Puke ‘e he kau Polisi ́ ha faka’iloa felāve‘i mo e kaiha‘a ‘i he ‘ofisi ‘o e Tonga Post Featured
18 Me, 2022. Na‘e puke ‘e he kau Polisi ́ ha matāpule ta‘u 35 mei Tofoa ‘i ‘Epeleli ‘aho 30, 2022 felāve’i mo e kaiha‘a ko ia ne fakahoko‘i he ‘ofisi ‘o e Tonga Post ‘i Vaolōloa ́.
‘I ha lāunga ne fakahoko ‘e ‘Alipate Tāvō ma‘a e kautaha Tonga Post na‘e pehē ko e me‘a ́ ni na‘e hoko ia ‘i he po’uli ‘aho 3 ‘o Siulai, 2021.
Na‘e hae ai ‘a e fale ́ ‘o kaiha‘asi ‘a e seifi tuku‘anga silini ‘a e kautaha ́ mei he ‘ofisi ‘o e Pule ́ pea na‘e ‘i loto ai ha pa‘anga fe‘unga mo e TOP$75,121.55.
‘I he hili ‘a e kaiha‘a ́ ni na‘e feinga ke tū mo e fale ́.
Na‘e tokoni lahi ki he fakatotolo ́ ‘a hono ma’u ha faka‘ilonga nima ‘i he ‘ofisi ne hoko ai ‘a e kaiha‘a ́, ‘a ia ko e faka‘ilonga nima ‘o e faka‘iloa ́.
Kuo puke ai ‘a e tokotaha ́ ni ‘o faka‘ilo ki he hia ko e haefale, kaiha‘a, tū fale pea mo hono maumau‘i e koloa, pea ‘oku kei tauhi ia ‘i he malumalu ‘o e kau Polisi ́ ki he ‘aho 30 ‘o Mē, 2022.
‘Oku kei hokohoko atu pē ‘a e fakatotolo ‘a e kau Polisi ́ ki he me‘a ́ ni mo hono kumi ha ni‘ihi ne nau kaungā fakahoko e hia ́ ni.
‘Oku ‘oatu ai ‘a e kole ‘a e Potungaue ́ kiate kinautolu ‘oku ‘i ai ha’anau ‘ilo felāve’i pea mo e me‘a ́ ni ke nau fetu‘utaki mai ki he fika 922 pē 7401660 pē a‘u tonu ki he ‘api polisi ofi taha ́.
