‘Ohofi Āteni Senialé: Faka‘aonga‘i Faka-pone Mafai ‘Ōfisi Palēmiá Featured
Sione Akemeihakau Mokofisi
“‘Oku ou toe nāmu‘i e ki‘i kumā mate ‘i he ‘Ōfisi ‘o e Palēmiá,” Fakatapu atu.
(Kōlomu: Totofa ‘o Nuku‘alofa…Vol.2. No.22)
Fa‘utohi ‘a Sione A. Mokofisi
Mahino mai ko e faka-pone eni ‘e taha ‘a e Palēmiá ‘Akilisi Pōhiva. Ko ‘ene malu‘i ‘a hono foha-‘i-he-laó − Māteni Tapueluelu − ‘i he faka‘ilo ‘e he ‘Āteni Senialé ke kapusi mei Fale Alea ko e maumau‘i ‘a e Kupu 65 ‘o e Konisitūtoné, ‘i he ta‘e totongi hono mo‘ua ($14,500) kia Clive Edwards lolotonga 'a e Fili Fale Alea 2014.
Ko e tu‘utu‘uni ia ‘a e Tu‘i Fakamaau Lahí, O. G. Paulsen ‘i he 02 Sepitema, 2015. Na‘e taimi tēpile mai ‘a e hopó ni ki he Tu‘apulelulu mo e Falaite ‘o e uike kuo ‘osí, 12-13 Nōvema, 2015.
[Na‘e faka‘ilo ‘i he me‘a tatau ‘e Sione K. Tupouniua, Vahe Tongatapu #1, ‘a e Komisoni Filí (Tupouniua vs. Komisoni Fili, 2014). Na‘e ‘osi totongi mo‘ua ka na‘e faka-ta‘e-‘aonga‘i ‘e he Komisoni Filí ko e tōmui ‘aki ‘a e miniti ‘e taha (1) ‘a e totongi hono mo‘uá. Ko e ‘Āteni Senialé na‘e fale‘i faka-lao ki he Komisoni Filí, pea nau tangi mei he Fakamaau‘anga Lahí ‘o mālohi ‘i he hopo tangí. Na‘e tukuaki‘i ‘e Sione K. Tupouniua ‘a e kau ngāue ‘i he Komisoni Filí ko e kau pone ‘a ‘Akilisi Pōhiva, ‘i he Vahe Tongatapu #1. Ko e fehu‘í: ‘O kapau na‘e ta‘ofi ‘e he kau ngāue Komisoni Filí ‘a Sione K. Tupoiniuá ko e tōmui ‘ene totongi mo‘uá ‘aki ‘a e miniti ‘e taha (1), ko e hā na‘a nau faka-ngofua ai ‘a Māteni Tapueluelú ke kau he kau filí ka e ta‘e totongi hono mo‘ua kia Clive Edwards?]
Ikuna Kākā ki Fale Alea 2014 ‘a Māteni Tapueluelu
(Fakamatala eni na‘e pulusi ‘i he nusipepa Niuvākaí, Sepitema 08, 2015).
Ko ia ai, (1) na‘e faka-ngofua ‘e he kau ngāue Komisoni Filí ke kau ‘a Māteni Tapueluelu he kau Fili Fale Aleá lolotonga ‘oku te‘eki ai totongi hono mo‘ua kia Clive Edwards; (2) na‘e ‘ilo totonu ‘e Tapueluelu kuo te‘eki ai totongi hono mo‘uá kia Clive Edwards kimu‘a pea toki lele ‘i he Fili Fale Aleá, pea na‘e ‘ikai fetu‘utaki ia kia Edwards ke totongi hono mo‘uá; (3) na‘e maumau‘i ‘e he kau ngāue Komisoni Filí pea mo Tapueluelu ‘a e Kupu 65 ‘o e Konisitūtoné.
‘Oku ‘ikai ngofua ke kau ‘i he Fili Fale Aleá ‘o Tongá ha tokotaha ‘oku te‘eki ai totongi hono mo‘ua kuo tu‘utu‘utni ‘e ha fakamaau‘anga ke totongi.
1. Na‘e mo‘ua halaia ‘a Māteni Tapueluelu ‘i he 17 Sune, 2011, ko e lau‘i-kovi‘i ‘o Clive Edwards ‘a ia na‘e pulusi ‘e he ‘enau nusipepa Ko e Kele‘a. (Na‘e faipulusi ai ‘a Akilsi Pōhiva pea kuo tuku-fakaholo mai ki hono ‘ōfefine ko Laucala Pōhiva-Tapueluelu, ka e ‘ētita ‘a hono hoa ko Māteni Tapueluelu).
2. Na‘e tala leva ‘e Māteni Tapueluelu ki he fakamaaú ‘e tangi ki he Fakamaau‘anga Lahí. Pea foaki ‘e he ‘Eiki Fakamaau Lahi mālōlō C. J. Scott ‘a e “ta‘ofi faka-hoko” (stay of execution) ‘a e totongi mo‘ua kia Clive Edwards.
3. Hoko mo e Fili Fale Alea ‘o e 2014, pea lele ‘a Māteni Tapueluelu ‘o ikuna ‘i he ‘aho 27 Novemá, 2014.
4. Hili ko ia, na‘e te‘eki faile ‘e Māteni Tapueluelu ia ‘ene tangi ki he Fakamaau‘anga Lahí, ko ia na‘e ta‘e ‘aonga leva ai ‘a e “ta‘ofi faka-hoko” na‘e foaki ange ‘e ‘Eiki Fakamaau C. J. Scott ‘i he 2011.
5. Ka e mio‘i ‘e Māteni Tapueluelu ia ‘i he ‘ene kolomu ‘i he Ko e Kele‘á, 17 ‘Aokosi, 2015, tokua kuo tala ‘e he ‘Āteni Senialé na‘e ta‘e faka-Konisitūtone ‘a e “ta‘ofi faka-hoko” na‘e foaki ange ‘e C. J. Scott.
6. Pea toki faka-ma‘ala‘ala ‘e he ‘Āteni Senialé ia ki he ‘Eiki Fakamaau Lahí O. G. Paulsen ‘i he ‘aho 2 Sepitema, 2015: Neongo na‘e malu‘i faka-taimi ‘a Māteni Tapueluelu ‘e he “ta‘ofi faka-hokó” ke toloi ‘a e totongi ‘a hono mo‘uá kia Clive Edwards, ‘oku kei maumau ai ‘a e tu‘utu‘uni ‘a e Kupu 65 ‘o e Konisitūne: ‘Oku ‘ikai ngofua ke fili Fale Alea ha tokotaha ‘oku te‘eki ai totongi ‘a hono mo‘ua kuo tu‘utu‘uni mei ha faka-maau‘anga ‘o e Pule‘anga Tongá ke totongi.
Ko ia na‘e tu‘utu‘uni ‘e he ‘Eiki Fakamaaú kia Māteni Tapueluelu ke totongi leva ‘a e mo‘ua $14,500 kia Clive Edwards, pea ‘e toki fai ‘ena hopo mo e ‘Āteni Seniale ‘i he 12-13 Nōvema, 2015.
(Toki hoko atu ki he ola ‘o e hopo ‘a Māteni Tapueluelu mo e ‘Āteni Seniale, uike kaha‘u).
(Ko e Talēkita ‘a Sione A. Mokofisi ‘i he English-Journalism & Languages ma‘a e Tonga International Academy ‘oku lolotonga liliu hingoa ki he Mona University).
3 comments
-
Masi'i Etita, koe ha 'e "ola hono fkilo 'ehe Attorney General/ Aminiasi Kefu 'ae Fkfofonga Tongatapu Fika 4. Mateni Tapueluelu 'o pehee 'oku ta'e fklao pe fkkonisitutone 'ene hook koe Memipa Fkfofonga Fkfalealea ?. Mau fkongoongo atu hono muimui'i 'ae ng Isuii kihe Komuniti Tonga ?. Malo
-
THANK YOU REV. COLLIN SIALE: Your preachig from the pulpit does not fit your mission of enlightening your flock. You're shootibng the messenger as if I had accused you of "...testify in a dispute so as to turn aside after many to prevent justice."
If you find flaws with my report as a journalist, please dispute my "facts" with your own facts. Let's see if your "facts" will contribute to the general good of society or it will "pervert justice,"
I trust that you are a trained preacher as I am a trained journalist. I do research my work and write my articles in a responsible manner. And like the old prophets of the Old Testiment, you must speak the truth against kings and magistrates when their rhetorics and their actions are against the law of the land, especially the Law of God. You, however, are hiding behind the Bible to camouflage your fondness for Government corruptions.
Please do not spew your political bias leaning, disguised as an honest religious comment with scripture reading, over the popular media because you're revealing your false-teaching leaning. This is not your religious sanctuary. Commenting on political issues in a public forum must be accompanied with your own work of research and unbiased analyses. Idle comments with Biblical accusations are not enough threats to shut dow honest public discourse. -
Exodus 23:1-2
You shall not circulate a false report. Do not put your hand with the wicked to be an unrighteous witness. 2 You shall not follow a crowd to do evil; nor shall you testify in a dispute so as to turn aside after many to pervert justice.
I invite you to read the verse up to verse 9