Nuku'alofa, 6 Sune, 2015. Kuo ngatū ‘a e lou’akau mo e me’a mo’ui he funga ‘o e fonua ‘i he nānāfaki ki he Hilifaki Kalauni ‘o e Hau ‘o e Fonua Tama Tu’i Tupou VI. Neongo ‘oku toe ‘a e ngaahi lau uike pea toki fakahoko ‘a e kātoanga faka hisitōlia ni ka ‘oku fou pe ‘a e fonua ‘i he ngaahi mape folau mei ono’aho hangē koia ‘oku hoko ‘i he ngaahi ‘aho ni.

Nuku’alofa, 27 Me, 2015. ‘Oku lolongo ‘a e fonua pea ‘oku ‘ikai ke fu’u ma’alifekina fēfē ‘a e hingoa ‘o e ‘Ikale Tahi ‘i he ngaahi tālanga, mītia mo e ngaahi feohi’anga fakasōsiale ka ‘oku ‘ikai puli koe ta’u ‘eni ‘oku ‘amanaki ke fakahoko ai ‘a e fe’auhi ki he Ipu ‘a Mamani ‘i he mala’e ‘o e ‘akapulu.

Nuku’alofa
‘Aho 14 Mē, 2015

‘Oku fakofiofi atu ‘eni ke fakaava ‘a e Fale Alea ki he faha’i ta’u Fale Alea 2015 pea ‘oku mahino foki koe patiseti ‘oku kau ia he laine mu’a mai he ‘asenita ngāue ‘a e Fale Alea.

Nuku’alofa
11 Mē, 2015.

‘Oku ‘i ai ‘a e hoha’a lahi ki he tu’unga ‘oku ‘i ai ‘a e ngaahi ngatangata’anga ‘o e mafai pea ‘oku ‘i ai ‘a e faka’amu ke fai ha ‘ilo ki hono mo’oni mo e feitu’u ‘oku tu’u ai ‘a e Palēmia he ‘oku ‘i ai ‘a e hā ngali fepakipaki ‘i he’ene tu’utu’uni mo e fakakaukau ‘a ‘ene kau fale’i.

Kuo hoko foki ‘a e hā mai ‘a e fo’i lea ko e “Fakamolemole’i Honau Kuohili” he tali na’e fakahoko mei ‘e he ‘Eiki Palēmia ‘o Tonga ki he tohi launga na’e fakahū atu ‘e William Clive Edwards fekau’aki mo e taha ‘o ‘ene kau Minisitā ha kananga ‘i he fonua ni.

Kataki fakamolemole kae fakatokanga’i ange ‘e kamata lau mei he ‘aho ni 24 ‘Epeleli 2015 ‘e ‘ikai temau toe pulusi atu ha komeni ‘oku ‘ikai ke ‘omai ai ho hingoa kakato mo ho’o tu’asila ‘imeili.

Nuku'alofa

15 'Epeleli 2015

Kuo a’u atu ‘eni ki he tu’unga ‘oku hangē ‘oku hā ngali faka tamaiki vale ‘a e tu’unga ‘oku ‘i ai ‘a e kau Fale’i ‘a e ‘Eiki Palēmia ‘i he founga ‘oku fakahoko ‘aki ‘a ‘enau ngaahi tali mo e fakafeangai ki he ngaahi mītia ‘o ‘ikai ngata he hā ngali fakamanamana ka kuo nau toe kaka ‘eni kenau toe hoko koe Hou’eiki ‘o ta’efielea’ia pea toe mofisi tokua ke lea atu ha taha ki he Pule’anga.

'Oku mahu'inga foki 'i he kuonga ni ke fakahoko ha vakai ki he ngaahi makatuliki 'oku mo'ui ai 'a e fonua faka 'ikonomika pea 'oku totonu foki ke 'ilo 'a e kakai 'o e fonua ki he ngaahi malohinga faka'ikonomika 'o e fonua 'a ia 'oku hoko halanga pa'anga ki he fonua 'o malava ai 'e he Pule'anga ke fuesia hono ngaahi fatongia ki he kakai 'o e fonua. 'Oku to'o mai ai heni 'a e fefakatau'aki fakavaha'a Pule'anga (international trade) ke hoko koha sipinga ki he kaveinga ko'eni.