Lahilahi e kau fie Palemia ^Featured

Kuo mahino e tu’utu’uni ki he ‘Eiki Minisita na’a ne tolongi ‘a e fefine ‘aki 'a e ipu uaine. 'I he taimi tatau kuo mapuna hake ngaahi me’a pehe ne lilo ka kuo ne kamata ke e’a mai. Ne tau nofo foki mo e me’a ko e telelouniu pea ko e vave atu ka kuo tokoni eni mo mitia fakasosiale tautautefito kia “Mata Tohi” pe Facebook ki hono fakavave’i e ngaahi talanoa he ‘oku lele fakataha pe lea mo e ‘ata.

Na'e hange 'a e motu’a Minisita ko Sinilau hono lele’i mai 'e he ngaahi kautaha ongoongo pea ne ‘i ai mo e letio ia ‘e taha ne nau meimei luotaha pe he motu’a mei he motu mama’o. Na'e hili e mahino mai ‘e fai e tu’utu’uni ki ai kuo nau hu hake leva mo e hu’uhu’u ‘o pehe kuo ‘osi ‘i ai e ngaahi hingoa kuo ‘oatu ke ne fetongi 'a e Minisita.

‘I he “Mata Tohi” leva na'e ha ai 'a e hahanu ‘a Mele ‘Amanaki ia ki he Palemia ko e ‘ikai tokua ke ne faipau ki he’enau femahino’aki pea ‘i he’ene fakalea ne ‘oange ‘e he Palemia ‘ene “word”.

'Oku to'o atu ai heni 'e he kolomu ni 'a e tatau 'o e ngaahi fetohi'aki ko'eni 'i he Mata Tohi (Facebook) ke tau ki'i vakai kiai he 'oku taka fakaoli 'a e vakai 'oku 'i ai mo e kau fale'i ia ki he Palemia pea 'oku fio fakataha mai ai pe mo e fie Palemia ia.

*(Ko e konga 'o e ngaahi fetohi'aki ko'ena kuo tamate'i mei he Mata Tohi (Facebook) pea toe 'etita'i ka ko hono 'olisinale 'ena 'oku tuku atu ke hele 'aki 'etau ha'ape)

Mele Amanaki

"Mahino pe process ia áe Cabinet... ka naé fai e femahinoáki he kole á e mamahii... pea naé ómai é he PM éne word... pea tene toki sio mo e kapinetii iai heéne foki mai from FSM yesterday... not distribute 2 weeks ago he hili pe éne give his words... kaekehe hangee ko ~eku lavee í ólungaa ko éne liliu mavahe mei heéne word ko éne kií faleí õku tuú vahaá moe kau Independents..."

Ko e talanga malie he tu’u ’aki ‘e Mele ‘Amanaki ‘ene totonu koe’uhi ne nau ‘osi femahino’aki mo e Palemia pea kau hake ai mo e ‘ofefine ‘o e Palemia ‘o hange eni ‘e hoko atu mo e impeachment ‘o ‘ikai ko e minisita pe ‘e taha ka ‘oku ua e minisita ‘e impeach.

Mele Amanaki

"Taa óku tonu pe éku post áku he FAKAKOLEKOLE naé faii he PM í NZ hhhhh, he koe ola ena e fakakorekoree kuo fai ai e resignation.... HOKO ATU AA PM kihe impeachment ...... pea kau atu moe Minisitaa e tahaa naé hope atu kiai á e talanoaa...."

"fai mo tokoni atu kihe impeachment e 2nd Minisitaa ka tau vave.... hafua hono fata holo fuú ngaahi fuú meáa pea faifai mafasia ha taha Lol!!!!"

‘Oku ‘ikai ke fu’u mahino’i e tu’unga ‘o Mele ‘Amanaki ka ‘oku hange eni ia koe taha ia e kau fale’i pea ‘oku toe tu’utu’uni ia ki he Palemia. Ne iku ke ki’i mamahi e kau felingiaki fakakaukau mo Mele ‘Amanaki ‘o homo atu ai e lea mei he taha ‘o e kau talanga.

Taufa Vainikolo

"Kou mahamahalo au oku uesia fkatamai a Mele...heheh ko ene lilii hage oku holi peia ke fai ehe pm hono loto ...sio kuo a'u eni kihe ha mai kuo osi fkfisi e minisita..oku kei loti peia ke nae nae fkkokekole'i...he koe ha koaa hano palaku kapau nae fkkolekole..koe veimau fkpolitikale ia nae ikai fkmalohi'i hage ko Segi...."

Ne a'u ki he tu'unga 'oku ngali lele hake e pango'ia 'i a Lautala he fiepule pehe ki he PM he ko'ene tangata'eiki foki.

Lautala Tapueluelu

"Ko e fakakolekole kapau naé toutou kole pea kapau naé óatu tuótaha pe tohi ke fakafisi koe sitepu úluaki ia pea íkai pea koe sitepu ua ko e fakamalolooí pea áve moe tohi ki he Tuí ko éne ósi ia. Toki meá kehe éne áve é ia kimui éne tohi fakafisi. Katau fiemalie aa he kuo ne tali éne fehalaaki naá faifai pea hao á Feáo ia katau fihia tautolu he fuú loto tangia taéfakamolemole pehe."

Kaikehe hange ko e fehu’i ne ha ‘i ‘olunga k oe ha e kaunga ‘a Mele ‘Amanaki ki he fakalele ‘o e pule’anga? ‘Oku kau nai he kau fale’i pea ko ‘ene fu’u mamahi ki he PM ‘oku fakalanga hu’uhu’u. Ko eni kuo ne homo mai ‘e ‘i ai mo e Minisita ‘e taha ke impeach mo ia. Mahalo na’a ko ha me’a ia na'e teu ke hihi ka kuo ne ‘ola’i mai 'e ia.

Ngali mo'oni ‘a Lautala ke tuku aa na’a “hao á Feáo ia katau fihia tautolu he fuú loto tangia taéfakamolemole pehe.”

'Oku malie pea toe lesoni pea 'oku tatele fakaoli...