Ha'elea 'e Tupou Faka'ali'ali 'a e Vahefonua Vava'u
23 Siulai 2023. Ko e 'aho na'e 'alomalie pea langi lelei 'i he Lolo 'a Halaevalu 'a e 'aho Tu'apulululu ko nono 20 'o Siulai pea koe tapuaki ki Vava'u Lahi 'a hono Ha'elea 'e he Hau 'o e fonua Tupou VI pehe ki he Ta'ahine Kuini Nanasipau'u Tuku'aho 'a e Faka'ali'ali Ngoue, Toutai, Takimamata mo e Fefakatau'aki 'a e Vahenfonua Vava'u.
Na'e matu'aki mahino 'a hono 'omai 'e he kakai 'o e Vahefonua ki he Mala'e Niponi 'i he Ako Ma'olunga 'o Vava'u 'a e lelei taha mei he fua 'o e fonua, ngatai, falehanga, sekitoa takimamata mo e sekitoa fefakatau'aki.
'Oku mahino mai foki mei hono toe fakafoki mai ko'eni 'a e Katoanga fakata'u ni hili 'a e fakataputapui 'o e Koviti-19 mo e Taufa Kafakafa Hunga Tonga Hunga Ha'apai 'a e mahu'inga 'a e fakaakeake 'a e fonua mo hono teke ke fepoupouaki 'a e ngaahi sekitoa ki he lelei fakalukufua 'a e fonua.
Na'e me'a 'i he Katoanga ni 'a e 'Eiki Palemia mo e tokolahi 'o e Hou'eiki Minisita 'o e Kapineti kae pehe ki he 'ulu 'o e ngaahi Potungaue 'a e Pule'anga ke poupou ki he katoanga ni.
'Oku hoko atu ai pe 'a e Ha'ele ki he Ongo Niua 'a ia 'e fakahoko 'ena Faka'ali'ali 'i he uike kaha'u.
