Na’e ‘alo’i ‘a Tevita ‘Unga ‘i he ta’u 1824 pea ko ‘ene ‘Eiki ko Taufa’ahau ‘a ia na’e Tu’i Haapai pea toki  hoko kimui hili hono papitaiso ki he Huafa ko e Siaosi Tupou I hili hono fakatahataha’i ‘o Tonga. Ko e fa’e ‘a Tevita ‘Unga ko Kalolaine Fusimatalili ‘a ia koe uaifi ia hono ua ‘o Taufa’ahau pea mei he tukufalaholo ‘oku ‘i ai ‘a e laine Fusitu’a.

Na’e fanau’i ‘a e Semisi ‘Ikani Molitoni ‘i he feitu’u ko North Sheilds ‘i he kolo ko Northumberland ‘i Pilitānia ‘i he ‘aho 4 ‘o Sanuali ta’u 1841. Ko ‘ene tangata’eiki koe faifekau ko Semisi ‘Ikani Molitoni ‘a ia na’e tauhingoa pe kiai pea ko ‘ene fine’eiki leva koe fefine ko Catherine Moulton.

‘Oku faka’apa’apa ‘a e Kolomu fo’ou Kohai ‘a Hai? (Who is Who?) pea mo e kole ke tomu’a fakamalumalu he talamalu ‘o e fonua pea ‘ofa ke ‘atā pea ‘ofa ke ngofua kae fakaava ‘a e kolomu ni ‘aki ha’a tau vakai ki he ‘Uluaki Fā ‘o Tonga Kingi Siaosi Tupou I ka koe Helo mo e Tufunga Fonua ‘o e Piliote. Hangē koe lea ‘oku taka “Mapaki e Fā kae kei ‘Alaha”.