Tokoni Pule’anga Lepupilika ‘o e Kakai ‘o Siainá Pa’anga ‘e CNY 120 miliona ke tokoni ki he Sipoti 2019 mo e Ngoué ‘i Tonga ^Featured

Ko e tokoni ma’ongo’onga mo’oni eni kuo fakamo’oni’i, pea ‘oku hounga lahi ‘aupito ki he Pule’anga pea moe fonua ‘a e ‘ofa hulu pehe ni mei he Pule’anga ‘o e Lepupilika ‘o e Kakai ‘o Siaina, ko e me’a ia ‘a e Palēmia Le’ole’o, Hon. Siaosi Sovaleni.

Ko e tokoni ko eni ‘oku fakapatonu ia ki he langa ’o ha fale sipoti (gymnasium mo e vai kaukau (swimming pool) pehē ki he polokalama ngāue fakalakalaka fakatekinikale ki he Ngoué (Agriculture Technical Cooperation).

Ko e tokoni ni ‘oku ne hanga ‘o fakamo'oni ‘a e lelei ‘a e vā fakatipilometika ‘o e ongo fonua ni, pea ‘oku ‘i ai ‘a e ‘amanaki ‘e hokohoko atu ai pe ‘a e fengāue’aki lelei ‘a e ongo fonua ni, koe me’a ia ‘a e ‘Amipasitoa. Na’e toe pehē ‘e he ‘Amipasitoa ‘e teu tau mai 'a e kau savea mei Siaina he ta’u fo’ou ke vakai’i ‘a e ngaue ni pea ke toe sio foki ki ha tafa’aki ke nau tokoni ai ki he teuteu ki he Sipoti 2019.             

NGATA’ANGA

Tukuatu mei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644     Fax:  (676) 23 888; Ngaahi Faka’eke’eke- Email: This email address is being protected from spambots. You need JavaScript enabled to view it.