‘Ikai tali Fakamaau’anga kole tangi ‘a e Nusipepa Kele’a Featured
19 Fepueli, 2018. Na’e tu’utu’uni ‘e he Tu’I Fakamaau Lahi Owen Paulsen ‘i he Fakamaau’anga Lahi 'i he 'aho 9 Fepueli, 2018 ‘e ‘ikai tali ‘a e kole ‘a e Nusipepa Kele’a kenau tangi tu’a taimi fekau’aki mo e tu’utu’uni ‘a e Fakamaau Polisi ko Penisimani Ma’u kenau mo’ua ki he hia koe fakalotokovi mo e lau’ikovi’i.
Na’e tu’utu’uni foki ‘e Fakamaau Penisimani Ma’u ‘i he ‘aho 20 ‘o Me 2016 ‘i he Fakamaau’anga Polisi ke mo’ua pa’anga ‘e $10,000-00 ‘a Laucala Tapueluelu koe Faipulusi, ‘Ofa Vatikani koe ‘Etita ‘o e ‘aho koia, mo e Nusipepa Kele’a fakataha mo e ngaahi totongi kehe fekau’aki mo ‘enau lau’ikovi’i ‘a ‘Aisea Filihia mo ‘ene pisinisi fekau’aki mo e kau toli ‘akau ‘i ‘Aositelelia.
Na’e tu’utu’uni ‘e he Fakamaau’anga ke fakamalohi’i hono totongi ‘o e mo’ua ko’eni ‘i he mahina ko Siulai 2017 pea na’e ngāue atu ‘a e Va’a Peilifi ‘a e Pule’anga ke fakatautuki ‘a e koloa ‘a e Nusipea Kele’a.
Na’e kole ai ‘a Vatikani mo e Nusipepa Kele’a ‘i he malumalu ‘o e Pule fo’ou ‘o e Nusipepa ni Siaosi Pohiva ke ta’ofi ‘a e ngāue ‘a e Va’a Peilifi pea ke tuku ange ha faingamalie kenau tangi fekau’aki mo e tu’utu’uni ‘a e Fakamaau’anga Polisi.
Na’e iku ke tukuaki’i ai ‘e he Nusipepa Kele’a ‘a ‘enau loea ‘Ofa Pouono ki he ‘ikai ke fakahoko ha tangi fekau’aki mo e tu’utu’uni ‘a e Fakamaau’anga Polisi.
Nae fakamahino ‘e he Tu’i Fakamaau Lahi na’e ‘i ai ‘a e kole ‘a e Nusipepa Kele’a 'o fakafoua mai 'i heenau loea 'Ofa Pouono pehe kia Vatikani ke ta’ofi ‘a e ngāue ‘a e Va’a peilifi ka na’e ‘ikai ke faka’asi ange ai ‘e fai ha tangi.
Na’a e ne toe hoko atu ‘o fakamahino koe lava ‘eni ‘a e mahina e 17 mo e ‘ikai ke fai ha tangi ‘a ia ‘oku fehu’ia ‘a e tu’inga falala’anga ‘o e fakamatala ‘a e tafa’aki ‘a e Nusipepa Kele’a tukukehe ange ‘a e ‘ikai ha makatu’unga lelei ke toe fai ai ha tangi.
Na’e ‘ikai tali ‘a e tangi ko’eni pea na’e toe tu’utu’uni kenau totongi ‘a e fakamole ‘a e tafa’aki ‘a Filihia fakataha mo e mo'ua na'e 'uluaki tu'utu'uni.
Na’e fakafofonga’i ‘a Filihia ‘e William Clive Edwards pea Siaosi Pohiva mo ‘Ofa Vatikani ma’a e Nusipepa Kele’a.
4 comments
-
Ko e 'aho 'oe tufa totongi kuopau ke ha'u ki he Pulekakaa ko ena mo 'ene patuni, kai mamalie kinautolu 'e he mahamahaki ke nau mamamamahi mamalie pe. Pea ko e fakamo'oni taupotu tahaa pe 'a e kuopau he 'ikai ke iku lelei 'a e Pulekakaa na neongo 'a e feinga mate holo 'ene fanau mo hono kainga pea mo e PATOA ke fufuu'i. Kuo lahi e maumau mo e toto kuo tafe he'ene ngaue pea kuo pau ke ne taliui ki ai he 'ao 'o e fakamaau faitotonu fakalangi. Tau nofo pe sio he 'ikai lava ha taha he lalao la'aa ni 'o fufuu'i e mala, he'eene lohiaki'i, tukuaki'i loi, tohoaki'i ha fu'u kakai tokolahi ke nau taaufehi'a ki he Tu'i mo e Hou'eiki mo e kau Takilotu makatu'unga 'i he loi, fiema'u mafai, manava 'i he loi, 'o tala tokua ko e 'ofa he kakai. Vela Nuku'alofa ko 'ene takihala'i e kakai ke nau fehi'a ki he Tu'i mo e Pule'anga. Mo'ua he taimi kotoa pe kae hao pe kakai ia 'oku tukuaki'i. Faka'ofa hono laumalie momeniti 'o 'ene kuikui kou tala atu ko hono toho atu hono laumalie he fanga tevolo 'o li ki he afi. Kuo maumau mo mavaeua e fonua he'ene loi talu 'ene hu hake ki he mitia he konga loto 'o e 80 tupu. Ka 'e foki atu pe pea 'oku lolotonga foki atu pe.
-
Oku ikai ke toe loi hoo lau Houhau. E fai etau fakalokua ka oku taomia i he tangata koe mamani eni o Sihova, tuai ene haele mai ka kuo i mamani ene ngaahi Fakamaau. Fakafeta’i.
-
Ko e 'aho 'oe tufa totongi kuopau ke ha'u ki he Pulekakaa ko ena mo 'ene patuni, kai mamalie kinautolu 'e he mahamahaki ke nau mamamamahi mamalie pe. Pea ko e fakamo'oni taupotu tahaa pe 'a e kuopau he 'ikai ke iku lelei 'a e Pulekakaa na neongo 'a e feinga mate holo 'ene fanau mo hono kainga pea mo e PATOA ke fufuu'i. Kuo lahi e maumau mo e toto kuo tafe he'ene ngaue pea kuo pau ke ne taliui ki ai he 'ao 'o e fakamaau faitotonu fakalangi. Tau nofo pe sio he 'ikai lava ha taha he lalao la'aa ni 'o fufuu'i e mala, he'eene lohiaki'i, tukuaki'i loi, tohoaki'i ha fu'u kakai tokolahi ke nau taaufehi'a ki he Tu'i mo e Hou'eiki mo e kau Takilotu makatu'unga 'i he loi, fiema'u mafai, manava 'i he loi, 'o tala tokua ko e 'ofa he kakai. Vela Nuku'alofa ko 'ene takihala'i e kakai ke nau fehi'a ki he Tu'i mo e Pule'anga. Mo'ua he taimi kotoa pe kae hao pe kakai ia 'oku tukuaki'i. Faka'ofa hono laumalie momeniti 'o 'ene kuikui kou tala atu ko hono toho atu hono laumalie he fanga tevolo 'o li ki he afi. Kuo maumau mo mavaeua e fonua he'ene loi talu 'ene hu hake ki he mitia he konga loto 'o e 80 tupu. Ka 'e foki atu pe pea 'oku lolotonga foki atu pe.
-
Ko e kii pepa foki oku nau polepole aki enau faa moua o pehee koe ohofononga ia o hono tau’i e faihala kuopau kenau fou he mea koia. Oku teeki ketau sio kitautolu ha mea pehee i mamani koe toutou moua he ngutulau pea ai leva ia koe mea lelei.