Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Lau 'a e 'Etita: Tali ki hono Fehu'ia Ongoongo Fekau'aki mo e Mo'ua TOP 80,000 Tupu 'Eiki Palemia Samiuela 'Akilisi Pohiva Featured

Lau 'a e 'Etita: Tali ki hono Fehu'ia Ongoongo Fekau'aki mo e Mo'ua TOP 80,000 Tupu 'Eiki Palemia Samiuela 'Akilisi Pohiva

11 Ma'asi, 2015

Kuo ma'u 'e he Nepituno ha ngaahi fetu'utaki 'o 'eke 'a e mo'oni 'o 'ene ongoongo na'e pulusi atu 'i he 'aho Falaite 6 'o Ma'asi fekau'aki mo e kaveinga 'oku ha atu 'i 'olunga.

'Oku ma'u pe 'e he Nepituno 'a e tatau 'o e Tu'utu'uni 'a e Fakaau Lahi M.D. Scott 'i he 'aho Falaite 6 'o Ma'asi pea 'oku ha mahino pe foki ai 'oku tali 'e he Fakamaau'anga Lahi 'a e 'eke 'a e kau Faka'iloa ki ha totongi huhu'i ki honau ongoongo pehe ki he'enau ngaahi fakamole katoa 'a ia na'e tali lelei 'e he Fakamaau'anga Lahi.

'Oku ha mahino 'i he Tu'utu'uni ko'eni 'a ia koe Hopo Tangi (Hia) Fika AM20 2013 (Criminal Appeal AM20 OF 2013) 'oku tali 'e he Fakamaau Lahi M.D. Scott pea 'oku ha mahino ai 'uli'uli mo hinehina 'oku mo'ua 'a e 'Eiki Palemia Samiuela 'Akilisi Pohiva pea kuo pau kene totongi 'a e pa'anga moe fakamole 'a e ni'ihi na'a ne faka'ilo. 'Oku ha 'eni 'i he Konga Fika 10 'o e Tu'utu'uni 'a ia ko hono Fakapapalangi 'oku ha atu 'i lalo;

I see no reason not to apply this approach to an unsuccessful appeal by this private prosecutor. I have already expressed my view of the strength of the prosecution case in the Magistrates Court and the merits of the appeal to this court and have nothing to add on that score. I can find no reason not to award the Respondents their costs of this appeal and this application, to be taxed if not agreed.
Result: The Respondents are awarded their costs of the appeal and this application, to be taxed if not agreed.

'I he'ene pehe leva na'e fakahoko 'e he Nepituno hono fatongia ko fekumi ki ha fakafuofua ki he lahi 'o e tautea ko'eni 'a ia na'e ma'u tonu pe 'eni mei he Tangata Loea 'iloa pea toe kau pe foki mo ia 'i he kau Faka'iloa ko William Clive Edwards 'i hono faka'ilo hia 'e he 'Eiki Palemia. Ko e fakafuofua 'ena 'a William Clive Edwards koe Pa'anga 'e 80,000 tupu pea na'e fakaha totonu atu pe 'e he ongoongo 'a e Nepituno pea fakaha tonu moe ma'u'anga fakamatala kiai. Na'e fakaha foki 'e he ongongo 'a e Letio Tonga 'i he efiafi 6 'o Ma'asi ko e Pa'anga 'e 30,000 tupu 'a e mo'ua pehe ki he Nusipepa Talaki na'a nau pulusi 'a e fika tatau koe 30,000 tupu ka koe fakafufofua 'ena 'a e ma'u'anga fakamatala na'e fekumi kiai 'a e Nepituno.

'Oku faka'amu 'a e Nepituno ke fakatokanga'i ange heni 'oku kau 'a William Clive Edwards 'i he kau Faka'iloa pea toe Loea foki pea 'oku 'i ai 'ene totonu ki hono fakakaukau'i 'a e mahu'inga 'o e pa'anga 'oku fakahoko hono 'eke ki he 'Eiki Palemia he kuo mahino kuo Tu'utu'uni 'a e Fakamaau'anga Lahi kene mo'ua. Ko e fakafuofua kuo ma'u ko'eni 'e he Nepituno koe ma'u tonu mei loto pea 'i he tu'unga falala'anga. 'Oku malava ke toe lahi ange 'a e pa'anga pe koe mo'ua ko'eni 'o fakatatau ki he fakamole 'a e kau Faka'iloa ko'eni pehe ki honau tu'unga 'i he sosaieti 'o 'ikai lau kiai moe totongi loea pehe ki he ngaahi fakamole kehe.

 

 

Leave a comment

Make sure you enter all the required information, indicated by an asterisk (*). HTML code is not allowed.

back to top