Hiki lahi totongi 'o e Kasa (LPG) Featured
17 Ma'asi, 2017, Kuo fakamahino mei he Ma'u Mafai Pule Fakafuofua (Tonga Competent Authority) 'i he malumalu 'oe Potungaue Fefakatau'aki mo e Leipa 'oku hiki 'a e totongi e kasa 'o seniti 'e 48 ki he kilo.
Ko e hiki ma'olunga ko'eni ko'eni 'e kamata lau ia mei 'aneafi Tu'apulelulu 16 Ma'asi 2017 pea koe totongi fo'ou ia ki he mahina ko Ma'asi ki Sune 2017.
Ko e totongi ki Vava'u 'oku seniti 'e 42 ki he kilo pea 'oku 'uhinga 'a e kei ma'ulalo 'a Vava'u he na'e lahi 'a e uta kasa na'e 'ave ki Vava'u lolotonga 'a e kei ma'ulalo 'a e totongi.
Fakatatau ki he fakamatala mei he Potungaue Fefakatau'aki 'oku tupunga 'a e hiki ko'eni 'a e totongi mei he maketi fakavaha'a pule'anga mo e lahi hono fiema'u 'o e kasa kae tautautefito ki he fakaofi ki he faha'i ta'u momoko 'i he Hemisifia Noate pehe ki he fiema'u mei he vahenga 'Esia mo e Pasifiki.
'Oku fakafuofua koe huki 'eni 'aki e meimei peseti 'e 34% fakahoa ki he kuata faka'osi 'o e ta'u 2016.
 "Pin It")
2 comments
-
Kaufusi 'oku ke mo'oni he ko e Pule'anga Temokalati loi lahi taha eni 'i mamani. Ko e taha ia e pole 'a e PATOA kapau te nau pule'anga te nau holoki e totongi e vai mo e 'uhila 'aki e 20% ka ko eni ia 'e hiki 20% ia. 'Oku te'eki ke tau 'ilo ha'anau me'a kuo lava. Me'a pe kuo tau sio ki ai ko e 'ai e fo'i visone loi mo e holoki mo laiki e ngaahi me'a na'e fa'u 'e he kakai poto 'o e fonua ni.
-
Nae alea'i foki e holoki e totongi e gas mei he Puleanga motua i he fakaosiosi honau taimi, ko fe hoko mai a e Puleanga foou kuo vilohi ia o hange ko haanau foi ngaue pea toki viki'i. Pea ko e osi eni honau ta'u e 2, kuo asi mai honau lanu totonu.
Tatau tofu pe ia mo e maama hala, kole ia e Samiu Vaipulu, alu koe Saia Piukala ki Vavau o fakamatala ko ene kole, maalie aupito pe founga ia a e Puleanga o e Kakai.