Nuku’alofa
25 Mē, 2015

Na’e tu’utu’uni ‘e he Fakamaau’anga Tangi ‘i he ‘aho 31 ‘o Ma’asi ‘o e ta’u ni ke totongi ‘e he kau faka’iloa Mateni Tapueluelu, Laucala Tapueluelu pea mo e Nusipepa Kele’a ‘a e pa’anga ‘e $18,740.83 ki he mamahi William Clive Edwards fakataha mo e $4,500 ko e totongi ia ‘o e ngaahi fakamole ‘a e fa’ahi ‘a e mamahi ‘i he tangi na’e fakahoko.

Nuku'alofa.

Kuo iku lelei ‘a e fekumi mo e ngāue ‘a e kau polisi ‘o malava kenau puke ai ‘i he pō Falaite 1 ‘o Mē ‘a e tangata faiva faihia koia ko Sione ‘Afa Teisina ‘o Navutoka. Na’e hola foki ‘a Teisina mei he kau ma’u mafai ‘i ha māhina ‘e 2 hili ia ha’ane puke fakamālohi mo tauhi fakapōpula hono kaume’a ‘i ha ki’i fale (hati) ‘i ha ngoue’anga ‘i Puke.

Nuku'alofa.

Kuo ‘ikai toe malava ke fakama’uma’u ‘ehe matāpule ta’u 37 mei Sopu ‘a e langa mo e ha’aha’a kuo hoko ki hono sino makatu’unga ‘eni ‘i ha lavea tupu mei hano fana’i ‘aki ha me’afana. Na’e hoko ‘eni ‘i he ‘aho 19 ‘o ‘Epeleli lolotonga 'eni ha paati kavamālohi pea ‘ikai ke fakahoko hano lipooti ‘o tatau pe ki he Potungāue Polisi pe koe Falemahaki.

Nuku'alofa
30 'Epeleli, 2015

Kuo tu’utu’uni ‘e he Fakamaau’anga Lahi ‘e he Fakamaau Lahi ko Cato ke ngāue pōpula ‘a Seluvaia Motuliki ‘o Sopu ki he ta’u ‘e taha māhina ‘e 3 ki he hia ko hono liliu kakā’i ha pa’anga lolotonga ‘ene fakahoko fatongia ‘i he Potungāue Ki he Fefakatau’aki, Takimamata & Ngaahi Ngāue ‘a e Kakai.

Kuo tu’utu’uni ‘e he Fakamaau’anga Lahi ‘i he ‘aho Falaite 20 ‘o Ma’asi ke ‘oua ‘e tali ‘a e ‘eke Pa’anga ‘e 1.5 Miliona ‘a e Pangikē ‘Aositelelia mo Nu’usila (ANZ Banking Group) meia ‘Eiki Nopele Lasike. Ko e hopo ‘eni ‘i hono ‘eke ‘e he Pangike ko’eni ‘a e totongi koe Pa’anga ‘e 929,639.64 tanaki atu ki ai moe peseti ‘e 12.5% koe totongi tupu ‘o lau mei he ‘aho 28 ‘o Sepitema, 2009.

ONGOONGO TUKUATU
24 Ma'asi, 2015

KUO faka’ilo  ‘e he kau Polisi mei he ‘Apitanga Polisi ‘i Mu’a ha matapule ta’u 33 mei Nukunuku ki he Faka’uli ta’etokanga ‘o hoko ai ha lavea, ‘o felave’i ‘eni pea mo ha fakatu’utamaki na’e hoko ‘i he ‘aho Monite 23 ‘o Ma’asi, 2015 ‘i Vaini.

PRESS RELEASE
24 MARCH, 2015

Tonga Police charged a 33 year old man from Nukunuku with Reckless driving. The incident took place on Monday 23rd March, 2015 around 1020 am at the village of Vaini.

Na’e ‘ikai tali ‘e he Fakamaau Lahi ko Scott ‘a e fokotu’u ke ‘ohake ki he Fakamaau’anga Lahi ke toe fai hano vakai’i ‘a e tu’utu’uni ke totongi ‘e he PSA mo Mele ‘Amanaki ‘a e mamau mo e ngaahi fakamole ‘i he hopo na’e fakahoko ‘i he malumalu ‘o e Fakamaau’anga Polisi ‘i he ta’u 2014.