Hiva Afā ‘a Vaea Featured
Palasi Faka Tu'i ko Tau'akipulu 'i Lifuka
AATI & LITILESĀ/ART & LITERATURE
TA‘ANGA/MAAU & HIVA/POETRY & MUSIC
“Hiva Afā ‘a Vaea”
Fatu ‘e Kuini Sālote Tupou III
1. He sikā‘ahema fakahihifo
Louloua’a e matangi tō
Kolongatata ne fakauō
‘O falala ‘i Faka’osikato
‘Ise’ia e! Kao mo Tofua
Vilingia hoto kie tāua
Kuo hola ‘a e Fanga-I-Lifuka
Tounoa ‘a e Maka-Ko-Loupua
2. Pā ‘a e ui mo e fie uō
Ofo ‘a e Fanga-Faliki-Pako
Fine Ha’apai, fakafanongo
Ui ‘a e fangufangu ‘i he pō
‘O fakamafola ki he mama’o
Ko si’oto salusalu manako
Ke talia ‘a e angi na’a tō
Ke me’ite Sia-Ko-Veiongo
3. Ka fehu’i ‘e he Futu-Ko-Vuna
Pe ‘ekea ‘e he Taungapeka
‘E Tautavale pe ‘i ke tala
Ko au ē ko e talatā
Ko e manusiu ‘o Uoleva
Ko si’eku me’akai ko e fā
'O inu hahau mo kai la’ā
Mohenga 'i he fisi 'o e naua
Tau:
Lelea ē hoku ‘ofa atu
Sia-Ko-Kafoa, ‘Alo-I-Talau
Tangi ‘a e Toa-Tu’uakitau
He kuo fe’ofa’aki ‘a kakau
Fasi pē sila tuku ki Manono
He fangu malingi ‘i Vaha’akolo
Ke ngangatu mo ‘alaha ‘i he loto
Ka faingata’a pe faingofua
Ha’apai tu’u ho’o kaimu’a
2 comments
-
Malo Timothy e fakamanatu mai pea ko'ena kuo fakakakato hake 'a e fakatonutonu na'a ke tanaki mai.
-
Veesi 3 laini faka'osi - Mohenga 'ihe fisi 'oe naua. Cheers