Tohi Tangi PSA ki he Tu’i Featured
Mele ‘Amanaki Sekelitali 'a e Kautaha ‘a e Kau Ngāue Faka Pule’anga (PSA)
13 Siulai, 2016. Kuo fakahū atu ‘e he Kautaha ‘a e Kau Ngāue Faka Pule’anga (PSA) ha Tohi Tangi ki He’ene ‘Afio Tupou VI ‘o kole ke toloi ‘a e fokotu’utu’u hiki vahenga ‘a e Pule’anga ‘a ia kuo tali ‘e he Kapineti ke fakahoko.
Na’e kole foki ‘e he Kautaha ‘a e Kau Ngāue Faka Pule’anga (PSA) ke toloi ‘a e fokotu’utu’u ko ‘eni ki he ta’u kaha’u ka na’e ‘ikai tali ‘eni ‘e he Kapineti. Na’e fakahāfoki mei he Kapineti ‘e toki fakahoko atu mei he Komisoni ‘a e Kau Ngāue Faka Pule’anga mo e Ma’u Mafai ki he Vahenga ‘a e tali ki he ‘uhinga hono tu’ulāhoko atu ‘a e ngāue ni.
Ko hono fakahoko ‘eni ‘a e fokotu’utu’u ko’eni hili ha ngāue kiai ‘a e Ma’u Mafai ki he Vahenga he ta’u ‘e ua ka ‘oku fakaanga’i lahi ‘eni ‘e Mele ‘Amanaki ko e Sekelitali ‘o e Kautaha ‘a e Kau Ngāue Faka Pule’anga (PSA) ‘o pehe na’e ‘ikai ‘ata ki tu’a ‘a e founga ngāue.
Na’e toe fakahā foki ‘e Mele ‘Amanaki ‘oku fakafuofua ki he toko 500 na’a nau fakamo’oni hingoa ki he Tohi Tangi ko’eni ki he Tu’i pea ‘oku mahino pe foki ‘a e ‘uhinga ‘oku ‘ikai fakamo’oni ai ‘a e ni’ihi ki he Tohi Tangi ko ‘enau ma’u’anga ngāue.
‘I he taimi tatau fakatatau ki he fakamatala ‘a Mele ‘Amanaki ‘e fakahoko moha kole ki he Fakamaau’anga Lahi ha tu’utu’uni ke ta’ofi (Supreme Court injunction) ‘a e ngaue ko’eni.
2 comments
-
Mele, mou hire mai ha independent consultant pe koha expertise kene assess e calculation oku fai pea toki fakahu he kuo kina pe ngaahi feitu'u kotoa ia he 'asi atu ho sika. Na'a mo Tupou 6 tapu moia osi hanga kehe ia he asi atu pe ha me'a ku asi atu ai ho hingoa.'Ai e calculation ke pau he koena kuo toko 500 e kau fakamo'oni pea oku kau ia he fika lahi i he fonua ni.
-
Malie tama koe game plan 'ae kau tama ni, 'uhinga atu kia Mary, 'Aki mo honau kau poupou. Ko Mary eni koe nima to'omata'u moe fefine to'o puha mahafu 'ae palemia, na'e 'ave 'ehe palemia ke ne fale'i e kau 'ofisa ma'olunga 'oe potungaue ako, kuo ne toe launga'i pe pule'anga 'oe palemia ki he Tu'i !!! ki'i taka fakaoli he 'oku hange ha langatoi 'aha kau leka, toi e fo'i 'ulu kae tekeutua mai e fu'u fo'i tu'a. Ko 'enau palani pe nai eni, ke ki'i fakapaasi pe fokotu'utu'u vahenga mei he kapineti ke ki'i hanganoa ai e kakai kae toki launga'i 'e Mary ke toe veteki, he koe loto pe foki ia honau taki ke veteki e me'a kotoa 'oku lelei 'i hano fokotu'utu'u 'e ha kakai kehe. Malie pea toe lelesoni.
Pe koe kei fai e vili ta'e'unua 'a Mary mo 'ene ki'i kau PSA ke a'u ki fe. Kole atu ka Mary ke tuku mai e hingoa 'o 'ene toko 500 na'e fakamo'oni he tohi tangi, ke tau sivi'i angee 'enau fakahoko ngaue, sivi'i 'enau performance mo 'enau output moe results pe 'oku ma'u 'enau ngaahi targets. Kuo tau angamaheni foki koe fa'ahinga fa'a launga pehe ni koe tokolahi ai koe kau mamio, fakatamulu, tomui, 'ai'ainoa'ai taha ia he ngaue'anga. Mary, ki'i tuku'i mai ho'o toko 500 ke mau ki'i sivi'i pe 'oku hoa 'enau fakahoko fatongia mo e vahenga 'oku nau holi ki ai. Tau lolotonga tofanga eni he fu'u case 'ae kau toketa moe kau neesi he me'a koe fakatamulu moe ta'etoka'i e kakai e fonua, kae kei fai pe launga he vahenga. Kapau koe fefine koe 'oku ke tu'uaki e vahevahe taau moe 'ata ki tu'a, tuku mai ho'i toko 500 ke mau sivi'i. Koe tokolahi taha 'oe kau ngaue fakapule'anga 'oku nau ngaue malohi 'aupito mo mateaki'i honau fatongia, pea ko kinautolu ia 'oku nau ngaue fakalongolongo pe 'ikai ke nau hoha'a ki he ngaahi me'a 'oku lele takai hoko ai a Mary. Koe kau ta'emahino tatau pe mo Mary 'oku 'ohomu'a holo he fakatatau vahenga moe ngaahi launga kehekehe. Koe mata'aa kihe lau vahenga ka koe tomui, li'aki ngaue, puke loi, livi loloa, etc. 'oku kalasi kehe atu.