Malie Mele ‘Amanaki e Fakatotolo – ‘Osi Forbes hoko ki he Kautaha Hu’akau ‘a e Pule’anga Featured
Malie Mele ‘Amanaki e Fakatotolo – ‘Osi pe Forbes pea hoko ki he Kautaha Hu’akau ‘a e Pule’anga
Kolomotu'a
23 Ma'asi, 2016.
‘Etita,
Kataki mu'a 'Etita kae tu'u atu 'a e ki'i fakalavelave ko'eni fekau'aki moe ongoongo tuku mai 'a e PSA mo Mele 'Amanaki fekau'aki mo hono tukuaki'i 'o e Minisita Pa'anga mo 'Aholotu Palu fekau'aki mo e 'initaviu 'e he makasini Forbes 'a e Palemia 'Akilisi Pohiva. 'Oku kau atu ki heni mo e ngaahi tukuaki'i 'oku pehe 'e Mele 'oku totonu ke fakahoko ha ngaue kiai.
‘Oku ou manumanu melie’ia ‘i he ngaahi fakatotolo mo e feinga fakatonutonu ‘a Mele ‘Amanaki mo e PSA pea ‘oku hange kiate au na’e fale’i ‘a Mele kene pamu’i mai ‘a e ‘isiū ko’eni kene tala mahino ki Tonga ni mo mamani ‘oku ‘i ai ‘a e movete ‘i he sikalamu ‘a e Palemia mo e Kapineti.
‘Oku toe fehu’ia foki pe koe loto ‘eni ‘o e kau memipa PSA pea ko e taha pe’eni ia ‘a e fakakaukau ‘a Mele ‘Amanaki kae si’i fakakau mai ai pe ‘a e PSA ia heni ke ngali ‘oku ivi lahi mo malohi. ‘Oku ‘uhinga ‘eku ‘ohake he kuo ta tu’olahi hono fehu’ia ‘e he kau memipa ‘o e PSA 'i he ngaahi mitia mo e mitia fakasosiale ‘a hono ngaue’aki ‘e Mele ‘a e PSA ki he’ene ‘asenita fakafo’ituitui mo faka-politikale.
Kuo ‘ohake foki ‘e he ngaahi mitia kuo tuku e falala ‘a e Palemia kia Mele mo Mateni kena tataki e va’a fakatotolo ‘a e Pule’anga ke ta’aki hake ‘a e ngaahi kaveinga ‘o kau ki he faihala ‘a e ngaahi Pule’anga kuohili pea ‘oku fakaofo ‘a e afe masila mai ‘a e fakatotolo mo e fakatonutonu ‘a Mele ki he kaveinga fekau’aki mo e Forbes ‘a ia ko e palopalema ia ‘i he Pule’anga lolotonga.
‘Oku malie he ‘oku tukuaki’i tokua ‘eni ‘a e Minisita Pa’anga ia mo ‘Aholotu Palu kae faka’ata’ataa ‘a e Palemia ia tokua ‘oku si’i mo’oni pea ‘ikai kene si’i mea’i ha me’a he na’e totonu ke ‘i ai hano patiseti. Ko e me’a ‘eni ‘oku ui ko hono fakalatalata’i ‘a e laione he ‘oku ‘ikai ke puli ki he fonua ko e faka’eke’eke mo e Forbes ko e fo’i ‘aliaki faka-kemipeini ‘eni ke talaki ki mamani ko e fetu’u hopo tokua ‘o e temokalati kuo ‘i he fohe kae ngalo ange ‘oku ‘i ai hono tekiteki kuo pau ke muimui mai ai.
‘Oku ngali kehe he ‘oku mahino lelei mai foki ‘a hono ‘ohofi ‘e he PTOA ‘a e Minisita Pa’anga pea ‘oku ne ‘omai ‘a e ‘ata ki he kakai ‘o e fonua ‘o e movetevete pea kuo faaitaha ‘a e PSA mo e Kele’a ‘i hono ‘ohofi ‘o Eke pea ‘oku ‘i ai ‘a e fifili ki he tu’unga ‘oku ‘i ai ‘a e Pule’anga he ngaahi ‘aho ni mo ‘enau ‘asenita ki he Minisita Pa’anga.
‘Oku toe lesoni foki hono lau mai ‘e Mele ‘a e ngaahi kupu’i lao ‘a e PSC mo e faitotonu ‘o kau kiai mo e ngaahi fakatotolo ‘oku totonu ke fakahoko ki he kau faihala ‘i he kuohili ‘o mole ai ‘a e pa’anga ‘a e Pule’anga. ‘Oku ‘i ai foki ‘etau lea ‘oku taka ko kita ‘oku nofo he fale sio’ata pea kete tokanga telia na’a tolo mai ha taha pea ko ‘ene mafahi pe ‘a e sio’ata ‘e mokulu hifo ‘iate kita pea ko e lavea ka koha lavea.
Ko e kaveinga fekau’aki mo e Forbes koe lahi ange hono toe ‘omai ke fai’aki ‘a e politiki fakalotofale ‘a e Pule’anga koe lahi ange ia ‘a e lavea ‘a e Pule’anga koe sino ‘e taha kae hulu atu ‘a hono manatu’i ‘ehe kakai ‘o e fonua ‘a e fo’i fakamole noa’ia koia. ‘I he taimi tatau kapau tetau fakatonutonu pe koe fe ‘a e lao mo e polosita ‘a e PSC ‘oku maumau pea koe toe lavea lahi ange ai pe ia ‘a e Palemia mo hono Pule’anga.
‘Oku ou fokotu’u atu ‘Etita heni kia Mele ‘Amanaki ke hoko atu ai pe ‘a e fakatotolo ki he ‘uhinga na’e mole ai ‘a e kautaha hu’akau ‘a e Pule’anga ‘o tupu ai hono tapuni pea mole ai ‘a e pa’anga ‘a e Pule’anga mo e kau totongi tukuhau ‘a e kakai he poloseki ko’eni.
‘Oku ‘i ai ‘a e poupou atu ki he fakatotolo mo e fekumi ko’eni ‘a Mele ki he Fakamaau totonu pea tuli ai leva e koa he kuo matangi lelei pea ‘ai ke tatau ki he tokotaha kotoa ‘o kau ai mo koe ta’ahine Mele.
Faka’apa’apa Atu,
‘Eliesa Fifita
Kolomotu’a
16 comments
-
Ki'i manako tama 'a Mele ke taa mai moe kau poko. Ne 'asi mai he facebook hono tala moe poko 'uli'uli pea koeni pe poko eni ia 'oku lanu melomelo pea hekesi. Koe poko 'uli'uli ia na'e ta'ekofu ia. 'Oku sai pe fakatotolo ia pea 'oku ou poupou kiai kae 'uluaki fakatotolo'i 'etau tafa'aki pea toki hoko atu.
-
Ha'amoko 'oku mo'oni e lau 'a e kau mama kava tonga "'ai mai ha me'a 'oku loi ketau fakafekiki ai". 'E faifai e 'ohonoa 'a Mary pea iku 'o movete ha famili kae tuku e taumu'a ia 'o e fakatotolo. 'Oku totonu ketau 'uluaki siosio holo pea toki fai e tolo kae tuku mata malohi na'a toe launga 'a e kau memipa 'o e 'Iunioni 'a Fisi.
-
masi'i Saimone 'oku 'ikai ko Fiji pe ne a'u kiai e hoholi 'a e fefine FBI fakatotolo ni. Na'e tomu'a fakavilivili ta'enanaa holo ia he falema Ha'amoko 'o lava lelei 'ene fiema'u. Kae sai ke ta'ofi aa 'ene fakatotolo holo, na'a iku moveuveu ai e 'uu mohenga e matu'a mali.
-
Faka'ofo'ofa ia ka hoko atu e fakatotolo ki he kautaha hu'akau he koe pa'anga lahi 'a e Pule'anga na'e moe ai pea koe ngali lelei ia 'a faitotonu.
-
Hangee 'oku holi ke fie fai 'ae me'a na'e fai 'e 'Akilisi he ta'u lahii ee...hhhhhhhh...'ae 'ohake 'ae fai hala moe faihala ae pule'angaa mei he ta'u kihe ta'u mo taukapo'i ee faitotonuu moe hafua ee 'osi pea heke kihe fohee o kehe ia,tokanga na'a mo toe kovi palakuu ange moua Mele Amanaki mo Eliesa Fifita...hhhhhhhh
-
Kapau oku vilifaki taeunua pehe a Mele Amanaki ki hono ohofi fkteekuka'i o Eke hange ha fksesele, pea oku taau a ke invesstigate kotoa a kamata mei ai fkfoituirui ke palanisi tatau o kamata aa meihe ene foi huki tono mali konaa moe fuu taki Union a Fiji oku ne takafia holo e initaneti. Koe ngaahi asenita a Mele oku ikai fai ihe loto maa ka oku lele atu eni ia hange ha taha oku mentolo ene obsessed taau fehia kia Eke mo Aholotu, o ne ngaue aki e PSA ke platform mai aki ene asenita sauni fkfoituitui. Taaki hake aipe moe uhinga ne mate ai e poloseki huakau a Tonga ihe taimi naane ngaue ai, moe mate ae poloseki ia kae tuumalie niihi tokosii ia mei ai.