Tu’unga Falala’anga CEO Fo’ou ‘a e Potungāue Tanaki Tukuhau mo e Kasitomu
‘Oku nga’unu māmālie atu ‘eni hotau vaka pea kuo kamata ke hā sino mai ‘a e ngaahi me’a ‘oku fai ‘a e tālafili kiai 'a e kakai 'o e fonua ‘o ‘ikai hohoa tatau ia mo ‘enau vakai ‘o fakatatau ki he’enau taukei mo e me’a ‘oku nau ‘ilo lelei kiai. Kuo lahi ‘a e laaulea ‘i he ngaahi fokotu’u lakanga ‘a e Pule’anga ‘o kau kiai hono fokotu’u ‘o e kau memipa ‘o e Paati ‘Otu Motu Anga’ofa pehē ki he kau poupou ki he ngaahi lakanga lalahi mo ma’olunga ‘i he fonua 'o hangē koe kau fale'i 'o e 'Eiki Palēmia, kau memipa Poate 'o e ngaahi pisinisi 'a e Pule'anga, Kovana mo e 'Ulu 'o e ngaahi Potungāue.