Totonu ke Fakafisi leva ‘Ahongalu Fusimalohi mei he Poate Komisoni Fakamafolalea Tonga Featured
Totonu ke Fakafisi Leva ‘a ‘Ahongalu Fusimalohi mei he Poate Komisoni Fakamafolalea Tonga.
Kolomotu’a
Nuku’alofa,
12 Ma’asi 2016.
Tangata’eiki,
‘Oku ou faka’apa’apa mo fakahoko atu he tohi ni ‘a ‘eku fokotu’u kia ‘Ahongalu Fusimalohi ke fakafisi leva mei hono lakanga ko e Talēkita ‘o e Poate Komisoni Fakamafolalea ‘a Tonga. ‘Oku makatu’unga ‘eni ‘i he ‘uhinga ‘oku mahino ngofua ‘a ia ko ‘ene Takihala’i mo Lohiaki’i ‘a e kakai ‘o e fonua. Na’e faka’eke’eke ‘a e matāpule ni ‘e he Leito 87.5 ‘a Katalina mo Maka Tohi ‘e Luseane Luani pehe ki he Leitō Tonga ‘e Viola Ulakai pea na’a ne fakahoko ai ‘a e fo’i fakatuputupulangi ‘a ia ‘oku kei hēhē’ia ai ‘a e fonua.
Ko ‘ene fakahā ‘eni na’e ‘i ai ‘a e pa’anga ‘e $8 Miliona na’e tanaki ‘o seivi kimu’a pea ne mavahe mo ‘ene tangata’eiki Tavake Fusimalohi mei he Komisoni Fakamafolalea ‘a Tonga. Na’e fakahoko foki ‘i he uike hono hoko hili ‘a e ongo fo’i faka-tuputupulefanua ko’eni ‘a ‘Ahongalu ‘a hono faka’eke’eke ‘e he kau faiongoongo ‘a ‘Elenoa ‘Amanaki ‘a ia koia na’a ne fetongi mai ‘a Tavake Fusimalohi ‘i he lakanga pule ‘o e Komisoni ‘o mahino mei ai koe fo’i mohe misi ‘ata’ataa pe ‘eni ia ‘a ‘Ahongalu.
Na’e toe fakahoko mo ha faka’eke’eke ki he Komisoni fekau’aki mo e ngaahi ‘akauni kuo ‘atita’i ‘a e Komisoni ‘o mahino mei ai na’e ‘ikai ha pa’anga ‘e 8 miliona ia. Ko e me’a tatau na’e fakamatala kiai ‘a Viola Ulakai lolotonga ia ‘ene faka’eke’eke ‘a ‘Ahongalu ‘o mahino na’e ‘ikai ‘ilo ‘a e kau ngāue ia ki ha pa’anga lahi pehe.
‘I he’ene pehe leva ‘Etita ‘oku ou fai ‘a e tohi ni mo e fokotu’u kia ‘Ahongalu Fusimalohi ke fakafisi leva he kuo ne lohiaki’i ‘a e kakai ‘o e fonua pea ‘oku ‘ikai ke ‘i ha tu’unga falala’anga kene ma’u ‘a e lakanga Talēkita ‘i he Komisoni ko’eni. ‘Oku ‘ikai fo’ou foki ‘a e ‘ikai falala’anga ‘a e matāpule ni pea ‘oku ‘ilo kiai ‘a e kakai ‘o e fonua.
‘Oku ‘i ai ‘a e ‘amanaki ‘e tali lelei ‘e ‘Ahongalu ‘a e fokotu’u ko’eni he ‘e kau lelei ki hono falala’anga ‘o e Pule’anga mo ;ene ngaahi Poate.
Faka’apa’apa Atu,
‘Eliesa Fifita
Kolomotu’a
8 comments
-
Kapau tetau vakai ki he kakai kuo fakangaue'i 'e he pule'anag ko 'eni ko e kakai ne nau fehalaaki. Kapau tetau vakai pe mei olunga 'o fai hifo ai ki ha taha 'oku tau 'ilo ki ha fehalaaki hono fakangauee'i. Kapau tetau vakai ki he ksu Minisita kia MIA ne tau fanongo pe hono talanga'i 'ene fehalaaki fekau'aki mo e pa'anga mo e fefine. Ko e Minisita 'o e Tukuhau ko e tangata 'eni ne toe fili mai 'e Pohiva ke Minisita ka ne 'osi tuli 'o fakamalolo'i mei he ngaue fakapule'anga. Ko e CEO 'a e Tukuhau ne 'iai 'a e talanoa ne 'ave hono fekau'aki mo 'ene ngaue 'i Fisi. Ko e taha 'o e kau ngaue 'a Palenitina he 'ofisi 'o e Palemia 'a Teumohenga ne 'osi tuli mei he ngaue fakapule'anga he 'ene kei ngaue he Potungaue Fonua. Neongo ne tonuhia 'a Claude Tupou ia he hopo ka na;e kei taukave pe 'a Akilisi ne kaiha'a 'a Claude. Fefe na'e fa'ahinga kuo tuku ke nau hu hake ki he ngaahi Poate. 'Oku kei tokolahi pe. Pea kau ai foki mo 'Ahongalu Fusimalohi. Kuo taimi ke faka'ilonga'i e kakai pehe ni pe label 'o tuku mavahe pea 'oua mu'a 'e fakangaue'i he 'oku tau fakapale'i 'a e faihala he fonua ni. Na'a 'oku mo'oni e hiva Play fair Blue.
-
Hoko 'ene fo'i tomotomo ke toe ngalivale ange ai ene Tamai ana i he anga ete vakai ki he ngaahi tali a Elenoa Amanaki.
Ka ketau manatu'i foki ne fakalele 'e Tavake Fusimalohi e kolomu Side Views a e Kele'a he fo'i taimi e taha. Na ko e fakapale'i ena ia e maheni moe kangame'a mamae ... -
Fifita ko e mo'oni atu ho'o fkmatala.
Kapau ko e taha faikovi koe mo kaipa'anga mo corrupt ka 'oku ke pipiki ki he PM ko eni , pea sai pe ia
Ko 'Ahongalu na'e tuku kitu'a meihe FIFA
http://www.jamaicaobserver.com/sport/Former-top-FIFA-official-fights-corruption-ban_10119517
http://mg.co.za/article/2012-03-13-former-fifa-officials-miss-out-on-corruption-appeal
http://www.fifa.com/governance/news/y=2012/m=3/news=statement-following-recent-cas-decisions-cases-adamu-diakite-and-fusimal-1599029.html
http://www.radionz.co.nz/international/pacific-news/203191/tonga's-fusimalohi-loses-fifa-ban-appeal
Ko e ngaahi link ko ena i 'olunga 'oku ne 'omai e 'ata totonu e siana ko 'Ahongalu Fusimalohi. -
Ko e 'ata ena e pule'anga e Palemia koeni..tanaki mai e kakai kehekehe kuo tuku kitu'a mei he ngaahi ngaue'anga lahi he me'a fakapa'anga 'o fakangaue'i ia he ngaahi post ma'olunga he pule'anga ni..kuo ha e tau'i e faihala kuo kalanga'i?..kou tui 'okapau 'oku ke hou'eiki pe tu'umalie pea ko koe ia 'oku tala 'oku corrupt...kapau 'oku ke kai e pa'anga e fonua ka 'oku ke poupou ki he Palemia pea fakapale'i leva koe ia...malie lahi...
-
Kuo fele 'a kakai fe'unga he fonua ni ke fai e ngaahi fatongia . Ka kuo ha kuo puke mai ai 'e he pule'anga ko 'eni 'a e kakai palopalema. Ko 'etau fakakaukau ki he 'A Fusimalohi 'oku hange ko e lau 'a e kau leka ko e ki'i tama tatau ai pe. He na'e soka, pea toe heke hake 'o Sipoti ko 'eni kuo toe foki ke pehe tokua ne mo'ui e ZCO he ngaue 'ene tamai. 'Oku tau tui pe ne kau 'a e tama koia he poupou lahi ki a 'Akilisi. 'Oku ou ou kau he tui ke toe vakai'i hono appoint a 'Ahongalu he 'oku lahi faufau e kau ako lelei ange he fonua ni. 'Oku hange 'etau 'ilo e kakai 'e ni'ihi ko 'etau 'ilo'i 'a Setane 'o tatau ai pe ha taha teke 'eke kiai 'a Setani tenau tali mai ko e siana kovi. Na'a mo e lautohi fakasapate tenau 'ilo pe mo kinautolu kia 'Ahongalu.
-
Kuo nonga a Lavulavu ia he koena 'oku 'i ai e kautaha langa ia 'oku tu'unuku mai ke nau langa a Teufaiva mo Popua 'oku kau ia ai. Neu osi fa'a sio pe he ngaahi taalanga he fale ni pea 'oku mo'oni, ta ko e mali 'a e kaume'a ni 'e toki vete pe 'e he mate.
-
Ko e ai koaa ke nau leamooni kae ikai toe ma'u ha fo'i ma a e famili. Kapau koena kuo 'atita'i o ma'u koe loi, ai ha Judicial Review pea ave kihe Komisoni Va moe Kakai.
Ka i he tafaaki e taha, ko hono fakangaue'i o Ahongalu oku ho'ata mai ai e tuukunga oe Pule'anga o e Aho ni. -
Fakafisi leva kae ngali tangata 'etau Samena he na'e nofonoa pe fonua ia ka ko ho'o ta;a hoo laumiliona. 'Oku mo'oni e lea 'a Nau Saimone ke 'oua ;e ngutu 'oho he 'oku kakai pea ko'ena kuo hoko 'o 'alu fakataha e 'oho mo e loi.