Fakamanamana Fale’i Mītia ‘a e Palēmia ki he kau Fakaanga ki he Pule’anga Featured
Nuku'alofa
15 'Epeleli 2015
Kuo a’u atu ‘eni ki he tu’unga ‘oku hangē ‘oku hā ngali faka tamaiki vale ‘a e tu’unga ‘oku ‘i ai ‘a e kau Fale’i ‘a e ‘Eiki Palēmia ‘i he founga ‘oku fakahoko ‘aki ‘a ‘enau ngaahi tali mo e fakafeangai ki he ngaahi mītia ‘o ‘ikai ngata he hā ngali fakamanamana ka kuo nau toe kaka ‘eni kenau toe hoko koe Hou’eiki ‘o ta’efielea’ia pea toe mofisi tokua ke lea atu ha taha ki he Pule’anga.
Kuo ‘ikai lava kenau fakama’uma’u honau fatongia ka kuo tuhu fakahangatonu mai ‘eni ‘a e Fale’i ki he Mītia ‘a e Palēmia Kalafi Moala ki he kakai ‘oku ne pehē ‘oku nau taaimu’a ‘i he fakaanga ki he Pule’anga.
Ko e founga ‘eni ‘oku hoko ‘i he ngaahi fonua ‘oku pule’i faka tikitato hono tuhu’i ha kakai pea leipolo koe kau fakaanga pea ‘oku ‘oku fa’a fakalea pē koe ngaahi fili ‘o e Pule’anga (enemies of the state). ‘Oku ‘ikai foki ke ‘omai ha ‘uhinga ke fakafepaki’i ‘aki ‘a e ‘uhinga ‘oku ‘oatu ‘aki ‘a e fakaanga ka kuo fakakalakalasi pea tala pe koe loi mo e fai ‘i he taaufehi’a.
Ko e loi moe mo’oni ‘oku ‘a e kakai kenau sio mo fakamaau fakaekinautolu ‘a e ngaahi me’a ‘oku hoko honau ‘atakai he ‘oku ‘ikai ke puli. ‘Ikai ngata ai ‘oku ‘i ai mo e feitu’u ke fakamahino mei ai ‘a e loi mo e mo’oni. Ka ‘oku mahu’inga heni hono ‘ave ‘a e ngaahi ongoongo ke ‘ilo kiai ‘a e kakai ‘o e fonua fekau’aki mo e ngaahi me’a ‘oku kaungatonu ki he’enau mo’ui mo hono tataki kinautolu.
Ko e fetaliui’aki mo e ‘ata ki tu’a ‘oku malanga’i mai ‘e he Pule’anga ‘o e ‘aho ni koia matē pe ‘eni ‘oku fakahoko atu ‘aki ‘a e fatongia ‘o e kakai mamahi’i fonua ‘oku nau tu’u ke fakatonutonu ‘a e ‘alunga hotau vaka kae lava ke lele ‘i matangi.
‘Ikai koia pē ka koe tama’imata ia ‘o e Temokalati ke ‘i ai ha kakai moha tafa’aki kenau anga’i ‘a e ngāue ‘a e Pule’anga ‘a ia ‘oku ‘iloa faka Pilitānia koe Check and Balance.
‘Oku te’eki ke mangalo hifo ‘i he fonua ni he ‘oku hangē ha maka māngalongalo ‘a e ta’eufi mo e kakaha ‘a e fakaanga na’e fakahoko ‘e he Palēmia ‘o e ‘aho ni kae pehē ki hono kau poupou mo e ngaahi Mītia na’e muimui ai ki he Pule’anga ki mu’a atu ai.
‘Oku kei manatu lelei moe kakai ‘o e fonua ki he polokalama ta’emalōlō mai ‘a e Fale’i ko’eni ‘i he letio na’a ne fokotu’u ki mu’a he Fili Falealea 2010 ‘o feinga ke fakaloto’i ‘a e kakai ‘o e fonua ke ‘oua tenau fili ‘i he Palēmia ‘o e ‘aho ni.
Na’e hala’atā ha lea mai ‘a e kau fale’i ‘o e Pule’anga kimu’a ke ta’ofi ‘a e fakaanga pe tuhu’i mai ha kulupu pe kakai ‘o hangē koia ‘oku taketi’i ‘e he motu’a fale’i mītia ‘o e ‘aho ni.
Na’e toe taaimu’a pe foki ‘a e Fale’i Mītia ‘a e Palēmia ‘i he fakahoko ‘a e ngaahi fakaanga ta’eufi mo fefeka ko’eni ‘o kau ai pe ‘a hono tāpalasia ‘a e Hou’eiki ‘o a’u ki he Fale ‘o e Tu’i.
‘Oku faingata’a foki ke tala ‘ehe kakai tokolahi ‘o e fonua ni pe ko fē koaa ‘a e lanu totonu ‘o e matāpule ni he ‘oku lahi hono ngaahi teunga pea toe poto he faka fōtunga.
.
Ko e ‘aho ni kuo hoko koe Fale’i faka mītia pea ne toe fakahā mai ‘i he’ene Nusipepa Taimi ‘O Tonga (Tohinoa ‘o e Fakaoli) Tūsite 14 ‘Epeleli 2015 ‘a e kakai ‘oku taku tokua koe kau fakaanga ‘o e Pule’anga pea tala hingoa mai ‘o hangē ha fakamanamana. Ko Kōlea Tokelau ‘i he kuonga ni ‘oku nau kei fakahoko ‘a e founga koia.
Kapau ‘oku ne malava ke ‘omai ha ‘uhinga ke fakafepaki’i ‘aki ‘a e fakaanga ‘oku fakahoko atu pea ‘oku lelei ka koe vave ki he tukuaki’i ki he taaufehi’a koe faka’ilonga 'oku 'ikai malava ke fakahoko lelei hono fatongia koe fale'i fekau'aki mo e ongoongo pea mo e founga 'e fakahoko 'aki ha tali. 'Oku 'i ai 'a e fakame'apango'ia 'i he'ene fakahā 'i he'ene Nusipepa 'oku lī 'a e ngaahi fakaanga ko'eni ki he kapa veve 'a ia 'oku hā pea e'a mahino mei heni 'a e ta'etoka'i mo e sio lalo ki he le'o 'o e kakai 'o e fonua.
‘Oku fehu’ia foki heni ‘a e fepakipaki hono fatongia (conflict of interest) koe Fale’i faka mītia ki he Palēmia mo ‘ene toe hoko koe ‘Etita ‘o ‘ene Nusipepa koe Taimi ‘O Tonga ‘a ia ‘oku ‘ikai ke mahino pe koe mītia fē ‘oku ne fakafofonga’i ‘o makatu’unga ai ‘ene fehopokaki holo he seakale ‘o si’i iku fua hia ai ‘a e ‘Eiki Palēmia ‘a ia ‘oku totonu kene fale’i mo malu’i.
‘E malava ke tau pehē ‘oku ne ngāue’aki hono fatongia faka fale’i ki he Palēmia ke ma’u ai ‘a e ngaahi fakamatala ke ngāue’aki ‘e he ‘ene Nusipepa ki he’ene lelei fakafo’ituitui pea ‘oku totonu mo taau ke fakahoko ha vakai kiai pe ‘oku totonu nai ‘eni pe ‘ikai?.
‘Oku ‘i ai foki ‘etau tukuhua faka Tonga pea faka mamani lahi pe foki ‘oku taku ‘o pehē “ko kita ‘oku nofo ‘i he fale sio’ata pea ‘oua tete manako tolotolo he ‘e iku ‘o te lavea ai ‘okapau ‘e tolo mai ha taha”. ‘Oku fakamalō’ia lahi hono fakahoko ‘a e fatongia fale’i kae fakahoko pe ke hōhōa tatau mo e ngaahi ‘elemeniti tefito ‘o e temokalati ‘oku taukave’i.
Kuo foaki mai ‘e he Konisitūtone ‘a e tau’atāina ki he kakai ‘o e fonua ke fakahā ‘enau fakakaukau mo lea pea ‘oku mahino lelei ‘oku ‘i ai hono ngaahi tu’utu’uni mo e fakangatangata ‘o e tau’atāina koia pea ‘oku ‘ilo pe ki ai ‘a e kakai ‘o e fonua.
‘Oku mole ke mama’o ke makatu’unga hono ‘oatu ‘a ‘e ngaahi ongoongo, fehu'i mo e tala'a mo hono paaki atu ‘a e le’o ‘o e kakai koha taumu’a taaufehi’a ka koe fetaliui’aki mo e kumi ki he ‘ata ki tu’a ke ma’u ai ha lelei ma’ae fonua.
‘Ikai ngata ai ka ‘oku paaki atu pē mo e ngaahi tali ‘oku ‘omai mei he tafa’aki ‘a e Pule’anga pehē ki he ngaahi ngāue lelei kuo fakahoko ‘e he Pule’anga ‘o e ‘aho ni.
‘Oku ‘ikai ‘uhinga ‘eni ke tuku ai ‘a e fatongia mafatukituki ko hono ‘oatu ‘a e ngaahi ongoongo fekau’aki mo e ngaahi me’a ‘oku hoko ‘i he fonua pehē ki hano fakaanga’i pe ko hono tuhu’i atu ha fehālaaki pea 'oku totonu ke talaki ke ‘ilo kiai ‘a e kakai ‘o e fonua.
10 comments
-
Fakamalo atu La'akulu,Tulou mo ha'a Tufunga fonua, mo Ha'a Lotu, kainanga e fonua, Oku mahu'inga ke faaktoaknga'i e fo'i pulu oku va'inga aki e kau feinga liliu kotoa pe ko e fo'i pulu mei muli, ka e tuku e tau moli Tonga Ko e Taau oku ala aanga mo e kakai pea ne tali etau fehu'i. Ko e Fo'i pulu ko ia koe Tatau (equality) ko e fo'i faka'ali'ali mo e Show pe. Taha kotoa pe oku i ai hono taau, o ikai Tatau he tu'utu'uni a e Otua. Ko e taau o'oku keu masiva mo loto ofa, ko ho taau ke ke poto mo ma'u me'a pea ke taki kau muimui, (impossible ke taki kotoa) ko e fehu'i koe ha e me'a te ta fetaulaki ai ke ta kei nofo fe'ofo'ofa ni pe? Oku mahino ia mei he ngaahi tafa'aki kuo nau feinga ke fakaanga'i aki e taufatungamotu'a e fonua Taau o e taha kotoa pe, a ia na'a ne tali e fehu'i etau ngaahi kui pea oku ne kei pehe he aho ni. Ko e fehu'i, ko e ha e me'a te ne lava ke fakafoki e kakai Tonga mei he enau puputu'u, cf. afi o Nuku'alofa, Nov.16. Koe ha a e tali a e kau fakakaukau Tutu ki ai? pea fua hia ai sii kau fakahoko Tutu? ka nau kalo kinautolu ki he tu'unga ko e muli o toi mei ai? Ko e fehu'i ke tali pe ko hai na'a ne fakakaukau'i e tutu? (conspirators) Kuo i ai pe a e me'a pehe ki mu'a he hisitolia o Tonga, na'e fua hia e kau fakahoko hia, ka e puli e kau fakakaukau e hia.Malo Kalafi.Lotu mo e Ofa.Paula Onoafe Latu.
-
Guess what the government and it's advisor's is doing now ?..just as the issues regarding the former Audit General's( current Minister of Police ) private account on the so called tax free money issue , he is being herald by the Kele'a and other news media in the move to investigate and prosecute those involved in the passport scandal...Now , that's what we call manipulating the public attention from the issues regarding him..but that's politics , just when you are right on the public's crosshair , a diversion is then needed to draw the public's attention away..The news media is being utilized as a political tool for suppression and propaganda by those in the government to manipulate the public...I only wish if this government would let the people of the public know about what their mission for Tonga is about in the next four years they will be in government..but on the current trend I think it will be the same issue all over again ..FAKA'ILO 'A HAI MO HAI !...just wasting the tax payers money , kuo fe'unga e campaign kae fai a ngaue ke 'osi ho mou term in parliament kuo lava 'o sio mata ha taha ha me'a kuo fokotu'u kae tuku a e favai...
-
Is Tonga's political status as a democratic government realistic or not ?..Transparency and Accountability are two of the most popular words used by this Prime Minister and his government but is it true ?..This Prime Minister is the most outspoken critic of previous governments before his own in most issues but why now that he can't stand and accept people's views and opinions regarding his government ?.. With all the reshuffling and appointments of the Prime Ministers obedient party members of the PTOA to high government posts we can all see where we are heading..solidifying his position with these moves is common in most government but is it the right people ? or is it just obedient "yes Prime Minister people " like what he said why he chose his PA and Adviser ,without any guts to voice out their views.
Our rights to express our opinions and views as stated in the Constitution is being challenged in this government like previous government . But what amazes me is how come this government is not accepting the very tool they used to bombard previous government before...Is this democracy or we are moving to a one party system ( Communism , Dictatorship etc ) which controls everything even our rights to express our views. For a politician complaining about the press is like a captain complaining against the sea..you just can't help it.. -
Malie Mokofisi!
-
KOE OLI TAHA ae heke holo koe mea ia e motua fakamanaman..koe PM fakanga moe twist e mea kotoa hono tapalasi ehoueiki moe Tu'i..ko eni KUO NAU PULE..ofa kita I Tonga..koe FAAHINGA OKU IKAI KE NAU ANGA MO POTO HONO fai ha ngaue..hange koe PM..ilonga..koe VALE HE NGAUE ne ikai fai ha kii me'imei pule ngaue koe PUTA FAKAANGA PE..fka'ofa ee fonua hono fakalele mo PULE E VALE HE NGAUE..
-
Kohai na'a ne fokotu'u fakamaau koe Talakeikapa?...'oku te'eki ke tau 'i fale hopo ke totongi ha tenali....malo malo
-
Saipe ongoongo 'o kapau 'oku fakapapau'i 'oku mo'oni kapau ko ha ofe'i ke ngali kovi pea ki'i ala hifo ke loloto ki he pocket 'o totongi 'a e mo'ua mo e ongoongo loi mhk
-
'Oku ki'i lahilahi tama e fai he ki'i wannae political commentator ko 'eni e me'a koe fassitu'u moe mio'i...ko sione papahi hhhh
-
Malo hono kei taukave'i e faitotonu moe pukepuke e palanisi...
-
Fakamalo atu Etita ki hono omai e me'a oku totonu ke tau 'ilo kiai.. Oleva e 'ita kae fakama'ala'ala e me'a oku talanoa mai kiai e kau faiongoongo.... pea mei ai 'oku ma'u 'ehe ha'ofanga pea moe kakai 'a e mo'oni. Oku toe 'iai pe moe feitu'u ke kumi kiai pe 'oku loi pe mo'oni.. Malo e ngaue lahi.