2 Mē, 2018. 'Oku lolotonga fekumi 'a e kau polisi 'a Nu'usila ki ha tokoua 'oku mahalo'i koe ongo tangata Tonga pe mo kinaua fekua'aki mo hono fakapoongi 'o e matapule Tonga ta'u 28 ko 'Epalahame Tu'uheava 'i Mangere, 'Aokalani Nu'usila.

24 'Epeleli, 2018. Kuo puke 'e he va'a toki fokotu'u 'a e Potungaue Polisi ki he faito'o konatapu (Police Drug Taskforce) ha tangata ta'u 54 'i Maufanga 'oku ne tauhi 'a e faito'o konatapu 'i he kalasi koe methamphetamine pehe foki kiha maliuana.

19 'Epeleli, 2018. Kuo puke ‘e he kau Polisi faito’o konatapu kalasi koe methamphetamine fe’unga hono mahu’inga mo e pa’anga ‘Amelika ‘e $133,000.

7 ‘Epeleli, 2018. Nae tu’utu’uni ‘e he Tu’i Fakamaau Lahi Owen Paulsen ‘i he Fakamaau’anga Lahi ‘aneafi ke puke ‘a ‘Onituei Manu ‘o fakahu Pilisone koe talangata'a ki he Fakamaau'anga pea toe li’aki hopo.

4 'Epeleli, 2018. Kuo toloi 'e he Fakamaau Lahi Justice Gato 'a e hopo 'i he Fakamaau'anga Lahi 'i Vava'u  'aneafi 'aho 3 'o 'Epeleli 'a e matapule ko Mohi Halalupe mei Vaimalo ko 'ene hola 'a 'ana mei Vava'u ki Tongatapu lolotonga 'a e tali ko'eni ki he hopo.

3 'Epeleli, 2018. Kuo faka'ilo 'e he kau polisi 'a e ki'i  kautaha me'alele ko e Monu’ia He Kelesi Car Dealers ‘oku tu’u ‘i he Hala Pili ‘i Tongatapu fekau'aki mo hono ma'u ha pa'anga 'i he fakamatala loi.

26 Ma’asi, 2018. Kuo tali ‘e he Fakamaau’anga Tangi ‘a e tangi ‘a e Kautaha Tongasat pea faka’ataa ‘a e kautaha ni mei hono ‘eke ‘e he Pule’anga kenau totongi ‘a e Tukuhau Ngaue’aki (Consumption Tax) fe’unga mo e pa’anga ‘e 17 miliona tupu ($17, 931, 141-27).

26 Ma’asi, 2018. Kuo tali ‘e he Fakamaau’anga Tangi ‘a e tangi ‘a e Siasi Tokaikolo 'Ia Kalaisi fekau’aki mo e tu’utu’uni ‘a e Fakamaau Lahi ko Justice Scott ‘i he Fakamaau’anga Lahi ‘i he ta’u 2017 ke foaki ‘a e kelekele mo e koloa ‘a e Siasi Tokaikolo ‘i Kolomotu’a ki he Feohi’anga Mo’ui Fo’ou ‘a ia ‘oku taki mai ai ‘a Faifekau Sione Maile mo Dr. Pohiva Tui’onetoa.