‘Ikai toe Tangi ‘a Lavulavu ki he Fakamaau’anga Tangi Featured
Nuku’alofa, 12 Ma’asi 2016. Kuo mahino mai mei he Fakamaau’anga Lahi ‘oku te’eki ke fakahū ange ha tangi ‘a ‘Etuate Lavulavu fekau’aki mo e tu’utu’uni ‘a e Tu’i Fakamaau Lahi fekau’aki mo e hopo Fili Fale Alea (Election Petition) ‘i he vaha’a ‘o Lavulavu mo Dr. Viliami Uasike Latu ‘i he ‘aho 29 ‘o Sanuali 2016.
Na’e tu’utu’uni foki ‘a e Tu’i Fakamaau Lahi Owen Paulsen ‘o fakata’e’aonga’i ‘a e hoko ‘a ‘Etuate Sungalu Lavulavu ko e Fakfofonga Fale Alea 'o e Vahenga Fili Vava’u 16 makatu’unga ‘i he’ene maumau’i fakafou 'i he totongi fakafufuu mo e laka hake 'a e fakamole 'i he pa'anga 'e 10,000 ‘a e Lao Fili Fale Alea 1989.
Na’e tukuange foki ‘e he Tu’i Fakamaau Lahi ‘i he’ene tu’utu’uni peesi ‘e 95 ‘i he hopo ni 'i he 'aho 29 'o Fepueli 2016 ‘a e ‘aho ‘e 40 kia Lavulavu ke fakahoko ai ha’a ne tangi ‘a ia na’e ngata ia mei he ‘aho Pulelulu 9 ‘o Ma’asi 2016. ‘I he ‘au mai ki he faka’osinga ‘o e uike ni na’e mahino mai ‘oku te’eki ke ma’u ‘e he Fakamaau’anga ha tangi ‘a Lavulavu fekau’aki mo e tu’utu’uni ‘a e Tu’i Fakamaau Lahi ‘i he hopo ni.
‘I he taimi tatau fakatatau ki he ongoongo 'a e Letio Tonga kuo ma’u ‘e he Fakamaau’anga Lahi ‘a e tangi ‘a Mateni Tapueluleu fekau’aki moe tu’utu’uni ‘a e Tu’i Fakamaau Lahi Owen Paulsen ‘i he ‘aho Falaite ko hono 11 ‘o Tisema 2015 na’e ta’efakalao hono fokotu’u ‘o Mateni Tapueluleu kene hoko ko e Kanititeiti Fili Fale Alea ki he Fili Fale Alea ‘o e ‘aho 27 Novema 2014 ‘i he Vahenga Fili Tongatapu 4. Na’e mole foki heni ‘a e sea ‘o Tapueluelu ‘i he Fale Alea pea ko’ene tangi ‘eni fekau’aki mo e tu’utu’uni koia.
‘I he’ene pehe leva ‘e tu’ulahoko ai pe ‘a e Fili Si’i ki he Sea Fakafofonga Fale Alea ‘o e Vahenga Fili Vava’u 16 ‘a ia ‘e fakahoko ia ki he ‘aho 26 ‘o Mē 2016 fakatatau ki he me’a ‘a ‘Eiki Sea ‘o e Fale Alea ‘o Tonga Lord Tu'ivakano.
7 comments
-
Ko e moto malie foki a e Kolisi Tonga koe MATE MAA TONGA. Tau sio leva ka Lavu oku mate a e kakai ia maa Lavu. Tau sio ki he moto a Tonga High, KI HE LELEI TAHA ku alu hake leva kau Tonga High ia he Kapineti o kaakaa kihe lelei tahaa ... Oku femafuliaki e anga e lele a e Puleanga koeni. Nae ikai pea ikai tui e Palemia kihe mea koe faa kole ki muli. Koeni e fai e kole ke ngaahi e paaka popua ke sii mau ha ngaue mali ene taahine o mau ai pe moto tatau koe ikai ke mate maa tonga ka kuo mate kakai maa Akilisi.
-
hahahahaaaa mhk sai sai 'aupito ho na'a vavee pea taa ia mo ngali ko e fu'u shianna koe ko HERO ROY heheeee pea to e pe ke hae fakafoki mo hoo fuu board oku kei tu'u he MOI 'oku 'asi ai KE FAKAMU'OMU'A MA'U PE FIEMA'U E KAKAI.... he 'oku haa mahino ai ho'o fa'a matatangii.. he ko 'emau fiema'u 'amautolu kakaii ke 'oua te mau totongi tukuhau, mau faka'uli ta''elaiseni mo mau lele tau'ataina he hala pule'angaa ka na'e 'ikai teke fai ia 'e koe ke hangee ko hoo lauu.hahhahhaaa ka e kehe kuo ke na'a foki koe ka na'e mei lava ki fo'i quote kapau naa ke kei tatangi pee heeheeeee bye Levu mhk
-
Ku nofo e Tangata ia 'o teu'i hono hoa 'a 'Akosita ke fili, pea ku tonu ke vakai'i ia na ku 'iai ha fu'u kane koula ia i Fale Alea 'oku fai ai e 'umisi atu kiai.
Fa'a 'iai foki e malanga 'a e Palemia 'o e 'aho ni 'o fa'a pehee, ku 'iai e fa'ahinga 'oku fata mai e no lalahi ki Fale Alea ni pea lele pe 'enau 'asenita 'anautolu ke aafe mai ha monu kia kinautolu, ko e 'aho ni leva 'oku aafe atu e monuu ia ki ho'o Kapineti 'Eiki Palemia, fai atu e fakata'ane mo e no lalahi pea ke toki mafasia ai koe 'ikai keke toe lava 'o si'i fai ha ngaue kia kinautolu. -
He'ikai toe tangi ia na'a lava ka e kapisi'i 'e he finematu'a he 'ikai langa e fale toulalanga 'oku lau ee.
-
'Oua 'e toe ta'ofi tukuange 'a Lavu ia ke tangi ke fiemalie. 'Ai e tangi ke a'u he 'oku mau fakaongoongo atu keke foki ki falealea kau mau taki ua 'ehe 'api 'a eme'alele mo 'iai ha tohi pangike 'a e 'api kotoa 'oku 'iai e tahamano hange ko ho'o palomesi kiate kimautolu lolotonga e kemipeini. 'Oua teke na'a kake tangi he temau faka'ofa.
-
Kuo ngali na'a ai pe 'a Lavu ia. Pau ange pe e na'a ha toe hilifaki atu e fakamole ia ki he langilau.
-
Sai ia Lavu he tamani e toe sia'a e kupenga ia kuo hiki e potanga ika ia kihe kauvai e taha.