'Ikai mo'oni tukuaki'i 'e he Minisita Polisi Sea Le'oleo Fale Alea 'o Tonga Featured
Kalake Pule Fale Alea Gloria Pole'o mo e Minisita Polisi Mateni Tapueluelu
9 Sune, 2019. Kuo fakahalaki fefeka mei he ‘Ofisi ‘o e Fale Alea ‘o Tonga ‘a e fakamatala kuo tuku atu ‘i he uepisaiti ko e Kanivatonga ‘o pehē “Ko hono fakanofo ‘o Looti Tu’ilakepa ke hoko ko ha Sea Le’ole’o’ ‘oku matamata ne ta’efakakonisitūtone”.
‘Oku pehē ‘e he Kalake Pule ‘a e Fale Alea ‘o Tonga, Gloria Pole’o, “ ‘Oku ‘ikai ke fakanofo ha Sea Le’ole’o (Acting Speaker) ia ki he Fale Alea ‘o hangē ko e tukuaki’i he ‘oku ‘ikai ha mafai ia he Konisitūtone ‘o Tonga ke fakanofo ha Sea Le’ole’o (Acting Speaker). Ko e taimi ko ia ‘oku me’a atu ai ‘a e Sea ‘o e Fale Alea Lord Fakafanua ‘i ha fatongia ki ha fonua muli, ‘oku fakahoko leva ‘e he Tokoni Sea Lord Tu’ilakepa ‘a e ngaahi fatongia ‘o e Sea.
Ko e founga ngāue eni ‘oku ngaue’aki pea ‘oku fai ia ‘o fakatatau ki he Kupu 16(3) ‘o e Lao ki he Fale Alea, ‘a ia ‘oku fakalea ai kapau ‘oku ‘ikai ‘i ai (absent) ‘a e Sea pe ‘ikai ke ne me’a ‘i he fakataha ‘a e Fale Alea, kuo pau ki he Tokoni Sea ke ne sea ‘i he Fale Alea pea ke ne fakahoko ‘a e ngaahi fatongia ‘o e Sea kae ‘oua kuo faingamālie ‘a e Sea. Na’e fakanofo ‘a Lord Tu’ilakepa ki hono lakanga ko e Tokoni Sea ‘i he founga ‘oku tu’utu’uni ‘e he lao, pea ‘oku ne fakahoko ‘a e ngaahi fatongia ‘o e Sea Lord Fakafanua ‘i he taimi ‘oku ne mama’o ai mei he fatongia.”
Na’e toe fakamahino foki ‘e Pole’o, “ ‘Oku toki ngaue’aki pe ‘a e Kupu 61(4) ‘o e Konisitūtone ‘i he taimi ‘oku ‘atā (vacant) ai ‘a e lakanga Sea ‘o e Fale Alea. ‘Oku fakahā mai pe he Kupu tatau ‘a e taimi ‘e toki ‘atā ai ‘a e lakanga ko ia, ‘a ia ko ha taimi ‘e pekia, fakafisi pe fakata’e’aonga’i ‘a e fakanofo ‘o e Sea.
Kapau ‘oku folau ‘a e Sea ki muli pe ‘ikai ke ne me’a ‘i he fakataha ‘a e Fale Alea, he’ikai ke hoko ia ke ‘atā (vacant) ai ‘a e lakanga ‘o e Sea, pea he’ikai ngaue’aki ai ‘a e Kupu 61(4) ‘o e Konisitūtone. 'Oku faikehekehe ‘aupito ‘a e “’atā” (vacancy) e lakanga ‘o e Sea ‘a ia ‘e ngaue’aki ki ai ‘a e Kupu 61(4) ‘o e Konisitūtone , pea mo e “mama’o” (absent) ‘a e Sea ‘a ia ‘e ngaue’aki ki ai ‘a e Kupu 16(3) ‘o e Lao ki he Fale Alea.”
Ko e tali foki 'eni mei he Fale Alea 'o Tonga ki he ngaahi tukuaki'i kuo fakahoko 'e he Minisita Polisi pea tukumai 'i he Televisone Tonga pea toe paaki 'e he Uepisaiti 'a e Kanivatonga 'o tala 'oku ta'efakalao 'a e tu'utu'uni 'a e Tokoni Sea 'o e Fale Alea ki hono 'ave 'a e ngaahi Lao Fakaangaanga 'e 6 ki hono teu liliu 'o e Konisitutone ki he kakai 'o e fonua.
2 comments
-
The act of resigning from office due to your own wrong doing or the people whom you supervised shows your leadership skills and taking responsibilities for the performance of your organization.
In America, leaders of fail companies or corrupted Sheriff will always resign on their own due to the media publicizing of the criminal acts or the outcry from the public. The difference in a situation like this in Tonga, the leaders does not have the maturity to recognize the expectations when they hold such a role. Often, the dominant cultural mentality is, my way or the highway. That is the mentality of this fellow we are talking about. So, resignation is not on his mind. Differentiate that, if I were the Minister of Police, I would resign in a heartbeat. Why, because I learned that in America.
On a side note, I always allege, Tonga cannot be running with native Tongan experiences. Why? Tonga is like a $500M company operation in NZ or Auzzie. Remind you, Tonga GDP is slightly lower than 500M. It takes the mentality and experiences of a person residing in those developed countries to run such a company. Tonga is no difference. So, you need to import Tongan with that foreign experiences to run Tonga. It is that simple. -
Mateni, tuku aa ho'o fiepopoto he ko e toki Minisita Polisi koe mo Custom oku hu tavale mai ai e me'atau mo e faito'o konatapu. Tuku e talanoa Lao ia ke fakahoko e he kakai ilo Lao. Tuku ho poto alu feinga'i 'aki ho'o Potungaue pe koeha 'oku nau corrupt ai. Tokolahi ho'o kau 'Ofisa oku nau kau pe he tila, o tatau loua pe ongo Potungaue. Pea kapau 'oku ke 'osi mea'i kake longo pe, ta ku mahalo 'oku ke kau pe mo koe. Pea ko e me'a ia keke lea ai.