Fokotu’u ke ‘ave Palemia ki muli ‘o sivi faka-falemahaki Featured
5 ‘Okatopa, 2018. Na’e fokotu’u ‘e he Fakafofonga ‘Eua Tevita Lavemaau pea fepoupouaki mo e Fakafofonga Nopele ‘o Vava’u Lord Tu’ilakepa lolotonga ‘a e feme’a’aki ‘a e Fale Alea ke ‘ave ‘a e Palemia ki tu’apule’anga ‘o sivi faka-falemahaki.
Ko e konga foki ‘o e fokotu’u ko’eni ke hili hono sivi faka-falemahaki ‘o e Palemia pea lipooti mai hono ola ki he Fale Alea ‘o Tonga.
‘Oku mahino pe foki ‘a e tu’unga ‘o e mo’ui lelei ia ‘a e Palemia ‘oku ‘ikai ke ‘i ha tu’unga fakafiemalie pea ‘oku ta tu’olahi hono toutou ‘atimiti ki he Falemahaki Vaiola pehe ki hono toutou ‘ave faka-Fakemahaki ki Tu’apule’anga ‘i he ‘uhinga fakafaito’o.
‘I he taimi tatau ‘oku ‘ikai ‘ilo ‘a e fonua ki he tu’unga ‘oku ‘i ai ‘a e mo’ui ‘a e Palemia pea na’e toutou fakahoko hono fehu’ia ‘e he mitia pe mo e ‘ikai ‘omi ha tali mahino.
'Oku makatu'unga malohi pe foki ke 'ilo 'a e kakai 'o e fonua ki he tu'unga 'oku 'i ai 'a e mo'ui 'a e taki pea 'oku toutou fakafolau foki ki Tu'apule'anga 'o totongi mei he pa'anga tukuhau 'a e fonua.
‘Oku fifili foki ‘a e fonua ki he tu’unga ‘o e fokotu’u ko’eni he ‘oku lahi ‘a e ngaahi kaveinga ‘oku ‘ohake ‘i he feme'a'aki 'i he Fale Alea pea ‘oku fekau’aki mo e tu’unga fakataki mo e lahi 'a e ngaahi fehalaaki pea ‘e malava ke fakapipiki ki he 'uhinga 'o e fokotu’u ko’eni.
1 comment
-
Ne 'iai emau ki'i motu'a mei Tongamama'o nae alangavakaa pea fkfolau mai ki Vava'u. Ne maau e me'a kotoa pea teke atu ki loto 'o toe sio e Dr kiai pea ne pehe ke fkfolau ki Vaiola he oku ki'i hulu e ngaue 'e fai ki he me'a ngaue oku ma'u 'I Vava'u lahi. Ne pehe hake tangata'eiki "Ta koee 'e kala tafaa kae 'ai e 'o sio ai 'a Vava'u"... hahahahaha.. Oku ou fakatokanga na'a 'osi a Tonga'eiki he sio pea toki 'ave ai ki NZ.. fei mo taloa he oku tau osi kamata sio pe ki he'ene ngaahi to'onga lea oku 'iai e me'a ia oku fiema'u ke fix...