Ikuna 'e he Mate Ma'a Tonga 'a Falanise 48-12
9 'Okatopa 2022. Ko e kamata lelei ia ki he timi Mate Ma'a Tonga 'a 'enau ikuna 'a e timi 'a Falanise 'i he'ena va'inga faofao 'i he teuteu atu ki hono tau'i 'a e Ipu 'a Mamani he mala'e 'Akapulu Liiki 'a ia 'oku 'amanaki kamata 'i 'Ingilani.
Na'e ikui 'a e Mate Ma'a Tonga 'aki 'a e kai ko e 48 ki he 12 'a Falanise pea koe tau ko'eni na'e fakahoko ia 'i Halifax 'i England'i he hengihengi 'o e 'aho ni 'i he taimi 'a Tonga.
Na'e taki pe 'a Mate Ma'a Tonga 'i he hili 'a e 'uluaki konga ko e16 ki he 6 pea toe fakahoko 'e Tonga ha tata'o 6 'i he konga hono ua 'o 'ikuna 'aki 'a e va'inga ni.
Na'e fakahoko 'e he huua 'a e Gold Coast Titans David Fifita 'a e tata'o 'e 3 (hat trick) 'i he'ene fufofua tesi ma'a e Mate Ma'a Tonga.
Na'e va'inga mai foki 'a e Mate Ma'a Tonga tutuku ko Samisoni Langi ma'a Falanise pea ko e ikuna ko'eni 'a e Mate Ma'a Tonga ko e kamata lelei ia ki he teuteu atu 'a e timi ki he kamata 'o e fe'auhi 'a ia 'oku kamata 'i he uike kaha'u.
