‘Oku ‘ikai fakafofonga’i ‘e he Kau Felāfoaki ‘a e Kakai ‘o e Fonua Featured
‘Oku ‘ikai fakafofonga’i ‘e he Kau Felāfoaki ‘a e Kakai ‘o e Fonua
24 Fepueli, 2016
‘Etita
Nepituno Tonga Online News
Nuku’alofa,
Tangata’eiki,
Fakamolemole mu’a kae tu’u atu ‘eku ki’i fakahoha’a ni fekau’aki mo e kaveinga ‘oku ha atu ‘i ‘olunga. ‘Oku ou fanongo ma’u pe he polokalama felafoaki ‘i he Letio Tonga ‘o tatau pe mo e Letio ‘a Katalina pea ‘oku ou fakatokanga’i ai ‘a e me’a ko’eni;
1. Ko e kakai tatau pe ‘oku nau telefoni ki he felafoaki he meimei ‘aho kotoa pea malo ka toki kau atu kiai ha toko 2 pe 3 fo’ou he ‘aho.
2. ‘Oku ‘osi mahino pe ‘a e fa’ahi ia ‘oku tui kiai ‘a e kakai ko’eni pea koe maumau taimi ha toe fale’i atu tautau tefito ki he ngaahi kaveinga politikale.
3. ‘Oku ‘ikai kenau fakafofonga’i ‘enautolu ‘a e kakai tokolahi taha ‘o e fonua he ‘oku mo’ua e tokolahi ia he fai ‘enau ngaahi ngaue ‘oku nau mo’ua kiai.
4. Kuo ‘osi atu ‘a Lavaulavu ka na’e ‘i ai ‘a e kakai pau ia mahalo koe toko 3 ki he 5 ko ‘enau me’a ‘oku fai ko e telefoni ‘o hiki pe ‘a Lavulavu ‘a ia ‘oku fai e mahalo ko hono famili ‘oku ne kumi ha’anau kaati ke fai me’a tatau he ‘aho kotoa mo e le’o tatau.
5. ‘Oku si’isi’i ke a’u ‘a e tu’unga mahino ‘a e falukunga kakai ko’eni ki he ngaahi kaveinga pea iku ki he’enau toe takihala’i ‘a e kau fanongo.
‘Oku ou ‘oatu pe 'eku fakakaukau ke fai ha vakai kiai he ‘oku fa’a me’afua ‘aki ‘e he tokolahi ‘a e ngaahi felafoaki ko ‘eni koe loto ia ‘o e fonua pea ‘oku a’u pe foki ki he kau Fakafofonga Falealea mo e Kau Minisita ‘oku nau ‘ohake 'i Falealea koe loto ‘eni ‘o e kakai ‘oku ‘oatu he felafoaki ka ‘oku ‘ikai ke mo'oni 'eni.
'E 'ikai malava 'e he toko 10 ki he 15 'o fakafofonga'i atu 'a e le'o 'o e kakai 'o e fonua he koe kakai tatau pe he 'aho kotoa 'oku nau telefoni ki he felafoaki.
Faka’apa’apa Atu,
Tongofionoa
7 comments
-
Kou fakamalo au ku fakakau ehe Palemia e ngaahi felafoaki heene measivi ki ha tuutuuni. Ka kou faka'amu kene to'o e ngaahi felafoaki koeni oku fai he internet he koe gaahi view lahi mo lelei ia e tokoni kiheenau ngaue. Tuku aupito e felafoaki ia mei he letio he oku sio mai e kakai ia koia he lalo tepile tapu mo kinautolu. Koe Kainga koeni he net oku meimei level atu e fakakaukau he ngaahi ngaue oku fai ehe Puleanga. Pea kapau e fanogo ange PM ia kihe felafoaki he letio ta koe fakakaukau moe loto oku fuu low aupito. Toe kii tahataha hake he tetau Bankrupt.
-
Toa Mosimosi,
Ko e Kele'a ena talu 'enau taufehi'a ki he Pule'anga kotoa he ta'u e 28 ne Fakafofonga Kakai ai 'a 'Akilisi na'e 'ikai ta'ofi ia 'e ha taha, pea kapau 'oku fai atu e ha taha kehe ha me'atatau 'o makehe ange ia he ko e mo'oni'i me'a 'oku 'oatu 'E KEI UI PE IA KO E TAUFEHI'A? 'Oku ui ia 'e au ko e 'ofa fonua he ko e ki'i maama 'oku tutu atu ke tokoni ki he fakapo'uli 'oku tau fepakipaki holo ai he tataki pule'anga 'oku tau 'iai.
Na'e me'a mai e Palemia he letio he osi a e tapuni aneafi o ne faka'ai'ai e felafoaki he oku hoko ia ko e me'afuatautau ki he ngaue 'a e Pule'anga. Keke me'afua tautau e felafoaki 'oku mou to'o pe felafoaki fakapalataha 'a e letio 87.5 he 'oku 'ikai toe censor atu ia 'e he kau fai polokalama. Pea ko e 87.5 ko e letio ia 'a e kapineti.
Pea 'oku ma'ulalofau 'a e hoko 'a e felafoaki ko ha makatu'unga ki ha faitu'utu'u ni 'o ha me'a. Tuku ia, he 'oku ta'epalanisi ia. 'Alu 'o lotu kia Sihova ke ne tataki fakalelei koe 'i ho'o tataki e fonua, tuku e lau ia 'a e kakai, he'ikai teke toe mavahe ai koe mei he kiliniki falemahaki. -
Toa Mosimosi malo e lave mai pea koe tau'ataina 'eni ke lea 'oku tohi ai 'a e kakai ko'eni 'i heni fakatatatu ki he tau'ataina 'oku 'omi 'e he konisitutone . Talamai ange pe koe ha 'a e me'a 'oku hala he'enau tohi 'o fakaha 'enau fakakaukau. 'Oku kehekehe 'a e taaufehi'a mo tala 'enau fakakaukau moe ngaahi me'a kuo fakamo'oni'i. 'Oku 'ikai tatau 'a e kau tohi heni moe felafoaki he 'oku te'eki 'ohake 'e ha Fakafofonga 'i Fale Alea koe loto 'eni e kakai 'oku tohi heni he 'oku nau 'uhinga ko he kakai 'oku nau felafoaki he letio. Ko e poini ia na'a ku tohi ai ki he 'Etita he 'oku 'ikai kenau fakafofonga'i 'a e loto e kakai he koe ni'ihi tatau pe he taimi kotoa neongo 'oku nau tau'ataina kiai.
-
'Oku 'ikai toe kehekehe 'a e me'a 'oku ke lave kiai Tongofionoa mo e kau tohi he peesi ni. Ko e kakai tatau ai pe mo enau 'asenita taufehi'a ki he pule'anga 'oku tohi he peesi ni he taimi kotoa mo e kaveinga kotoa 'oku 'ohake heni. Kuo ha e tau'ataina ia ke tohi mo lea 'oku foaki 'ehe konisitutone? 'ofa atu
-
'Ai'ai lelei ho'o me'a 'Oua 'e Fiu, ke hela'ia e kau Minisita he loi he 'aho kakato 'i Fale Alea pea ke 'ai kenau toe omi 'o loi he fakama'opo'opo he miniti 'e 3, 'ai pe loi ke tu'o 1 pea mo ngalipoto.
Ko 'Akilisi pe 'oku loto tangia he 'ikai ke Tu'i. -
Malo mu'a 'ae Usuusu moe fklanga talanoa pea 'oku mahino mai, 'oku toko lahi 'ae kau fanongo letioo he ng Polokalama ko'eni. Koe taha 'eni ha feedback lelei kihe ng kave'inga 'oku talanga'i he 'anga 'etau nofo hotau Sosaieti. pea 'oku fiema'uia ke longomo'ui..........Koe tanaki atu pe eni ia kihe talkback he radio show, omai 'ae kau tangata 'oku kaunga tonu kiai 'ae ng talanoa kene fkma'opo'opo he fo'i miniti 'e 3 'oe aho koia. Manatu'i, ke tau foaki hotau lelei taha he ng fokotu'u fkkaukau kotoa he langa ngaue 'oku fai. he ko 'etau langa ngaue ma'ae to'u tangata 'oe kaha'u. pea tuku foki 'ae fa'a loto ta ngia he taimi 'oku tau fkkohukohu ai.
-
Oku mooni aupito hoo tohi 'au. Pe e mahino fakaku kihe kakai a e tufa taleniti a e Eiki. Teeki ai tuo taha ketau lau mo sio he Tohitapu oku talamai ai ketau leanoa. Ko e mea pe oku hiki tohi mai ku kehekehe hotau tufa. Kapau ko ha taha laalanga kita pea te lea pe kita he kapa tohi moe foi fe'unu koete foi palapala e lalanga'i. Tala foki e Paula e lova oku tau fai kihe kalauni oku ha mei mu'a. Pea koe lova kuopau keke nofo koe ho leini ko hoo kolosi leini pe ko hoo fepaki ia moe taha he leini hoko. Pea oku pehee pe kau felafoaki ia ku lahi aupito e leanoa'ia pea moe takihala'i oe kau fanogo pea koe pango taha ko hono faka'ataa ehe ngaahi letioo e kolosi leini moe leanoa'ia pea koe fafaga'i ai pe ia e malaia he fonua ni fielau e toutou ha'aki mai a Winston ia