Fakapapau'i 'e he Tala honau sea ki he Ipu 'a Mamani Featured
22 Siulai 2022. Kuo fakapapau'i 'e he timi Neitpolo Fakafonua 'a Tonga 'oku 'iloa koe Tala hono sea ki he fe'auhi Ipu 'a Mamani he mala'e Netipolo 'aki 'ene ikuna faingofua 'a e timi 'a Papua Niukini 'i he efiafi 'aneafi 'aki 'a e kai koe 89-28.
Koe ikuna 'aki 'eni hono tolu 'a e Tala 'a ia ko 'ene ikuna 'a Ha'amoa, Fisi pea mo Papua Niukini pea 'oku toe mai pe 'a Cook Islands 'i he fe'auhi kualifai 'a e ngaahi timi Oceania ki he fe'auhi Ipu 'a Mamani.
'Oku taki foki 'a e Tala 'i he Tepile lau poini 'aki 'a e poini 'e 6 kae taki poini 'e 2 'a e toenga 'o e ngaahi fonua 'e 4 kehe pea kuo mahino leva ia 'e hu hangatonu ia ki he fe'auhi Ipu 'a Mamani 'a ia 'oku 'amanaki fakahoko ki Saute 'Afilika he ta'u 2023.
