'Ulungia ka 'oku mahulu loto'i poupou 'o e Tonga Featured
26 Sune, 2022. Na'e fakamo'oni 'a e tokolahi 'i Nu'usila, Tonga pehe ki mamani mo e kau manako 'akapulu liiki 'i he kolope ki he laumalie 'o e poupou 'a e Tonga'i he fetaulaki 'a e timi Mate Ma'a Tonga mo e timi Kiwi 'a Nu'usila 'i he mala'e Mount Smart 'i 'Aokalani 'i he efiafi 'aneafi.
Neongo 'a e 'ulungia ia 'a e Mate Ma'a Tonga 6 ki he 26 'a e Kiwis ka na'e fu'u mahino 'a e laumalie ia 'a e poupou 'a e kakai Tonga pea nau tali lelei foki mo e 'ulungia pea hanga atu ki mu'a foki tukukehe ange 'enau kei fakakaekae hili 'a e tau pea kei lele pe mo e ngaahi folouti.
'I ha fakafelongoaki 'a e o ngoongo mo e ni'i hi 'o e timi 'a e kau faiako 'a e Mate Ma'a Tonga kimu'a pea fakahoko 'a e tesi ko'eni na'e mahino pe foki mei he'enau fakamatala ko hono teuteu'i 'eni 'a e fanau va'inga fo'ou pea mo fakataukei kinautolu ki he Mate Ma'a Tonga 'a ia koe konga ia 'o e teuteu ki he fe'auhi Ipu 'a Mamani 'oku 'amanaki ke fakahoko 'i he faka'osinga 'o e ta'u.
Na'e fakaha fokii 'e he CEO 'o e 'Akapulu Liiki 'a Nu'usila Greg Peters koe laumalie poupou 'a e kakai Tonga ki he timi Mate Ma'a Tonga 'oku fakamafana pea koe me'a totonu ia ke fakahoko 'e he ngaahi fonua.
Fakatatau ki he fakamatala mei he Poate Fakataimi 'a e 'Akapulu Liiki 'a Tonga IMG 'oku hanga atu 'eni 'a e timi Mate Ma'a Tonga ki he teuteu tau'i 'o e Ipu 'a Mamani 'a ia 'oku 'amanaki ke fakahoko ki England 'i he mahina ko 'Okatopa, 2022.
Photo: RNZ / Anric Sitanilei
Photo: RNZ / Anric Sitanilei
Photo: RNZ / Anric Sitanilei
Photo: RNZ / Anric Sitanilei
Photo: RNZ / Anric Sitanilei
Photo: RNZ / Anric Sitanilei
Photo: RNZ / Anric Sitanilei
Photo: RNZ / Anric Sitanilei
Photo: RNZ / Anric Sitanilei
Photo: RNZ / Anric Sitanilei
Photo: RNZ / Susana Suisuiki
Photo: RNZ / Anric Sitanilei
Photo: RNZ / Susana Suisuiki
Photo: RNZ / Susana Suisuiki
