taanaki mo e kole fakaholomamata ni. Kole atu ke ki`i holoki si`i hifo hono takuanoa hoto hingoa he palakalafi kotoa. Faifai pea `ave kita `e ha fa`ahikehe! ‘Omai pe ha ngaahi ‘uhinga ‘o fetongi’aki mo e maumau vaitohi! Pea ke kataki ‘o ha’u pe he ‘uhinga ka e tuku ‘a e lau ‘a hai mo hai mo e mole vaha`a mata`itohi.
  
  Kataki `oku ta u ke i talanoa `eni ki he `Iai (reality) `i he`ene fuatautau mai `a e faikehekehe `a e ngaahi faifika `i he saianisi moe faifika `i he `aati. Ko hono fusi mai `o e currency pe pa’angaa ki he `etau talanoa `e toe tokoni ia ki hono vakili, ta`aki mo mulufulihi mai `a e ngaahi felekeu `oku tau kei hee holo ai.
  
  Kole atu ke tau ki`i lave si`i pe ki he currency pe pa’anga koe`uhi ko `etau kaveninga talanoa `oku `i he taumu`a kehe ia. Ko e currency pe pa’anga ia ko ha fo`i kaitunu kehe ia.
  
  Fakatata: `I he `Iai (reality), ko e fo`i ma `e taha (1) `oku tatau ia ki he fo`i ma `e taha (1). Kapau `e paki pe tofi ua e fo`i ma ‘e taha (1), pea `e konga ma leva ia ‘e ua (2) `e ua (2).
  
  Ta u `omai leva e currency pe pa’anga ko e la`i pepa `o tau foaki ange `a e mahu`inga (value) ko e pa`anga `e taha ($1). Koe tu`u ko`eni `i he `Iai (reality) `oku kei la`i pepa pe ia pe ko ha lai nikolo lafalafa. Ko koe pe mo au `oku ta fakamuna ko e mahu`inga `o e la`i pepa ko e pa`anga `e taha ($1).
  
  `I he’eta fakamuna kop `eni `oku ta `omai e la`i nikolo `o ta fakahingoa pe fakamahu`inga (value) ko e seniti `e nimanoa (50c) pea ka ta tanaki e la`i nikolo `e ua (2) pea te ta fakmahu`inga ia `oku tatau mo e la`ipepa `oku ta fakamahu`inga`i ko e pa`anga `e taha ($1)
  
  Hoko atu, `I he`eta fakamuna ko `eni `oku ta lototaha `oku pa`anga `e taha ($1) `a e fo`i ma `e taha (1), ‘a ia koe $1 = fo’i ma ‘e taha (1).
  
  `E toe e`a mai e `Iai (reality) `i he taimi `e hala pe honge ma ai. Ko e mahu`inga (value) e la`i pepa kuo `ikai tatau ia moe fo`i ma. Ko hono vakai`i `e taha ko ho`o to`o atu e la`i pepa `o li ki he puaka pe te ne kai `o makona tatau mo hono li atu ha fo`i ma na`e fakatau `aki e pa`anga `e taha ($1).
  
  Ko hono fokotu`u ko ia ko e $1 = 50c tanaki mo e 50c ko e koto fakamuna pe ia `i he loto `Iai (reality). Ko e me’a ‘oku mo’oni ko e fo’i ma ‘oku lava ‘o kai, ka e ‘ikai lava ke kai ‘a e la’i pa’anga pepa pe la’i pa’anga nikolo.
  
  $1= 50c + 50c koe muna pe `i loto `o e `Iai. `Oku ta fa`u pe `oku fa`u mai pea ta tui koe `I ai ia.
  
  ‘Oku hange pe ko e fika he saienisi mo e lea he ‘aati (ka e tefito faiva ta’anga mo e faiva lea mo e tufunga lea) ko e ngaahi fakamuna pe ia ko e fa’u ‘e he tangata he’ene fe’ao mo fekuki ta’etuku mo tu’uma’u mo e ‘Iai (reality).
  
  Leveleva ka e tatau atu.

  Report
• 
  Hausia Wednesday, 14 February 2018 16:45 Comment Link

  Ta tu'o lahi hono fakamanatu mai 'e Hufanga 'ae fiema'u ke maau - he koe maau 'oku ne 'omai 'ae potupotu tatau pea mei ai ki he faka'ofo'ofa. He ka ta'emaau pe felekeu, 'oku ma'u ai 'ae matamata kovi moe 'ikai ke faka'ofo'ofa.
  
  Kapau teu 'eke ange kia Tavakefai'ana pe 'oku fiha e tanaki e $1 moe $1 pea koe ha pe ha mata'ifika ia tene 'omai 'e kei tonu pe ia. Kapau 'e pehee mai koe $2, 'e tonu. Kapau 'e tali moe koe $2.34, 'e tonu pe moia pea mo ha toe mata'ifika pe tene 'omai. Fakatokanga'i 'ene ta'e maau mo felekeu? Koe ha hono 'uhinga?
  
  He 'oku 'ikai mahino ia pe koe pa'anga Tonga pe pa'anga 'Amelika. He kapau 'e toe fakamahino'i koe USD $1 + USD $1 pea koe tali 'oku taha pe koe USD $2. Mahino, maau mo faka'ofo'ofa.
  
  Fiema'u 'e Tavakefai'ana ia ke tau tali 'oku malava tokua ke "1/2 as an entity PLUS 1/2 as an entity must be equal to 2 as an entity.". Ongo malie 'ae fakamatala pea ongo tonu pe ia ka 'oku 'ikai ke tatau ia moe pehe koe 1/2 + 1/2 = 2 he 'oku ta'e malava ia ke hoko.
  
  Kapau leva 'e liliu 'e Tavakefai'ana 'ene fakalea koe "1/2 as entity PLUS 1/2 as an entity must equal to 2 of the SAME entity" pea 'e ofiofi atu ia ki he me'a 'oku tokanga mai kiai 'a Tavakefai'ana.
  
  'I hono define mahino e entity pea 'oku 'ikai ke 'iai ha fepakipaki mo ha felekeu. Hangee ko'eni. "1/2 as an entity PLUS 1/2 as entity must equal to 1 of a BIGGER entity". Fakatokanga'i 'ae mahino koe BIGGER entity 'aia koe 1.
  
  Fekau'aki moe tofi ua e fo'i meleni e '1 maketi pea ke ma'u 'e koe 'ae konga vaeua 'e taha (koe entity) ia 'e 1 peau ma'u 'e au 'ae vaeua 'e taha (koe entity) ia 'e taha pea 'oku loto koe tokua ka fakataha'i naua 'oku tonu ke lau koe entity ia 'e 2. Koe me'a 'eni 'oku ou ui koe academic fraud.
  
  Koe ha hono 'uhinga? 'Uluaki, 'oku ke kikivoi koe he 'ikai lava ke toe fakapipiki'i e fo'i meleni tokua koe me'a ia 'oku kei ua ai e entity. Fefe kapau te ke liliu mei he fo'i meleni ki ha la'i pepa? 'Ikai 'e 'ilonga ai e avaava ho'o faka'uhinga?
  
  Ua, ta toe foki mai pe ki he meleni. Koe vaeua konga meleni 'oku tohi ia koe 1/2 pea koe 'oku 'uhinga e 2 'ae denominator kae 1 'ae numerator he na'e taha e entity kimu'a he kei kakato fo'i meleni ka kuo tofi 2 pea ke ma'u 'e koe 'ae konga 'e taha (1/2) peau ma'u 'e au e konga 'e taha (1/2). Pea ka fakataha'i 'e ma'u 'ae 1 pe koe fo'i meleni kakato. Pea 'oku toe lava pe foki ke tohi e 1 koe 2/2 'o 'uhinga na'e tofi ua (denominator) pea koe ongo konga 'eni 'e ua kuo fakataha'i mai (numerator is 2) pea kuo nau taha.
  
  'Oku ou tui mahalo ko ha academic error he 'oku nofo koe he 2 'ae numerator 'i hono fakataha'i tokua koe entity 'e 2 'oku ma'u. Ka 'oku 2 moe denominator he na'e tofi 2 pea koe 2/2 koe 1.
  
  Mahino pea faingofua pea maau moe faka'ofo'ofa 'ae reality moe mo'oni 'oku 'omai 'e he fika.
  
  Koe academic fraud when you play with words to show something otherwise. Ka 'okapau 'oku 'ikai ko ha fraud ta koe error pe 'o tupu mei he 'ikai keke mahino'i e 'uhinga e 1/2 ke 'uhinga ki he konga 'e 2.
  
  Malo
  Hausia

  Report
• 
  Tavake-fai`ana Wednesday, 14 February 2018 09:30 Comment Link

  Fakamalo atu ki he kau helo he mala`e `o e ako mo e fakatotoloo `i hono toutou fokihi `etau kaitunu ifo ni. Fakamaaloo atu kia Hausia, Helu, `Ofa-ki-Tonga, Maui-Tava-He-Ako mo Hufanga he ngaahi tou'anga `oku fai.
  
  Kataki pe Hausia, ko `eku talanoa `a`aku ia ki he ½ tanaki mo e ½ 'oku tatau ki he ½ tanaki mo e ½ ka e 'ikai ko e 1.
  
  Ko e fakakatata fika 1, 'o kapau te ke `omai ha fo`i ma `e taha(1)`o tofi ua(2) he`ikai teke talamai `oku kei taha(1) he kuo tofi ua(2) ia. Teke feinga ke fakataha`i pea ke fa`omilemila `o `omai kia te au pea ke pehe mai koe fo`i ma `ena `e taha (1). Te u pe he atu leva `e au, kataki fakafofonga ko e konga ma `eni ia `e ua(2) ka `oku `ikai ko ha fo`i ma `e taha (1). `Oku `ikai ke toe fo`i ma `eni ia `e taha (1). Na`e taha ka kuo ua(2) ia. Ko hono talamai `oku kei taha(1) `oku `ikai `UHINGA ia, `o tatau ai pe pe koe lea Tonga pe koe lea Siamane pe Falanise.
  
  Ko e fakatata fika 2, 'o kapau te ta lele atu ki maketi `o fakatau mai ha fo`i meleni `e taha (1)`o tofiua(2). Neongo te ke fakataha`i 'a e ongo konga (2)`o ke talamai ko e fo`i meleni `e taha(1), teu toume`i koe. Na`e taha (1)ka kuo ua (2)ia. Te ke feinga ke fakapipiki`aki ha supakuluu, teu talaatu, `oku kei konga ua (2)pe ia. Ko hono talamai `oku kei taha(1) `oku `ikai `UHINGA ia, `o tatau ai pe pe koe lea Tonga pe koe lea Siamane pe Falanise.
  
  Ko e tali totonu mo `uhinga ko e konga ua(2)`e ua(2) 'o hange ko `eku lave `i `olunga.
  
  `Oku mahino pe foki ne ohi`aki ki tautolu mei he lautohi pule`anga `o a`u ki he `etau vaivai ni `aki `ae fika `o pehe koe ½ + ½ = 1, pea fakapapau`i mai he'etau kau faiako fika koe totonu ia moe tonu taha, he na`e talaange `e he`enau kau faiako fika kimu`a. `Oku `ikai `uhinga `eni koe me'a totonu ia 'oku hoko he 'iai (reality) he `oku hange `a e mama moe avaava ia ko `eni ne fai ha ako fanapolo ai `a e Talepani.
  
  `Oku `ikai `uhinga `oku pulusi tohi pea talamai ko e mo`oni ia pea tau tui ki ai `o `ikai ke tomu`a fokihi mo vakakili ke tau `ilo hono kano loto `i he `iai.
  
  `Oku ou toe kole atu Hausia ke ke kataki ka ke fokotu'u mai ange 'a e kehekehe he va 'o e "academic error" pe "hala fakaako" ko e tupu mei he "matavalea" mo e "academic fraud" pe "kaakaa fakaako" koe tupu mei he "loi" 'o hange ko e "plagiarism" pe "tohinima kakaa" pe "tohinima loi?"
  
  'Oku fele 'a e hala fakaako (academic error) he mala'e 'o e ako ko e tupu mei he "matavalea" ka e 'ikai ko e "kaakaa fakaako" (academic fraud) ko e tupu mei he "loi" 'o faifai pea 'osi kotoa 'a e kau 'akatemika he ngaue popula ho'o fa'ahinga faka'uhinga!
  
  'Oku tautea 'a e "kaka fakaako" (academic fraud) ko e tupu he "loi" 'oku 'iloa ko e "plagiarism" pe "tohinima kaakaa" pe 'tohinima loi" ko e tuli he ako mo e faiako.

  Report
• 
  Hufanga (Okusitino Mahina) Monday, 12 February 2018 16:35 Comment Link

  Si'oto'ofa Helu pea malo fau 'ae hu mai ki hotau "paenga talanoa moe talanga ke kaunga tongi e tupe kuo lafoa he felafoaki fakakaukau" 'oku fakahokoa he va / vaha'a 'oe 'aati moe saienisi moe fika fakaheliaki / faka'aati (fakapunake / fakafonua / fakasosiale) moe fika fakafika / fakasaienisi (fakanatula / fakaako / fakafilosofia).
  
  'Oku 'ikai mahino pe na'a ke lau lelei ko a ke mahino 'ae ngaahi "lafo kuo lafoa he paenga" kae tautautefito kihe lafo 'a Nakulukilangi -- 'o hange ko ho'o fema'u ke lau lelei ke mahino ho'o lafo kae toki hoko atu -- 'aia 'oku toe lafo mai pe koe 'ae "ngaahi fo'i tupe tatau" -- 'o tukukehe ange hono fakahingoa 'ae taa'iva / vaa'ita 'oku fai ai 'ae "'ape" / "faka'ape (hypothesis) moe "matamata" / "fakamatamata" (probability) koe "confidence interval" moe fakatata na'a ke ngaue'aki.
  
  'Oku 'iai 'ae faka'amu moe fiema'u lahi ke mahino lelei atu 'oku 'ikai fai ha "fehangahangi" moe lahi 'oe ngaahi 'uhinga na'a ke toki lafo mai mo fua lafo mai 'e Nakulukilangi 'ihe paenga -- 'o tefito he 'ape (hypothesis) moe matamata (probability) koe me'angaue / foungangaue (tool) fakafika he'ema taukave mo Tavakefai'ana -- 'aia 'oku ngaue'aki 'ehe taumu'a / kaveinga (aims / objectives) 'oe faka'eke (inquiry) moe fekumi (research) ke ma'u 'ae tatau, potupotutatau moe "faka'ofo'ofa / malie" he "'aati" moe tatau, potupotutatau moe "mo'oni" he "saienisi."
  
  'Oku malie atu mo loloto fau 'ae vete fakafika / fakasitetisitika 'e Helu mo Nakulukilangi 'oe 'ape (hypothesis) moe matamata (probability) koe me'angaue / foungangaue (tool) 'ae 'aati moe saienisi -- KA NEONGO ia 'oku taumu'a / kaveinga kotoa pe ia he faka'eke moe fekumi ke ma'u 'ae "faka'ofo'ofa / malie" he "'aati" moe "mo'oni" he "saienisi, 'o fakatouloua he funga hono tafakatatau moe tafakapotupotutatau 'ae 'ape (hypothesis) moe matamata (probability) ke ma'u 'ae "faka'ofo'ofa / malie" he "'aati" moe "mo'oni" he saienisi he funga 'oe faka'eke moe fekumi ke ma'u 'ae fakapapau'i (certainty).
  
  ('Oku makatu'unga heni 'ae filosofi 'oe tavaism moe realism, 'aia 'oku pehe: "The dispute between ontology [that is, ways of being] and epistemology [that is, ways of knowing] is a dispute over reality as "it is" and reality as "we know it." The issue is, therefore, not how you know what you know; nor when you know what you know; nor where you know what you know; nor why you know what you know; but rather what you really know," 'aia 'oku 'uhinga kihe ma'uhinga ange 'ae "taumu'a" / "kaveinga" he "me'angaue" / "foungafai, that is, that the epistemological questions are secondary to the ontological questions).
  
  Na'e 'ikai nai ke ngaue'aki lelei 'ehe taha 'ae kau saienitisi lahi mo 'iloa tokosi'i 'i mamani koe tangata 'Aositia-Siamane koia ko Albert Einstein 'ae 'ape (hypothesis) moe matamata (probability) he'ene faka'eke mo fekumi, filihi mo fokihi 'oe fakakaukau / teolia lahi mo 'iloa koe "theory of relativity" -- 'aia na'e ma'u mei ai 'ae "'ilo" loloto -- 'o tefito he "mo'oni" faka'univesolo -- 'aia na'e fakafuo'aki mo fakauho'aki 'ae 'ekuasi fakafika / fakasaienisi 'iloa mo malie fau koia koe, E = mc2.
  
  (That is to say, that in reality the increase relativity in the mass (m) of a body times the speed of light squared (c2) is equal to the kinetic energy [E] of that body, which is mathematically represented in the equation E = mc2, that is, E = mc square).
  
  Na'e 'ikai nai ke ngaue'aki lelei 'ehe punake-toutaivaka / toutaiika lahi mo 'iloa ko Ula-mo-Lea he'ene ta'anga malie mo loloto koe "Folau ki Niua" he funga 'oe 'ape (hypothesis) moe matamata (probability) he'ene hanga 'o filihi mo fokihi (elimination) he funga 'ene fakapapau'i (certainty) 'o pehe: "'Isa 'ae va 'o 'Uta mo Lalo, Ka puna ha manu pea to, Ka kuo na taha 'i hoku sino" -- 'o ne ngaue'aki 'ae 'Uta moe Lalo ki Kauhala'uta mo Kauhalalalo koe heliaki fakafekau'aki kihe T'i Tonga moe Tu'i Kanokupolu (Muifonua) he'ene 'ape (hypothesis) moe matamata (probability) he funga 'ene fifili moe fokihii ke ma'u 'ae fakapapau'i (certainty).
  
  ('Oku toe 'asi 'eni he maa'imoa ta'anga malie mo loloto 'ae Ta'ahine ko Kuini Salote -- 'aia na'a ne ngaue'aki 'ae 'ape [hypothesis] moe matamata [probability] ne tumutumu he funga 'ene filihi mo fokihi (elimination) moe fakapapau'i (certainty) -- 'o pehe: "'E Ula-mo-Leka poto 'ihe lau, Ho'o tala 'ae vaha mamao, Kuo vaofi hotau aho" -- 'o 'uhinga koe punake lahi mo takukei pea toe mohu mo fonu foki he 'ilo moe poto loloto).
  
  Na'e 'ikai nai ke toe ngaue'aki lelei 'ehe 'atisi 'Itali lahi mo 'iloa 'o mamani katoa ko Leonardo da Vince he'ene tufunga tavalivali ongoongoa koia koe 'Monalisa" he funga 'ene 'ape (hypothesis) moe matamata (probability) moe fifili moe filihi (reflection and manipulation) 'o ma'u 'ae fakapapau'i (certainty) -- 'o hange koe, "Teu ngaue'aki 'ape 'ae vali koe pe 'ape 'ae vali koe" moe " 'oku matamata ke lelei 'ae polosi ko e kae matamata ke kovi 'ae polosi koe" moe ha fua -- 'aia 'oku fai he he funga 'ene fifili moe fokihi (reflection and elimination) 'o ma'u 'ae fakapapau'i (certainty) -- 'o fakaola koe tufunga tavalivali faka'ofo'ofa faivavale koe "Monalisa."
  
  ('Oku 'iai 'ae tala fungani mo masani 'oe toutaivaka-toutaiika lahi mo 'iloa koia ko Pahulu 'o Ha'afeva, he Lulunga moe 'Otu Mu'omu'a, he 'Otu Ha'apai, ko 'ene ta'ofi 'ae vaka 'i fanga na'e teuaki 'ene folau ki Tongatapu / Tonga'eiki / Tongalahi he'e to 'ae matangi lahi mo malohi moe lovai ka nau vilitaki pe ke nau folau 'o faingatamaki -- 'o hifo pongipongia atu 'a Pahulu ki fanga 'oku no'o mai 'ae vaka mo fasi hono fana mo mahaehae hono la -- pea na'e to ai 'ene lea 'o pehe, "'Ikai koa koe talaatu 'ehe puaka na'e fuanifo ke mou nofo ka mou taukave " -- 'o 'uhinga 'ae "puaka na'e fuanifo" kiha taha motu'a 'oku taukei lahi pea mohu mo fonu he 'ilo moe poto).
  
  'Oku 'ikai foki ke ape (hypothesis) mo matamata (probability) 'ata'ata pe 'ae "saienisi" kae fake'eke-fekumi (inquiry-research) mo fakapapau'i (certainty) taafataha pe 'ae "'aati" -- 'o hange koe taukave 'a Helu mo Nakulukilangi -- ka 'oku 'ape (hypothesis) mo matamata (probability) mo toe faka'eke'eke-fekumi (inquiry-research) mo fakapapau'i *certainty) fakatouloua pe 'aati moe saienisi.

  Report
• 
  Hausia Monday, 12 February 2018 07:10 Comment Link

  Pehee 'e Tavakefai'ana: "a. 1/2 as a quantity PLUS 1/2 as a quantity is equal to 1 as an entity; b. 1 as an entity PLUS 1 as an entity is equal to 2 as an entity. If we take this to be true then, 1/2 as an entity PLUS 1/2 as an entity must be equal to 2 as an entity."
  
  Malie hono fokutu'utu'u e lea (language) ke fe'unga moe taumu'a pea mahino koe tokotaha taukei 'eni he fatu lea mo fatu tohi he'ene tohi ka 'oku ki'i misleading e fakakaukau kuo tuku mai. 'I hono 'ai mahino, 'oku 'iai e ki'i mama (pe holes) he argument 'oku tuku mai. Mahalo pe 'oku mo'oni ka 'oku fiema'u ke monosi e mama he faka'uhinga kae toki lava ke fai ha tui atu kiai.
  
  Toe fakamanatu atu e lau 'a Helu :".... ko e me’a ‘oku nofo ki ai ko e fakapapau’i. Ko e 2x3 = 6."
  
  'Aia leva 'oku toe fakamanatu mai 'e Helu koe 1 + 1 = 2, pe koe 1/2 + 1/2 = 1, moe ha fua, kuo 'osi fakapapau'i ia. 'Oku ta'eliliua 'ene tonu 'i he'etau nofo. That is the reality.
  
  Ka tau foki mai ki he "1/2 as an entity PLUS 1/2 as an entity must be equal to 2 as an entity". Malie 'ene tu'u 'ae lea "entity" ka koe palopalema ia he 'oku undefine e "entity" pea 'e lava ke faka'uhinga'i ki ha fa'ahinga me'a pe 'oku te loto kiai, 'o hangee koe faka'amu 'a Tavakefai'ana tokua ke fakamo'oni 'aki 'ene ma'u tokua koe 1/2 + 1/2 = 2.
  
  Kapau teu lue atu mo ha'aku vaeua'i konga ma (1/2) 'o fetaulaki mo Tavakefai'ana 'oku lue mai mo ha'ane toe vaeua'i konga ma (1/2) pea ma tangutu atu ha tepile 'o tuku fakataha'i 'ema takitaha konga ma, 'e lava pe ke tau pehe koe onga konga ma 'e ua pe koe ongo entity 'e ua.
  
  'Aia ko hono 'ai mahino, ko'eku konga ma (1/2) ka koe entity ia 'e taha (1) moe konga ma 'a Tavakefai'ana (1/2) ka koe toe entity 'e taha (1) pea ma'u ai e entity 'e ua (2). 'Aia kapau 'e fakamahino'i e 'uhinga 'oe entity ta koe 'uhinga pe ki he 1 + 1 = 2 pe pea 'oku fakapapauu'i.
  
  'Ilo lelei pe 'e Tavakefai'ana 'ae mama ko'eni koia, 'i he'ene pehe: " a. 1/2 as a quantity PLUS 1/2 as a quantity is equal to 1 as an entity;". Fakatokanga'i 'oku ne ui 'e ia e 1/2 quantity moe 1/2 quantity pea ma'u ai e 1 entity. Malie eeh!
  
  Kapau teke add 1/2 quantity moe 1/2 quantity teke ma'u 1 BIGGER quantity. Fakamo'oni kiai, ko'eku konga ma (1/2) moe konga ma 'a Tavakefai'ana, 'e ma'u ai e fo'i ma kakato 'e 1 pea LAHI ange.
  
  Kapau 'oku loto 'a Tavakefai'ana ke tanaki e 1/2 moe 1/2 ke ma'u 'e ua pea kataki mu'a ha taha 'o fakaola mai heni 'e anga fefee hano ma'u ha fo'i ma 'e 2 mei ai. Pea ka lava, koe tokoni lahi ia ki he masiva!
  
  Koe mio'i koia ke pehe koe 1/2 konga ma + 1/2 konga ma 'e ma'u ai e 2 entity 'oku tele atu ia he academic fraud!
  
  Malo
  Hausia

  Report
• 
  Helu Sunday, 11 February 2018 22:06 Comment Link

  Ko u fie fakamālo atu ki he ngaahi faka’uhinga malie kotoa kuo vahevahe mai pea ‘oku ou fie fokotu’u atu ke tau ki’i tu’u si’i hifo pe ‘i he fakakaukau ‘o e probability pe ko e matamata ‘i he ‘e tau lea Tonga he ko e mafu ia ‘o e Science mo e Fika Science ‘a ia ‘oku kamata mei he 0 ‘o fononga ai ki he 1. ‘Oku fakatonulea ha me’a ‘oku fakapapau’i ‘e hoko tokua ‘oku 1 hono matamata pea ka ‘oku ‘i ai ha me’a ‘oku fakapapau’i ‘e ‘ikai ke hoko tokua ‘oku 0 hono matamata. Ko ha me’a ‘oku potupotu tatau hono matamata ‘e hoko pe ‘e ‘ikai hoko tokua ‘oku 1/2 hono matamata. Ka ‘i ai ha me’a ‘oku to hono matamata ‘i he vaha’a ‘o e 0 mo e 1/2 tokua ‘oku si’iange hono matamata ‘e hoko pea ka ‘i ai ha me’a ‘oku to hono matamata ‘i he vaha’a ‘o e 1/2 mo e 1 pea ‘oku lahiange hono matamata ‘e hoko. Ko e ofiange ‘a e matamata ki he 0 ko e lahiange ia ‘o e faingamalie ‘e ‘ikai hoko pea ko e ofiange ‘a e matamata ki he 1 ko e lahiange ia ‘o e faingamalie ‘e hoko. Mahalo kuo fe’unga eni.
  Ko e Fika Art ‘oku hange’ pe ko e ngaahi lesoni Art ‘a ia ko e me’a ‘oku nofo ki ai ko e fakapapau’i. Ko e 2x3 = 6. ‘Oku ‘ikai ha toe taalafili he mo’oni ko eni ko e 6, ‘oku fakapapau’i, ‘aho ‘uha pe afa’ pe la’a’, na’a ke kai pongipongi pe ‘ikai, ‘oku ‘ita ho mali ‘ia koe, na’a ke ma’u ngāue ‘aneafi pe ‘ikai, kotoa e ngaahi me’a ko eni ‘e ‘ikai ke ne ue’i pe tene liliu e mo’oni ‘e kei 6 pe. Ka ‘okapau teu heka he Tongiaki ‘o folau ki Nomuka ‘i he 7am, ko e fehu’i ko ia pe teu tau he fiha ‘oku ki’i fihi hono faifika’i. Tau pehe’ ‘oku kilomita ‘e 60 ki Nomuka pea ko e vave lele ‘a e vaka ni ‘oku kilomita ‘e 15 ki he houa. Sai ko e faifika faingofua taha ko e taimi ‘o e folau ‘e fe’unga mo e houa ‘e 60/15 = 4, ko ia ai teu tanaki e 4 ki he 7am keu tau he 11am. Kaikehe ‘oku ‘osi mahino pe he’ikai fakapapau’i e houa ‘e 4 koe‘uhi he ‘oku tonu ke kau mo e malohi ‘o e angi ‘a e matangi, tafe ‘a e ‘au, taukei ‘a e ‘Eikivaka mo e ngaahi fakitoa lahi ‘oku tonu ke fakakau mai ki he faifika kae toki ma’u ha mo’oni ‘oku ofiange ‘aupito. ‘I he tu’unga ko eni kuopau ai ke tau talanoa ki he vaha’a taimi fakafuofua, ‘e ‘ikai ko e 11am masila ka ‘e ‘i ai mo e ngaahi miniti te tau fakangofua ke kau ki he faifika koe’uhi ko e ngaahi fakitoa ‘oku ta’eta’epau ‘i he fononga ‘a e Tongiaki. Ko e ‘uhinga ia ‘o e fakakaukau ‘o e Fika Science: he’ikai ha taimi ia ‘e fakapapau’i ai (exact). Te tau fakafuofua ma’u pe taimi tau ki Nomuka, tau pehe’, 11:10am – 11:25am. ‘Oku kau mai leva heni ‘a e ‘elemeniti ‘e taha ‘o e faifika Science ‘a ia ko e vaha’a ‘oku tau pehe’ ‘e nofo ai e taimi tau ‘a e vaka ‘a ia ko e 11:10am – 11:25am ko e miniti ‘e 15. Ko e vaha’a eni ‘oku ui ko e Confidence Interval pea ko ‘ene fālahiange ko e ofiange ia ‘a e matamata ki he 1 ka ko ‘ene fāsi’iange ko e ofiange ia ‘a e matamata ki he 0. Mahino leva he taimi ni ka ai ha faifika te ne tuhu’i mai e 11am ko hono tohi’i ko ia ‘i he Confidence Interval ko e 11:00am – 11:00am pe koe (11:00am,11:00am) pea ko hono matamata ‘e hoko ‘oku 0, ‘a ia ‘e ‘ikai ‘aupito ke hoko ia.
  ‘Oku ou fakaafe’i atu e kau laukonga ke mou kataki ‘o lauange eni ke mahino ka tau toki hoko atu.
  Malo
  Helu (S. Langitoto)

  Report

Leave a comment