Nima ‘aki ‘ehe Palēmia ‘a Lavulavu neongo ‘ene ta'efalala'anga Featured
Tohi Ki he 'Etita
Kei nima ‘aki pe ‘e he Palēmia ‘a Lavulavu neongo ‘ene ta'efalala'anga
‘Etita,
Kataki ka e tu’u atu ho’o kolomu ‘a ‘eku hoha’a ki hono kei nima ‘aki ‘e he Palēmia ‘a e kakai ta’efalala’anga he fonua.
Ko Lavulavu ‘oku ‘ikai sola kiai ‘a Tonga ni he na’e halaia ‘i he Fakamaau’anga pea na’e fakamalōlō’i mei he Minisitā mo e Falealea pea na’e toe halaia hono Faka’ilo Faka Fale Alea ‘o kole fakamolemole ‘i Fale Alea pea fanongo kiai ‘a e fonua.
Kuo mahino mai ko Lavulavu ‘oku kau he kau taki ‘i he ngāue ki hono tanu ‘o e mala’e tāpulu ‘oku langa ‘i Popua pea ‘oku mahino mai ‘oku kau he kau konitulekitoa koia.
‘Oku ou hoha’a lahi he ‘oku kau atu e pa’anga tukuhau ‘a e fonua ki he ngāue ko’eni pea teu fakalea pe ‘oku vahe mei ai ‘a e kakai kākā mo faihala ‘o hange ko Lavulavu.
Kuo tuli ‘eni mei he ngaahi Poate ‘a e Pule’anga ‘a e kakai falala’anga pea ako lelei pea kuo mo’ua e Pule’anga he ngaahi fakatonutonu fakalao fekau’aki mo hono fakamalōlō’i e kakai falalala’anga ko’eni kae falala pe ‘a e Palēmia ia ki he kakai kuo mata’ā’ā ‘enau faihala pea kuo fakamo’oni’i ‘o a’u ki he Pule 2 mo e Pule 3 ‘o e fonua.
‘Oku mole ke mama’o ha’aku loto kia Lavulavu ka he’ikai ketau lava ‘o tanu ‘ene ngāue hala kuo fakahoko he fonua ni pea 'oku lahi.
‘Ikai ngata ai ‘oku ‘ikai totonu ketau fakalongolongo he ‘oku tōtu’a ‘a e faihala hotau fonua ni pea kuo me’a noa pea talanoa hua‘aki ‘a e tuku ‘a e lao ki he tafa’aki kae fai tokua e ngaue ia.
‘I he taimi tatau ‘oku malava ke mahino mei heni ‘a e fa’ahinga kakai ‘oku falala kiai hotau kau taki pea ‘oku ‘i ai ‘a e totonu ‘a e kakai ‘o e fonua ke lea he ‘oku ‘i ai ‘a e fakamo’oni mo e ‘uhinga pea ko e pa’anga tukuhau ‘a e fonua ‘oku ngāue’aki.
‘Oku ou fokotu’u atu ki he Fale Pa’anga ke ‘aa homou konga kotoa he koe siana ‘eni kuo toe foki mai ‘o ofi ki he lepa ‘a e fonua pea koe fakangofua pe ia ‘e he Palēmia.
He’ikai ketau ofo ka toe hoko ha me’a heni pea ‘oku ou fakahoko atu ‘a e tohi ni ‘i he ongo’i mo’oni ‘a e hala ‘o e founga ‘oku tataki ‘aki kitautolu mo e ngāue ko'eni 'oku fakakau mai kiai 'a Lavulavu.
Faka’apa’apa Atu,
‘Eliesa Fififta
Tufuenga-Kolomotu’a
5 comments
-
MOU MANATUI KOE HUSBAND AND WIFE...PEA TENA KAKAA TATAU PE...WAKE UP PEOPLE.
-
Kapau aa oku mooni e fakamatala a Vavau Lahi, ta ko e kakaa ia kuo maka ia he fatafata 'o e ongomatu'a ni.
-
Na'e fakahoko e ngaahi fakataha holo 'a 'Akosita Lavulavu mo 'ene sekelitali 'Etuate Lavulavu 'i Vava'u 16 he uike kuo hili ange. Ko e fakataha eni ke fakakaukau'i ha founga 'e lava ke ma'u ai ha pa'anga ke fai'aki e ngaahi project na'e palomesi 'a 'Akosita 'e fai ki Vava'u 16 'o ka nau ka fil ia. Ko e ngaahi project eni ne kau ai e tanu e ngaahi hala pule'anga mo valita, tufa fale malolo, 'ai tohi pangike, langa fale lalanga etc. Lolotonga e ngaahi fakataha ko eni ne fai e talafili pe ne ange fefe 'a e toe sekelitali pe 'a 'Etu kia Sita, ne 'ai hake 'a e miniti 'oku kehe miniti 'ia 'a e sekelitali 'a e kosilio fakavahenga mei he miniti 'a 'Etu Lavu he ne ha ia he miniti 'a 'Etu Lavulavu ne tali 'e he fakataha ke no ki tu'a e pa'anga tokoni fakafalealea. Ne kau foki he me'a ne 'asi he fakataha 'a e hoha'a 'a e Pule Fakavahe 'e taha pe ne ange fefe alu ange ha fefine 'o tala ange ke nau fakamo'oni (kau talasiti) he foomu toho pa'anga ko e me'a fakavavevave pea nau fakamo'oni ta ko e ko e foomu toho ia 'o e pa'anga falealea. Ne 'ohake 'a e ngaahi me'a ni he fakataha ne fai 'i Feletoa pea toe ui mo e fakataha 'e taha ki Ha'alaufuli ko hono ui eni ke fakatokalelei e ngaahi ta'efiemalie he fakataha kimu'a.
Ko e me'a kuo toki fakatokanga'i hake ko e sipinga tatau pe eni mo e me'a ne fai 'e 'Etuate Lavulavu ki he S2000,000 ko e tokoni fakafalealea na'a ne 'ave 'o fakahu ki he Kosilio ngoue na'a ne fa'u ke fakatafe ki ai e pa'anga ni pea ne iku 'o puli pea ne tukuaki'i ia ki he sea 'o e kosilio.
Ko e me'a mahu'inga 'oku te'eki pe ke 'aa e mata e kakai 'o Vava'u 'o 'ilo e me'a 'oku hoko. Kuo kamata e kemipeini 'a 'Akosita ki he fili 'o e 2018 pea kuo ne feinga ke toe ngaue'aki pe kakai 'o Vava'u 16 ke nau toe ngaue'i pe 'ene ngaahi palomesi na'e fai he'ene kemipeini. Ko e fakaloloma he 'oku tali lelei pe ia 'e he ni'ihi 'o e kakai. Mou 'ofa aa Vavau 16 'o oo ki he lotu. -
Malie Lavu tata ai leva 'enau mapu kenau 'ilo 'oku ke fana ulo ange koe. Ngali kuo liliu e tokoua pea tau falala kiai.
-
'Eli ko e toki foaki ena pale 'o Lavu mo Sita hhhh, sio ki hee fiu pe 'a Mateni ia he peke ngako 'a ee na'e kaila he'ikai ke huu ki loto kuo 'oho kui ia minisitaa polisi hhh ki'i kaikai ai , sai fakalahi leva mo DPM ia ke laka ia 'i he PM hahaha ki he foreign affairs, , toe fakalahi mo e nonofo ta'emali ia 'a e Minisitaa lao kene toe ma'u mo e pilisone siuhuu hahah , heke hake 'a Peni ki he Ako kae hola PM mo Piveni hahahah, ko hai toe hahaha ko Sitaa pee , tonu ange sio 'a Lavu nofo pe ko e Sita ta'e fakapale'i kae haa masi'i 'Eliii? fa'o 'a Lavu ia he lau miliona hahahaha, tuku aa na'a 'ita 'a Lavu kata kole ki ai kene si'i kaikai lelei pee he ko 'etau tukuhau pe eni , te ta peti 'Eli , sai ko e mala'e tapulu 'e fakaiku 'apulu ia hahahah tali 'io pe 'ikai ,,