Hoko ‘a Peter Harding ko e CEO ‘Iunioni ‘Akapulu ‘a Tonga Featured
Peter Harding
5 Sanuali 2021. Kuo fokotu’u ‘a Peter Harding koe CEO fo'ou ia ‘o e Iunioni ‘Akapulu ‘a Tonga (Tonga Rugby Union) hili ia hano tu’uaki ‘a e lakanga ni pea fai hono ‘initaviu ‘i he faka’osinga ‘o e ta’u 2020.
Ko e matapule foki ‘eni mei ‘Aositelelia pea na’e ‘omai ki Tonga ni ‘o hoko koe faleʻi mo pule ʻi he tafa’aki High Performance ʻa e ‘akapulu 'a Tongá talu mei he ta’u 2012 pea ngaue mai ai pe he 'Iunioni 'Akapulu ‘a Tonga ‘o a’u mai ki he ‘aho ni.
Ko hono fetongi ‘eni ‘e Harding ‘a Fe’ao Vunipola pea ‘oku ‘i ai ‘a e 'amanaki lelei ki ha fakahoko fatongia ‘a e tangata ni he ‘oku ‘i ai ‘ene taukei ngaue fekau’aki mo e ‘akapulu.
Kuo lahi foki 'a e laaulea mo e longoa'a fekau'aki mo e tu'unga 'oku 'i ai 'a e maa'imoa ni 'i he fonua ka 'oku 'i ai 'a e fakatu'amelie ki he nga'unu ko'eni 'oku fakahoko 'e he 'Iunioni 'Akapulu 'a Tonga.
