Lahi e mali kei iiki fanau fefine Featured
Vanessa Heleta Talēkita 'o e Poloseki Talita (Talitha Project)
31 Mē, 2017. 'Oku fakaututu 'a e mali kei iiki 'a e fanau fefine 'i Tonga ni he ngaahi 'aho ni fakatatau ki he fakamatala 'a Vanessa Heleta 'o e Poloseki Talita (Talitha Project).
'I he fakamatala 'a Vanessa ki he ngaahi kautaha ongoongo na'a ne pehē ai 'oku lolotonga fakahoko 'a e ngaue ke liliu 'a e lao mali 'i he fonua kene lave'i tonu a e palopalema ko'eni.
'Oku faka'amu foki 'a e Poloseki Talita 'i he 'ene kaveinga ngāue fekau'aki mo e kavenga ni ke kei fanau fefine pe 'a e fanau fefine"Let Girls be Girls!".
'Oku fakafuofua foki ki he fanau fefine 'e toko 50 'oku nau mali kei ta'u iiki he ta'u 'a ia koe fakangofua ia 'e he Lao 'a ia 'oku malava ke mali 'a e ta'u 15 ki he 17 kapau 'oku loto kiai 'a e ongo matu'a.
'I he lau 'a Vanessa koe toko 56 na'e mali 'i he ta'u 2015 pea toko 52 'i he ta'u 2016 pea koe toko 15 'eni 'i he ta'u ni talu mei Sanuali 'a ia 'oku kau ia he tokolahi fakatatau ki he tokolahi 'o Tonga.
Tu tui foki Vanessa 'oku 'ikai ke totonu 'eni pea 'oku totonu ke 'oua 'e faka'ai'ai ke hoko pea 'oku 'ikai ke faka'ai'ai 'eni 'e he Lao lolotonga.
'Oku lahi taha 'a e hoko 'a e mali kei iiki tupu mei he feitama 'a e fanau fefine ta'u iiki ko'eni pea tupu mei ai 'enau mali 'o kau ai pe moe ngaahi 'uhinga kehe fakatatau ki he lau 'a Vanessa.
Ko Vanessa foki 'a e Talēkita 'o e Poloseki Talita (Talitha Project) 'a ia 'oku nau tokangaekina 'a e kaveinga ni.
3 comments
-
Nau fe'auhi pe mo 'Ofa Likiliki mo 'ene kau SITOA pe ko hai 'e lahi taha 'ene lohiaki'i e kau donors ke ma'u mai e ngaahi funds.
-
Ko e kau NGO ia ko e lahilahi palafu atu, ai pe kii worskhop e fiha fa'u 'aki ha savea 'o kumi 'aki ha funding, maalie ee
-
FAKAFUOFUA LOI ENI 'A VANESSA HELETA...'Ikai ha fika falala'anga mei he Potungaue Mali. Ko e "fakafuofua" 'ata'ataa pe. Faka-kina e FAKE NEWS 'oku 'omai 'e he kau fie faitotonu 'oku nau penipeni holo 'i he mitia.