Lava lelei hono toe fokotu`u `o Tunavakamea ^Featured

Tunavakamea hili 'a e afā ko Gita

Na’e uesia fakatoulōua foki ‘a e ongo tufunga faka-‘aati ‘ukamea ko’eni mei hona ongo tu`u`anga pea mo hona fakama`u`anga `i he afā ko Gita ‘a ia na’a ne ‘ahia ‘a e fonua ‘i he ta’u ta'u 2018.

Na’e uesia foki pea holo ‘a e taha ‘o e ongo uakmea ‘a ia na’e ‘iloa ko Tunavakamea pea uesia moe tu’u’anga ‘o Hinavakamea ka ko’eni kuo lava hono toe fokotu’u.

Semisi Fetokai Poatuaine

Ko hono tisaini mo hono fakahoko ‘a e ngāue faka-‘aati ko’eni na’e fakahoko ia ‘e he ‘atisi 'iloa Tonga ‘oku ‘i ai ‘ene ngaahi ngaue faka-‘aati ‘iloa ‘i Nu’usila ko Semisi Fetokai Potauaine pea na’e fale’i kiai ‘a Palōfes Hūfanga He Lotu & Ako Dr. ‘Okusitino Māhina pea na’e fakapa’anga ‘e he Kautaha CECC pea mo e Potungāue Takimamata ‘a Tonga ‘i he ta’u 2013.

Ko e taha 'ena 'o e ngaue faka-'aati 'a e Semisi Fetoaki Poatuaine 'i he matafanga 'o Waikehe 'i 'Aokalani

Ko e taha 'e he ngaahi ngaue 'a Potauaine 'i he Rauroa Park 'i Christchurch

Ko e konga foki 'eni hono tu’uaki ‘o e ngāue faka-‘a’ati ‘e he Pule’anga mo faka'ai'ai 'a e taleniti hotau kakai Tonga 'a ia koe konga 'o kinautolu kuo 'iloa 'i mamani.

Teviita Fatafehi Puloka

Ne fakahoko e ngāue faka`ofo`ofa pea mo fakaholomamata ni ‘a hono toe fokotu’u ‘o e ngāue ni fakataha pea mo e foaki taimi pea mo e me`angāue `e Tevita Fatafehi Puloka pea mo e Kautaha langa Puloka Construction.

`Oku fai foki hono fakamālō’ia loto ‘o Tevita pea mo ‘ene kautaha ki he ngāue `ofa fonua ni pea ‘oku makatu’unga ‘e ni he manako makehe ‘a Tevita Puloka ki he ngaue faka-‘aati ‘a ia ‘oku hā pe ia he’ene ngaahi langa ‘oku fakahoko ‘i he fonua ni.