Malōlō ha fine'eiki 'i Ha'apai koe mafuli ha vaka 'i tahi ^Featured

Ko e pekia ko'eni na'e fakapapau'i ia mei he Falemahaki Niu'ui he ho'atā 'o e 'aho ni pea koe pekia koe fine'eiki 'oku 'i hono ta'u 60 tupu.

Fakatatau ki he fakamatala 'oku ma'u 'e he ongoongo ni ko e foki mai 'a e vaka ko'eni moe kau pasese 'e toko 18 mei Ha'ano ki Foa hili ia 'enau folau atu ki ha me'afaka'eiki ne fakahoko ai.

Ko e vaka ko'eni na'e mafuli 'oku ui koe Ha'apai 13 pea koe taha 'eni 'o e ongo vaka 'o e Vahenga Ha'apai 13 na'e foaki 'i he tokoni 'a e pa'anga Fale Alea.

Ko e fakatamaki ko'eni na'e hoko pe ofi mai ki Foa pea koe matāpule mei Foa mo hono foha na'a na kakau ke tokoni ki hono fusi mai 'a e vaka ni ki 'uta 'a ia na'e piki pe 'a e tokolahi ki he vaka neongo 'ene mafuli pea koe toko ni'ihi 'o kinautolu na'e 'ikai kenau poto he kakau.

'Oku 'i ai foki mo e toko ua kehe na'e tauhi 'i eh Falemahaki NIu'ui ka 'oku na faingamalie pe.

Ko e tu'unga 'o e tahi na'e hou pea 'oku lolotonga lele foki 'a e fakatokanga matangi 'i he 'Otu Tonga ni.