Maisoa mei Saione (Major, A Sound from Zion) ^Featured

1. Si‘ete fie fanongoa 1.                               1. How I‘m so moved to hear

Le‘o ‘oe piano pele                                       Voice of the most loved piano

Vaiolini moe ngaahi ha‘ape                          Of the violins and harps

Kītā moe ‘ukulele                                          Of the guitars and ‘ukulele

Fuluta ‘oe ngaahi saame                              The flutes of the psalms

Kalāneti ‘oe hula ‘a Meliame                         And clarinets for Miriam‘s hula

2. Le‘o si‘oto ‘ofa‘anga                                   2. Voice of my beloved sweetheart

Hangē ha ngoue kakala                                 Like a garden of fragrant flowers

Palataisi luva mei loto Kolapa                       Paradise, a gift right from Kolob

Ongo kae māli‘e‘ia                                        Hearing it, how lovely and sweet

Loto pea moe ‘atamai                                   To both the heart and mind

Lomekina ai si‘i holi ‘a mamani                     As it supresses earthly desires

​​3. Hiva si‘i tavaketoto                           3. The bloodred-feathered tavake sings

Mapu ‘ae fuiva ‘ihe pō                          And the fuiva sweetly whistles at night

Olo ‘ae lupe ‘oka tataki‘aho                  The pigeon‘s cries at dawn of day

Te‘ia ai si‘oku loto                                 Striking my injured heart

Hoko ‘ae maama koe pō                      The light of day now dark of night

Kaupō‘uli e maama e poto moe 'ilo      Shining out wisdom and knowledge

Tau: Maisoa mei Saione                              Chorus: Major, a sound from Zion

Malū‘ia ‘ae loto ni                                      Mine heart is in great reverence

Neu ongona ‘ene tupulaki                             Felt, I did its vibrant, violent growth

Kae nonga ‘a si‘ete holi                                It pacified my insatiable urges

Koe ki‘i fakamatala moe huluhulu nounou:

Na‘e fakafatu, fakafa‘u, fakafasi, fakaafo, mo fakasino, fakahaka, ‘ae ta‘anga hiva kakala (hiva ‘ofa, hiva tango, pe hiva ‘eva, love song), malie fau mo loloto atu koe “Maisoa mei Saione” (“Major, A Sound from Zion”) ‘ehe punake kakato ko Siosaia Mataele mei he Lausi‘i, Hihifo, he ngaahi ta‘u 1930) (Na‘e kau ai mo ‘ene hiva kakala malie ‘e taha koe “Fio Tovola” [“Urge to Ask”] moe ngaahi hiva lahi kehe pe). ‘Oku ngaue‘aki lelei ‘e Siosaia ‘ae fa‘ahinga lalahi ‘e tolu ‘oe heliaki, ‘aia koe heliaki fakafetongiaki, qualitative, epiphoric, heliaki, heliaki fakafekauaki, associative, metaphoric, heliaki, moe heliaki fakafonuaki, constitutive, metonymic, heliaki. ‘Oku malie mo‘oni ‘ene ngaue‘aki ‘ae ngaahi lea Tonga moe ‘Ingilisi koe heliaki ‘oe ‘ofa (love) he vaha‘a ‘oe tangata moe fefine, ‘o ne unuunu mo filifili mai mei he tohitapu (‘o kau ai ‘ae hula ‘a Meliame moe kau fefine hoihoifua koe ngaahi me‘e moe me‘alea muli [‘o tukukehe pe ‘ae hula moe ‘ukulele, kutulele, koe me‘e moe me‘alea fakaVaihi]).

‘Oku ofi ‘ae “Maisoa mei Saione” he ta‘anga hiva fetau (rivalry) moe viki (praise) fungani tu‘utai koe “’Utufomesi Siliva” (Cliff of Silver Foamy Waves) ‘ae toe punake kakato mei he Lausi‘i, Hihifo, ko La‘akulu, Faifekau Dr Huluholo Mo‘ungaloa he tu‘a ‘o Siosaia. ‘Oku ‘ikai ngata pe ‘ene hoko ‘ae ngaue fakanimamaka mo faitonunga ‘ae ongo punake kakato ni hono fakakoloa ‘ae faiva ta‘anga, faiva maau, (faiva lea, tufunga lea, moe faiva lea helaki, paloveape, poloveape), ka ‘oku ne toe fakatupulekina ‘ae mohu moe fonu, loloto moe maokupu, ‘oe lea Tonga. ‘Oku malie lahi hono ngaue‘aki ‘e Siosaia ‘ae heliaki koe Kolapa (Kolob; kupu, veesi, 2, kohi, laini, 3), mei he lotu (Tohi ‘a ‘Epalahame moe Tohi Molomona) koe fo‘i fetu‘u ulo ngingila, kakaha, taha he Langi taupotu kihe ‘Afio‘anga ‘oe ‘Otua – koe Palataisi -- ‘aia koe ma‘unga moe tafenga lelei – pea neongo ‘ae taumama‘o ‘a Kolapa moe ‘Afio‘anga ‘oe ‘Otua ‘i Langi ka ‘oku kei tauofi pe hono Maama, Malama, moe ‘Ofa, ‘Alo‘ofa, ‘ae ‘Otua he fa‘ahinga ‘oe tangata ‘i Mamani! Fakafeta‘i e ngaue!!