Tali ‘e he Kapineti kau memipa Poate fo’ou ‘a e Takimamata Featured
Saia Moehau Sea Fo'ou Poate TTA
Nuku’alofa, 29 Siulai 2016. Kuo tali ‘e he Kapineti ‘i he ‘aho Pulelulu 27 ‘o Siulai a hono fokotu’u ‘a e toko 4 fo’ou kenau hoko koe kau memipa ‘o e Poate Takimamata ‘a Tonga (Tonga Tourism Authority Board).
Kuo fokotu’u foki ‘a Siosaia Moehau kene hoko ko e Sea 'o e Poate 'a e Kataha Takimamata 'a Tonga. 'I he taimi tatau na'e toe fokotu'u pea mo e kau Talekita fo’ou ko Ken Walker mei he Air New Zealand, Lavili Maka mei he Fiji Airways, Starfort ‘Aho mei he Rising Sun Tours and Travel, pea mo Tevita Palu mei he Palu Aviation ‘a ia koia tokotaha pe ‘a e memipa ‘oku kei toe mai mei he Poate motu’a.
Ko hono fokotu’u ko’eni ‘o e kau memipa Poate fo’ou ‘oku makatu’unga ia mei he tu’utu’uni ‘a e Minisita Takimamata Hon. Semisi Sika ke veteki ‘a e Poate na’e Sea ai ‘a Tomifa Paea ‘a ia na’e fili ‘e Lavulavu lolotonga ‘ene hoko ko e Minisita Takimamata.
Ko hono tali ko’eni ‘e he Kapineti ‘a hono fokotu’u atu ko’eni ‘a e kau memipa fo’ou ‘e he Minisita Takimamata Hon. Semisi Sika mo e Potungaue ‘oku mahino mai ai ‘enau tali mo poupou ki hono veteki ‘e Sika ‘a e Poate na’e Sea ai ‘a Paea.
‘I he taimi tatau ‘oku tuku atu foki ‘e he ngaahi mitia ‘a hono launga’i ‘e Tomifa Paea ‘a ia koe Sea Malolo ia ‘a e Poate TTA ‘a e Minisita Takimamata Hon. Semisi Sika ‘o tukuaki’i ‘oku ‘ikai fakalao ‘a ‘ene tu’utu’uni ke veteki ‘a e Poate motu’a.
4 comments
-
Kaikehe ... kuo toe tuku e tokoua ki tu'a mei he Poate foou nae fili koeuhi koe iai hona moua aia ko Saia Moehau pea mo Starford Aho. Pea kuo taofi ehe Fakamaauanga ha toe faituutuuni a Sika kae oleva ke fai e hopo. Koia ai kuo toe hili moe tuutuuni Kapineti koeni ki he meafua o mahino oku ne ma'ama'a.
-
Ai kemou ilo Kapineti ko Etuate Lavulavuoku tekemui ia Tomifa Paea hono launga'i o Semisi Sika moe Komiti foou koeni oku mou tali. Mou feinga leva kemou ilo ia. Pea fakasiisii e fakapaasi e meakehekehe kamou tautu hifo o vakaii pe koeha oku palopalema ai pe tila kotoa oku mou fai.
-
Ai foki naa nifi e tohi sieke a e komiti motu'a kae nefe eni ia
-
Maalie Maaliee pea malo e fai etau ngaue koia foki, si'i le'ei atu a Tomifa ia kitu'a kapau 'ikai lava fakalele hono hotele ke mo'ui ko eha hake ai ha toe ngaue.