Tu'uta 'a e Kalia ko e Hinemoa II 'i Tonga
5 'Aokosi 2024. Na'e tu'uta 'a e kalia Hinemoana II ki he Uafu Faua 'i he efiafi Falaite ko hino 2 'o 'Aokosi 2024 hili ha'ane folau mei Nu'usila 'i ha 'aho 'e 10.
Ko e vaka ko 'eni 'oku Kapiteni mai ai 'a 'Aunofo Havea Funaki 'a ia koe fuofua fefine Tonga ia kene ma'u tikite 'eikivaka pea faifolau fakavaha'a pule'anga.
Na'e mavahe mai 'a e Hinemoana II mei 'Aokalani 'i he 'aho 23 'o Siulai pea koe kau kauvaka koe kakai fefine kotoa pea koe folau ko'eni fakatatau ki he fakamatala 'a 'Aunofo Havea na'e lahilahi ke kovi 'a e tahi pea na'e iku ki he palopalema 'a e fohe'uli 'o e vaka ka na'a nau malava pe ke monomono ke malava ke a'u mai 'a e folau ki Tongatapu.
Na'e kau mai he folau ko'eni moe fefine Ha'amoa ko Fealofani Bruun 'a ia koe fuofua fefine Ha'amoa ia kene ma'u tikite 'eikivaka pea toe kualifai koha tokotaha folau vaka 'iote pea koe kapinetni foki ia 'o e vaka Ha'amoa koe Gaualofa.
Na'e kau mai foki he folau ni moe kapiteni fefine koe Mauli mei Nu'usila ko Joelene Busby pea
Ko e vaka foki ko 'eni 'a e Hinemoa II na'e fakahoko kiai 'a e ngaue 'a e Kautaha 'a e Kau Faifolau 'a Tonga (Tonga Voyaging Society) pea fakapa'anga 'e he Kautaha fakavaha'a pule'anga ko e Conservation International fakataha mo e tokoni mei he Ha'a Mauli (Māori Iwi) 'oku 'iloa koe Te Whanau ā Apanui.
Na'e fakahoko foki 'e he Potungaue Takimamata 'a Tonga 'i he pongipongi Tokonaki ko hono 3 'o 'Akosi ha ki'i polokalama talitali 'o e kau folau pea 'oku nau lolotonga 'i Tonga ni ke fakahoko ha ngaahi polokalama 'i he fengaue'aki mo e Potungaue Takimamata mo Folau 'Eve'eva.
