Fakamatala 'Ea Makehe Hono 4 Featured
FAKAMATALA’EA MAKEHE HONO 4 MA’A TONGA FEKAU’AKI MO E ‘ALOTAMAKI FAKATALOPIKI KO 09F (TD09F) ‘I HONO TUKU ATU MEI HE SENITA FAKAMATALA FAKASAIKOLONE ‘A TONGA I FUA’AMOTU ‘I HE TAIMI 03:00PM TUSITE 09 FEPUELI 2021.
FAKATOKANGA SAIKOLONE FAKATALOPIKI KI HE ‘OTU TONGA
KO E NGAAHI FAKATOKANGA:
‘OKU KEI TU’U PE FAKATOKANGA MATANGI MALOHI FAKATUPU MAUMAU KI HE VAHEFONUA MO E NGAAHI POTUTAHI ‘O E ‘OTU TONGA.
‘OKU KEI TU’U PE FAKATOKANGA PEAU AAKE MALOHI FAKATUPU MAUMAU KI HE KOTOA E NGAAHI POTUTAHI E ‘OTU TONGA.
‘OKU KEI TU’U PE FAKATOKANGA ‘UHA LAHI MO TAFEA KI HE KOTOA ‘O E ‘OTU-TONGA.
‘OKU KEI TU’U PE FALE’I KI HE NGAAHI VAKA IIKI KE ‘OUA E FAI HA OO KI HE NGAAHI POTUTAHI KOTOA ‘O E ‘OTU-TONGA.
TU’UNGA ‘O E ‘EA
Ko e ‘alotamaki fakatalopiki ko 09F na’e fe’unga hono uhouhonga mo e latitude 19.9° faka-Tonga moe longitute 178.9° faka-Hihifo pe koe 420KM Hihifo Tokelau-Hihifo ‘o Nuku’alofa, 450KM Hihifo Tokelau-Hihifo ‘o ‘Eua, 485KM Hihifo ‘o Pangai Ha’apai, 545KM Hihifo TongaHihifo ‘o Neiafu Vava’u, 600KM Tonga-Hihifo ‘o Niuafo’ou, 710KM Tonga-Hihifo ‘o Niuatoputapu he taimi 2:00pm ‘o e ho’ata ni.
Ko e ‘alotamaki fakatalopiki ko 09F ‘oku nga’unu ‘i he vave ko e mailetahi ‘e 10 ki he houa (20km/hr) ‘a ia ‘oku fakafuofua ke ne toka ‘i he 360km Hihifo ‘o Nuku’alofa he taimi 7:00pm ‘aefiafi. Ko ha hakohako ki he matangi malohi fakatupu maumau fakataha pe ki ai mo ha ‘ao’aofia, ‘uha lahi mo ha manamana te ne kei uesia e ‘Otu Tonga he ‘aho ni mo ‘apongipongi.
KI HE ONGO-NIUA, VAVA’U, HA’APAI, TONGATAPU MO ‘EUA:
Angi e matangi mei he Tokelau mo e Tokelau-Hahake mailetahi ‘e 25-30 ki he houa (50-60 km/hr) pea to takutaku ‘o a’u ki he matangi malohi fakatupu maumau mailetahi 40-45 ki he houa (80-90km/hr).
Lahi ‘ao’aofia mo fakapopo’uli e langi mo ‘uho’uha tu’u mo to pea lolo lahi ha ngaahi taimi ‘o malava ke tafea e ngaahi feitu’u ma’ulalo ange.
Hou ke hou a’upito e tahi (a’u ki he mita ‘e 4-6). Aake malohi e peau fakatupu maumau mei he Tokelau (a’u ki he mita ‘e 5.)
‘E ‘ikai ke lelei e vakai ‘i he ngaahi feitu’u ‘oku ‘uha lahi.
KI HE NGAAHI POTUTAHI ‘O TELE-KI-TONGA MO TELE-KI-TOKELAU:
Angi e matangi mei he Hahake mo e Tokelau-Hahake mailetahi ‘e 20-25 ki he houa (40-50 km/hr) pea hiki hake ki he mailetahi 30 (60km/hr) ki he houa pea to takutaku ‘o a’u ki he matangi malohi fakatupu maumau mailetahi 35-40 ki he houa (70-80km/hr) ki he houa efiafi ‘o e ‘aho ni.
Hou ke hou a’upito e tahi (a’u ki he mita ‘e 4-6). Aake malohi e peau fakatupu maumau mei he Tokelau (a’u ki he mita ‘e 5.)
HU’A MO E MAMAHA E TAHI KI NUKU’ALOFA
TAUMALIE : 05:30PM
MAHATOKA : 12:10AM (TU’APO E POONI)
KO E FUA E PALOMETA ‘I HE MALA’E VAKAPUNA FUA’AMOTU HE TAIMI 03:00PM NA’E MILIPA E 1007.1 PEA KO E HAUHAU ‘O E ‘EA NA’E PESETI ‘E 96%.
KO E FAKAMATALA MAKEHE HONO HOKO MA’A TONGA FEKAU’AKI MO E ‘ALOTAMAKI FAKATALOPIKI KO 09F ‘E TUKU ATU IA HE TAIMI 06:00PM ‘O E EFIAFI NI PE OFI KI AI
