Mole taimi fakaafe konifelenisi (Press Conference) ‘a e Palēmia Featured
Palēmia ‘o Tonga 'Akilisi Pohiva 'i he taha 'o e konifelenisi (Press Conference) moe kau faiongoongo
11 Mē, 2017. ‘Oku kamata ke ho’ata mai ‘a e tau holomui ‘a e ni’ihi ‘o e kau faiongoongo mo e ngaahi kautaha ongoongo mei he fakaafe konifelenisi (Press Conference) ‘a e Palēmia ‘o Tonga.
Na’e fakahoko mai foki ‘a e fakaafe ‘i he ‘aho ni ‘a e Palēmia ki he kau faiongoongo mo e ngaahi kautaha ongoongo kenau kau atu kiha konifelenisi ‘o kaveinga’aki ‘a e teuteu ki he sipoti 2019.
Ko e konifelenisi foki ko’eni na’e teuaki fakahoko ki he paaka lata’anga ‘o e Palēmia ‘i Va’epopua pea na'e hā pe he fetohi'aki 'a e ni'ihi 'o e kau faiongoongo mo e ngaahi kautaha ongoongo 'enau pehe 'oku taka fakapiko.
Na’e fehu’ia lahi foki ‘e he ni’ihi ‘o e kau faiongoongo ‘a e fa’a fakahoko ‘a e ngaahi konifelenisi mo e Palēmia pea 'oku pehe 'e he ni'ihi 'oku fakamole taimi (waste of time) he 'oku iku ke fakamafola pe ‘a e ngaahi me’a ‘oku loto kiai ‘a e Pule’anga pea tuku ‘a e ngaahi konga ‘oku ‘ata kovi ki he Palēmia mo e ‘imisi ‘o e Pule’anga.
Na’e toe ‘ohake foki hono fehu’ia ‘e he ni’ihi ‘o e kau faiongoongo mo e ngaahi kautaha ongoongo ‘a ‘enau ngaahi tohi fehu’i kuo fakahū atu ki he ‘Ofisi ‘o e Palēmia pehe ki he Hou’eiki Minisitā mo e Pule’anga ka ‘oku te’eki pe ke tali mai 'o a'u ki he 'aho ni pea kuo fu’u fuoloa.
Na’e kau foki he hoha’a ‘a e kau faiongoongo mo e ngaahi kautaha ongoongo ‘a e fiemau pe ‘e he Palēmia ha’ane konifelenisi kuo uki mai ki he kau faiongoongo mo e ngaahi kautaha ongoongo kae hili koia ‘oku ne fakafe’atūngia’i ‘a e tau’atāina ‘a e ongoongo ‘o hangē koia ‘oku hoko ki he Komisoni Fakamafolalea ‘a Tonga.
Na’e toe fokotu’u foki ‘e he taha ‘o e ngaahi kautaha ongoongo ke ‘oua ‘e toe talitali tu’u ‘a e fakaafe ‘a e Palēmia pea ‘oua ‘e toe fai ha lava kiai (boycott) pea ke ako aa ‘a e kau faiongoongo mo e ngaahi kautaha ongoongo mei he ngaahi to’onga fakaaoao ‘a e Palēmia.
Na’e ma’u mai foki ‘a e tali mei he ‘Ofisi ‘o e Palēmia ‘o fakahā mai ‘e kau mo e tau’atāina ‘a e mītia (Media Freedom) ‘i he ngaahi kaveinga ‘o e konifelenisi (Press Conference) ko’eni.
Na’e ‘ikai kau atu ‘a e ongoongo ni ki he konifelenisi ko’eni pea 'oku te'eki kau tu'otaha atu 'a e ongoongo ni kiha konifelenisi (Press Conference) mo e Palēmia.
'I he taimi tatau ‘oku toe fehu’ia pe foki mo hono fokotu’u mai mei he ‘Ofisi ‘o e Palēmia ke ‘ohake ‘a e kaveinga tau’atāina ‘a e mītia (Media Freedom) lolotonga ia ‘oku hoko ‘a e ngaahi fakafe’atungia lahi ki he tau’atāina ‘a e ongoongo ‘i he fonua ni.
Kuo kau mai ‘a e ngaahi kautaha ongoongo muli ki hono fakafepaki’i ‘a e ngaahi tu’utu’uni ‘a e Palēmia mo e Pule’anga fekau'aki mo e Komisoni Fakamafolalea 'a Tonga pea kuo a’u ‘a e tala’a ‘a e mītia ki he He’ene ‘Afio.
 ‘a e Palēmia "Pin It")
6 comments
-
'oku puke e palemia he ki'i mahaki koe fie'asi. Nofo noa'ia pe 'ikai ke 'iai ha'ane ngaue 'e fai tu'u hake 'o uki e konifelenisi moe media ke ki'i 'asi mai ke hange pe 'oku fai ha'ane ngaue. Na'e fai 'ene ki'i totolo faka secret service ki Vava'u he uike kuo'osi tokua ke lamasi pe 'oku nau hiko veve. Faka'ofa e 'atamai 'oe motu'a ni he 'oku te'eki ai pe mahino ia ki ai e ngaahi ngafa moe fatongia 'oe national leader. kei lele pe ia he fakamotusi'i. Pea koe me'a pe ia 'oku ne lava koe hiko veve pe moe tanu ano.
-
Neu sio he felafoaki 'a e kau fai ongoongo pea mahino ;enau ta'efiemalie ki he founga 'a ePM. 'Oku mahu'inga foki kke tu'u fakataha 'a e kau faiongoongo he koe ivi lahi ia.
-
Kuou fakamoonii mo'oni 'a e ongoongo ko'eni 'a e nepituno he'eku sio mo lau e ngaahi tali fehu'i 'a e Palemia lolotonga 'a e konifelenisi moe palemia he falaite. 'Oku 'ikai toe loi pea mo'oni pe 'a e 'ikai lava kiai 'a e nepituno moe ni'ihi 'o e kau mitia he koe koto maumau taimi pe. Mou lau 'ena: http://matangitonga.to/2017/05/12/chinese-will-take-over-country-pm-pohiva-proclaims-while-digging-canals-popua
Faka'ofa mo'oni pea kuo tau a'usia 'a e kovitaha he hisitolia 'oe kau palemia 'o Tonga. -
Fatongiaetau, 'oku 'ikai fai ha faka'apa'apa ki he ta'u motu'a he me'a ko eni. Kapau kuo ne motu'a pea 'alu a ki honau 'api 'o fakatoto la'a ki ai. Lahi e kakai lelei he fonua ni ke hoko atu e fatongia.
-
Mou faka'apa'ap'i pe mu'a e tangata'eiki he 'oku si'i motu'a pea koe toe si'i pe kuo ne malolo atu ki 'api.
-
Tonu ke press conference pe a e PM moe ene kii nusipeka Kele'a, pea boycott o oua toe alu kiai ha kautaha faiongongo kehe moe fkpiko. Koe fie talanoa kihe press freedom oku ne fai e ia e me'a kehe, koe fkehaua oe freedom of press. Fai atu pe eni a Tonga ia ke hange ha fonua kominiusi hono fkpopula'i oe tau'ataina ae kakai.