Ma’u sino pekia ‘i he hakau ‘i Sopu Featured
Vaka Potungāue Polisi
29 Tisema, 2016. Kuo fakapapau’i he Potungāue Polisi koe sino na’e ma’u ‘i he pongipongi ‘o e ‘aho ni kuo fakapapau’i ko Fisatina Puafisi.
Na’e talu foki ‘a e fekumi ‘a e kau polisi ki he tokotaha ni hili hano lipooti na’e fai e sio faka’osi kiate ia ‘i he ‘aho 23 ‘o Tisema kimu’a ia he Kilisimasi.
Ko e sino foki ‘o e pekia na’e na’e ma’u ia fakafuofua kiha kilomita ‘e 1.3 mei he toka’anga ‘o e MV Hifofua ‘i Sopu.
‘Oku mahino foki na’e ‘alu ‘a e pekia ‘o fai ‘ene ‘a’alo vaka (kayak) ka ‘oku te’eki ke fakapapau’i ‘a e ‘uhinga totonu ‘ene pekia.
‘Oku lolotonga ‘i he Falemahaki Vaiola ‘a e sino ‘o e pekia ke fakahoko kiai ‘a e ngāue faka’osi ‘a e Falemahaki mo e Ma’u Mafai.
Fakatatau ki ha fakamatala mei he taha ‘o e kau ‘ofisa polisi ‘oku ngāue ki he keisi ko’eni ‘oku kei hokohoko atu pe ‘a e ngāue ke fakapapau’i ‘a e tupu’anga.
