Hoko 'a Siaosi Sovaleni koe Palemia fo'ou 'o Tonga Featured
16 Tisema, 2021. Kuo fili 'e he Hou'eiki Memipa 'o e Fale Alea 'o Tonga 'a Siaosi 'Ofakivahafolau Sovaleni kene hoko koe Palemia fo'ou ia 'o Tonga ki he ta'u Faka Fale Alea 2021-2025.
Ko hono fili ko'eni 'o Sovaleni 'i he loto kiai 'a e toko 16 'o e Hou'eiki Memipa 'e toko 26 'o e Fale Alea 'o Tonga 'i ha fakataha makehe 'a e Fale Alea 'o Tonga na'e ui 'e he 'Eiki Sea fakataimi 'o e Fale Alea 'o Tonga Lord Tangi 'o Vaonukonuka na'e fakahoko 'aneafi 'i he Fale Alea 'o Tonga.
Na'e fokotu'u foki 'a Sovaleni ki he lakanga Palemia 'e he Fakafofonga Fale Alea ma'a e Vahenga Fili Vava'u 16 Samiu Kuita Vaipulu pea poupou kiai 'a e ongo Fakafofonga Fale Alea 'o e Vahenga Fili Tongatapu 7 Sione Sangster Saulala mo e Fakafofonga Fale Alea 'o Tongatapu 9 Sevenitini Toumo'ua.
Na'e fokotu'u foki 'a Dr. 'Aisake Eke 'e he Fakafofonga Fale Alea Tongatapu 10 'a ia ko e Palemia maloloo ia 'o Tonga Dr. Pohiva Tu'onetoa pea poupou kiai 'a e Fakafofonga Fale Alea 'o Tongatapu 2 Dr. 'Uhilamoelangi Fasi pea mo e Fakafofonga 'Eua 11 Dr. Taniela Liku'ohihifo Fusimalohi pea na'e fili pe kiai 'a e toko 10.
'Oku te'eki ke maau 'a hono fokotu'utu'u 'e he Palemia fo'ou 'ene Kapineti 'i he fengaue'aki mo e 'Ofisi 'o e Palasi.
