Fakafuakava’i Palēmia mo e Kapineti pea ‘ikai ha Minisitā Ki Muli mo Malu’i Featured
'Eiki Sea 'o e Fale Alea Lord Fakafanua mo e Palēmia Samuela 'Akilisi Pohiva
18 Sanuali, 2018. Na'e lava lelei hono fakafuakava’i ‘o e Palēmia mo ‘ene Kapineti ‘i he 'aho 'aneafi Tua'pulelulu 18 'o Sanuali neongo na’e fai ‘a e laaulea fekau’aki mo e ‘ikai ha fakamatala mahino mei he Pule’anga.
Na’e lava pea ‘a e Palēmia ke me’a mai mei he Falemahaki Vaiola eongo 'ene tengetange pea ‘oku mahino pe foki na’e toe me’a pe kimu’a ‘oku te’eki ke tuku ‘a e Fale Alea ‘o foki ki he Falemahaki.
‘Oku mahino foki mei ngaahi fuakava na’e fakahoko he ‘aho ni ‘oku ‘ikai ha Minisitā ki he Malu’i mo e Potungāue Ki Muli ka koe fakamatala na’e tuku mai ki mu’a ange mei he Pule’anga ‘oku ‘i he malumalu ‘o e Palēmia ‘a e ongo Potungāue ko’eni.
Makehe mei he Palēmia na’e fakafuakava’i a e kau Minisitā ‘e toko 10 ‘a ia ko:
Semisi Lafu Kioa Sika, Tokoni Palēmia mo Minisitā Ki he Ngaahi Ngāue Lalahi & Takimamata
Lord Ma’afu, Minisitā Fonua
Penisimani ‘Epinisa Fifita, Minisitā Ako
Dr Saia Ma’u Piukala, Minisitā Mo’ui & Ngaahi Pisinisi ‘a e Pule’anga
Semisi Tauelangai Fakahau, Minisitā Ngoue
Sione Vuna Fa’otusia, Minisitā Lao
Poasi Mataele Tei, Minisitā MEIDECC
Mateni Tapueluelu, Minisitā Polisi & Tanaki Tukuhau
‘Akosita Havili Lavulavu, Minisitā Ngaahi Ngaue Fakalotofonua
Dr Tevita Tu‘i Uata, Minisitā Leipa
'Oku lolotonga folau faka-faito'o foki 'a e Minisitā Pa'anga Pohiva Tui'onetoa ia ki Tu'apule'anga.
Na’e toe fili pe ‘a Veivosa Taka ki he Sea ‘o e Komiti Kakato ‘aki ‘a e paloti kiai ‘a e toko 19-0 pea na’e hoko atu ai pe 'a e Fale ki hono fakapaasi 'a e tali ki he To Folofola 'a 'Ene 'Afio 'i hono huufi fakalotofale 'o e Fale Alea.
Na'e tu'ut'uni 'e he 'Eiki Sea ke me'a 'a Lord Vaha'i mo Losaline Ma'asi 'o fakahoko 'a hono tali 'o e To Folofola ki he 'Ofisi 'o e Palasi.
Na'e toloi ‘a e Fale Alea ki he Monite ‘aho 22 ‘o Sanuali.
4 comments
-
Where did we as a country go wrong ? So sad to see our way of life being dismantled , in such a subtle way that it disappears in a puff , before we know it poof it's gone . This land of ours is like a ship adrift in rough seas with sails torn to shreds , buffeted on all sides and wallowing helplessly taking on water, its just a matter of time before she goes belly- up like other third world countries . Something got to be done and soon or it'l be too late . Lets hope we never see the day the 'PILOT LEAVES THE SHIP'. Don't let this happen to our homeland . Lets work together , stop finger pointing , we are like a bunch of KIDS , kicking and gauging pulling hair , we are so busy criticizing one another that nothing useful been done . To those who are running the government , for the love of GOD do your work with humility and in honesty like good citizens . GOD SAVE THE KING . GO BLESS TONGA .
-
Kuo toe foki mai a 'Etuate Lavu 'o Minisita MIA, he ko ena 'oku kau ma'u pe he fakataha fakapotungaue 'a e MIA mo ne fokotu'utu'u atu e ngaue 'ae MIA. Ko Sita ia koe fo'i mu'angutu 'ata'ataa pe, koe palani moe fakakaukau ko 'etu kotoa ia. Tau sio he ta'u ni ki hano nafu 'e lavu e ki'i vote moe ngaahi pa'anga project 'a e MIA. Ka 'oku sai he koe kau ta'eako tu'utamaki ha'aki pe ko ena na'a nau fili ki he ptoa te nau fua e kanongatamaki.
-
POTO A fkmolemole tuku a e vale koe TIKITATO ena 'oku ke fai me'apango 'oku 'ikai si'i mahino ki he kakai 'oku ke fkpulou'i 'o taki kuikui'i koe sitepu 'o e TIKITATO kuo laui ta'u ho'o fononga mai ai talu mei he kamata'anga e ta'etokanga 'a e kau poto moe kau ako ho tau fonua ni me'apango koe mamafa tatau e fili 'a e ta'emaa'usia mo e fili 'a e kakai 'oku mahino kia nautolu 'a e mo'oni 'o e hala 'oku ke tofa. Mo'oni 'aupito a TVaini kapau ko e Tama Tu'i eni 'oku tau toloi ai e Falealea ko ha'a ne puupuluhi kuo fuoloa ho'o lea atu ke hifo mei he taloni pe kuo ke fokotu'utu'u ke toe tutu a Nuku'alofa kamata mei Palasi. Fu'u lahi e vale ho'o taki 'omi a Sita fakataha mo Lavu ki he MIA pea kuo kona'ia e kau ngaue. Fakafisi a pea veteki e PATOA kae lava ke ma'anu e Fonua. Foki ke mo fktootola'a' mo e hoa 'o lotu ta'etuku ke fkmolemole'i ho'omou angahala. Tauange keke ma'u ha loto ma'ulalo ka ke tali 'eku fale'i ko e fie tokoni pe ki he Fonua 'o ke kau foki ai mo koe.
-
Akilisi kuo ke ta e sipinga foou kihotau fonua pea e muiaki ehe toutagata kotoa aia koe mahamahaki ha taki ihe kahau oua e fakafisi kau alu pe kihe ngaue mei falemahaki moe neesi moe toketa moe vaisiliva mo meahuhu kane moe mopi. Ka ne koha taha kehe nae taki pea mahamahaki hange ko koe kuo ke uki ha laka fakahahaa pea fai mo ha tohi tangii ke foki aa ki api. Ka kuo hili koe kihe meafua pea kuo foki kotoa atu hoo angatuu kiate koe. Foki a ki api he kumi to lahi ange helaia e Potungaue moui ia koe he kau mahaki ku tonu kenau hanga kiai heenau aluatu ai pe o tali i fale alea keke tuku kamou foki.