11 Fepueli 2024. Na'e hopoki 'e he Tama Pilinisi Kalauni Tupou To'a 'Ulukalala 'a e Fale Tuku'anga Faito'o 'a e Potungaue Mo'ui 'i Veitonga 'i he 'aho Tu'apuelulu 8 Fepueli pea na'e me'a ai 'a e kau fakaafe tokolahi.

8 Fepueli 2024. Na'e tu'uta mai ki Tonga ni 'a e Tokoni Palēmia 'o Nu'usila Hon. Winston Peters pehe ki he'enau Minisitā  Mo'ui mo e Kakai 'o e Pasifiki Hon. Dr Shane Reti 'i he efiafi Tusite 6 'o Fepueli ni pea ko e konga 'eni 'enau polokalama 'a'ahi ki he ngaahi fonua 'o e Pasifiki 'o kau ai 'a Ha'amoa mo Cook Islands.

7 Fepueli 2024. Kuo hoko 'a e  fehangahangai 'a e Kapineti mo e Fakataha Tokoni ko e kaveinga talanga'i taha ia 'i Tonga ni he ngaahi 'aho ni pea 'oku mahino pe foki 'a e tu'u ia 'a Kupu 51 'o e Konisitūtone 'o Tonga 'a ia 'oku mahino ngofua pe ki he tokolahi pea 'oku 'ikai ke fihi.

6 Fepueli 2024. Na'e lava atu 'i he pongipongi 'o e 'aho ni 'a hono foaki atu 'e he 'Eiki Minisitā 'o e Potungāue Fefakatau'aki mo e Langa Fakalakalaka Faka'ikonomika Hon. Dr. Viliami Uasike Latu 'a e fanga ki'i tokoni ko hono fakaivia 'a e kau pisinisi te'eki ke lēsisita 'i he Vahenga Nuku'alofa.