Feinga Minisitā Lao faka-taimi ke kau atu kau memipa Kapineti ki he Fakataha Tokoni Featured
Minisitā Lao faka-taimi Sione Vuna Faka’otusia
10 ‘Okatopa, 2017. ‘Oku ‘ikai pe holomui ‘a e Minisitā Lao faka-taimi Sione Vuna Faka’otusia mei he’ene taukave’i ‘oku totonu ke kau atu ‘a e kau memipa ‘o e Kapineti ki he Fakataha Tokoni.
Kuo lipooti foki ‘e he ongoongo ‘a e Letiō Nu’usila ‘a e fakahā ‘e Faka’otusia ‘oku makatu’unga ‘a e ta’emanonga ‘i he fonua koe toe kau atu ‘a e kau fale’i faka-lao (Law Lords) ‘a e Tu’i ki hono sivi’i ‘a e ngaahi lao ‘oku fakapaasi mei he Fale Alea.
‘Oku taukave’i foki ‘e Faka’otusia koe kakai ko’eni na’e ‘ikai fili kinautolu pea ‘oku ‘ikai kenau kau ki he Fale Ale pe Pule’anga pea ‘oku ‘ikai ke totonu kenau kau ki hono alea’i ‘a e me’a fekau’aki mo e fonua.
‘I he taimi tatau foki koe Fakataha Tokoni ‘oku faka-Konisitutone pe foki ‘ene tu’u pea ‘oku tau’atāina pe ‘a e Tu’i ke kumi falea’i ke tokoni kiate ia ‘o tautautefito ki he ngaahi me’a faka-lao ‘a e fonua.
Na’e veteki foki ‘e he Tu’i ‘a e Fale Alea ko e ‘ikai kene fiemālie ki he fakahoko fatongia ‘a e Palēmia mo ‘ene Kapineti.
2 comments
-
Mahalo kapau na'e maau e ngaue 'a e minisita lao he'ikai ha longoa'a. Ko e fiha'i lao ena hono 'omai moe fakafoki ko e 'ikai kakato pe ko e ta'e 'uhinga. 'Ai 'ete tafa'aki ko 'oua toe ai hano mata vaivai pea te toki 'aka atu ki he kau tama ko e. Kau law lords ko e fale'i pe mo interpret e lao ke 'uhinga ki he Tu'i pea toki fakahoko ai hono finangalo.
-
Tafi'i kitu'a a Setane/Tevolo kili Tea mei he kau Lords fale'i ae Tu'i......kae ngaholo hono langa hotau Fonua...Tu'u ke ma'u pea oua naa fiu. .hono kalanga'i ae me'a mo'oni.